LEVI 19:3 - DAÜLANGPÜ LAIHING (BSI)

³ Am peüi laophülei nyü hatü pa kü dhüm shuohtuh, hatü Sabbath themtuh. Ngeiyü Shembüpa, ammei Kahvang nyüke.”

LEVI 19:3 Referans Kwoze

MÜLANGPÜ 20:12

Shembüpa, ammei Kahvangi shuohpü kahdok kü yangnyu shoshoei nyuhen shingvaishi ammei anyü hatü ampa kü dhüm shuohtuh.

MÜLANGPÜ 20:8

Sabbath nyih deih-ei dangtuh, hatü hapa daülangi tuhtuh.

HEBREW 12:9

Anyei vaishi jen kü ungei-aeihen jenü hangku nyühipa nyüpeih, hatü jeni jom kü dhüm shuohnyeih. Shejema jeni laanghathülei Pa kü nyeinya dhüm shuoh-ei nenyuhen je?

KANDOK 30:17

Mük, mepai laophülei pa kü naamei veinya, hatü laophülei nyüven lenya, kahjilei nyupü ashathüi büpalei mük luklanghen, hatü alangthüi ha hahtükhen.

LEVI 11:44

Ngeiyü Shembüpa, ammei Kahvang; am nyingi daülangi nyutuh; mehenangkü ngeiyü daülangpü. Kahdokei lüteipü yemhimak homei am nyingi nedaünelangpü telei.

ISAIAH 58:13

Ammi laophülei la-i Sabbath nyeü nemang, hatü ngelei daülangpü nyih kü am nadang kü nelongtei-i, ammi mongpü lem kü nedai-i nevaijü ammi mongpükei nedüki shahten ne-e-i nyujema,

KANDOK 30:11

Shennyak hanei-i laophülei pa kü thaüvaüpü, hatü hümlungnyü kü moihiman neshuohpü nyüke.

KANDOK 23:22

Nüngbüh nüngpaümpü ampalei ven dantuh, hatü viünyü leidaijü anyü kü ne-ühneyingi teyakphong.

SHAHKÜP 27:16

“Nyühipa kü dhüm neshuohpü shennyak kü thaüvaü hettuh”. Hahepak kü nanglak peüi, “Amen!” shei ehen.

MÜLANGPÜ 21:17

Üpai laophülei nyü hatü pa kü thaüvaühenshang jütüktuh.

MÜLANGPÜ 21:15

Üpai laophülei nyü hatü pa kü üphenshang jütüktuh.

MÜLANGPÜ 16:29

Veituh! Shembüpai am kü nyiumeihen nyih nyi shing hahying changshi shuohteke; peüi laophü nyushingei nyutuh; Sabbath nyih kü laophü nyushing kübü tedai” shei e.

MALAKI 1:6

Hapeü hüki laophülei pa kü, hatü aa hüki laophülei shembü kü dhüm shuohnyüpeih. Ngei ammei pa vaijema, ngei kü melei dhüm shuohnya? Ngei ammei shembü vaijema, ngei kü nyempü melei nyüpa? shei Shembüpa Kahvangi enyüke. Oh ngongpathü, ammi ngelei men ne-ienelemnyu, shejao ammi, “Hami nüngei men mekei ne-ienelemi nopa?” shei phenyüke.

EZEKIEL 20:12

Ngei, Shembüpai jom daütükpeih shei nyinghühen nangkü ngei hatü jom aa kü nyangeihepü hük vaishi ngei jom kü Sabbath themhen shuohpeih.

LEVI 26:2

Sabbath themtuh, hatü ngei khümshing kü dhüm shuohtuh. Ngeiyü Shembüpa.

KANDOK 1:8

Ngelei hapeü, ampai nyuhpü bangtuh; anyüi venpü teyakphong.

LEVI 19:30

Sabbath themtuh hatü ngelei khümshing dhüm kohshi noteituh. Ngeiyü Shembüpa.

LEVI 23:3

Ammi nyih vok dou dükhen, shejao nyih nyetpabüyü nyiumeipü Sabbath nyih nyüke. Ha nyih dou nedükhen shejao khümnüng thaihen. Am melei nyuhenshang nyujao dou nedükhen; Sabbath nyih-ü Shembüpalei nyüke.

SHAHKÜP 5:16

Shembüpa, ammei Kahvangi am kü shuohpü kahdok kü yüluei nyuhen hatü am meishi nyuhen shingvaishi Shembüpa, ammei Kahvangi epükei anyü hatü ampa kü dhüm shuohtuh.

KAHBHAO 48:12

Hapheikü Joseph-i jiji chepalei shüngdok leipü yahlangtü büpai büpa touei kahdokei aümei sha.

LEVI 19:25

Shejao vangbong ngapabü kü ammi hapa betjük hahhen. Hapa keiha ammei betjük vungjük nyeinya jükhen. Ngeiyü Shembüpa, ammei Kahvang.

LEVI 19:31

Ammi yimpi laang mü shah eteipüthü nevaijü lashüh tetpüthü lemei tedai, hathü yemjema hathüi am mang thahhühen. Ngeiyü Shembüpa, ammei Kahvang.

LEVI 19:34

Jempü Israel jeihinaü kü kei notuh. Ammi laophü kü kei jom kü bamtuh; mehenangkü amphongü Ijip kahdokei benha vaihampeih. Ngeiyü Shembüpa, ammei Kahvang.

NEHEMIAH 9:14

hatü nüngi nüngei daülangpü Sabbath jom kü shuoh, hatü nüngei chongphobü Mosa homei jom kü shahkung hatü vanglem shuoh.