LEVI 19:17 - DAÜLANGPÜ LAIHING (BSI)

¹⁷ Ammei jeihinaü üpa kao mongei jiühitei tedeih; nüngi chingyowpai pungpü kü neomhahen shingvaishi ngaihe-i loheishuoh.

LEVI 19:17 Referans Kwoze

1 JOHAN 2:9

Üami laophülei jeihinaü hatü nyahinaüthü kü jiühityaki, “Ngei vangngai kü nyüpeih” shei ehenshang, shaangao vangnyak kü nyüke.

LUK SHAHSHA APPÜ 17:3

Amphong nyingkü lituh.” “Nüngei jeihinaüi mang thahjema, büpa kü loheishuoh, büpai mong lepküjema mang tükeishuoh.

1 JOHAN 2:11

Shejao üami jeihinaü hük kü jiühithen vangnyak kü nyüke, vangnyak kü kamnyüke, hatü daihen lem nenyingi nyüke; mehenangkü vangnyaki büpalei mük phüngtükteke.

GALATIA 6:1

Jeihinaüthü, hanei ami mang dükei yepjema, am üami Laangha yah-ei nyu, inyainyempü laanghai hapa keipü shennyak müei leituh. Am laophü nyingi nedokhahhen lituh.

EPHESIA 5:11

Betjük nejükpü shangmang douthü kü hean teyah, shejao hathüyü shakei ngaihütuh.

ROM SHAHSHA APPÜ 1:32

Hapa keipü dou dükpüthü dihen shangpeih shei jomphongi Kahvangei shahkungnyü nyingei nyüke, shejao jomi hathü dükpü mon nevai, shejao hathü dükpüthü kü jomi mongmeishi yahnyüke.

KANDOK 9:8

Nemeipü am kü nüngi teyeantei; büpai nüng kü jiühitphahen; kon kohpü shennyak kü yeaneishuoh, büpai nüng kü bamphahen.

TITUS 2:15

Hathü dou nüngi nyuhtuh. Nüng kü shuohpü wong kempai noei nangthongtuh, hatü loheishuoh. Üpaiyao nüng kü ne-ienelemi noteihen mü tenyu.

TITUS 1:13

Hapa denpeyü jiüpeih. Ha vaipü nangkü jom kü wongmü loh-eishuoh, shejüang jomi vaipü kü meishi leihen,

2 TIMOTI 4:2

Shahjangmei chongventuh; dühü kü hatü dühü nevaipü hepak kü temei nyutuh, inyainyempü longpai, hatü kenhingei nyuhpai nejiüpü kü yeantuh, loh-eishuoh, hatü nangthongtuh.

1 TIMOTI 5:22

Nüngi mih kü laki shünghen ahshi teshülang, hatü mih-ei mang kü hean teyah. Laophü nyingi daülangi nyutuh.

1 TIMOTI 5:20

Aopü lebüthüi nyemhen shangmü mang kü nyupüthü kü mih touei ngaiheyei loh-eishuoh.

1 KORINT 5:2

Ammi ha kü changmeinyüke! Hapakei dükpü shennyak am toueipü changtükhen nangkü am mongshangei deihhen nevaipü je?

MENVIH KESHO 141:5

Daülangpüthüi ngei kü bheihütuh; hinglempüthüi ngei kü yeanhütuh. Nemeipüthülei mainga-i ngelei shangjing kü tenyiohü; mehenangkü düngei ngei phoppeyü jomei douten khüei nyüpeih.

KAHBHAO 27:41

Shaang chepai Jakob kü moihiman shuohtükpü nangkü Esau-i Jakob kü jiühit, hatü Esau-i büpa nyingi, “Opa dihen nyih ngoikünyüke; hahepak kü Jakob jühen” shei deih.

2 SAMUEL 13:22

Shejao Absalomi Amnon kü tenao ne-e, meiyao ne-e; mehenangkü chenaü Tamar kü douten dükpü nangkü Absalomi Amnon kü longi jiühit.

NEHEMIAH 13:17

Ngei Judah behethü kü loh-ei, “Sabbath nyih mangei mehe mang dou ammi düknya?