11 Tegüh, tepeilei, shahshem te-e.
Nüngi tegüh.
Am hüki hük mü shahshem te-e; mehenangkü ammi hathü dükhiling mü shennyak chang yaktükteke,
Shejema shahshem yaktüktü jen peüi jenei chingyowpa mü shahhing eshah; mehenangkü jen hüki hük mü büm hük kü phaihan kukpong nyüke.
Ühingnakaipü üpayao ngelei shemei nenyuhen; shahshem epü üpayao ngei nyushingei nenyuaokhen.
Hapakei nevai! Shennyak peü shahshem epüthü; Kahvangü shahhing. Hapakei nyangei nyüke: “Hanangkü mechem nüngi shah ehen, nüng jiüpeih shei huteke, hatü nüng shahphen shingkü dahshakteke.”
Amphongi tegüh.
Shejao mong nelongpü, hingnelempü, sheihdaipü, shennyak jüpüthü, mükbongjuyungpüthü, phongyompüthü, lajei khümpüthü, hatü shahshem epüthülei shingü awkaong meli kü aw bahpü shemyungei nyuhen; hapayü nyipabü dipü.”
iyjeiphaileipüthü, bahai baha mü hatü yemhimak mü mükbongjuyungpüthü, aa yupüthü, shahshem epüthü, shahshem denbüthü shingvaishi,
Gühpathüi gühpü yaktüktuh; halei meyü taopathü kü lemhük dangkao shuoh-aokhen mü laophülei laki shahhing kü dou düktuh.
Mehenangkü maanpü kübü longpü thahshi shahhing ne-epü mop danghen yemnyüke; thibü kübü ngongpathü thahshi peüi shahshemi mon düknyüke.
Ngei longi mongshang kü nyushing kü, “Peü shahshem khih” shei epeih.
Mechem shennyak hanei-i küphü haneilei lop nevaijü doumeinangmei jaohen yah-ei tuhhen, hatü shem leipü hapa gühlangjema, hatü ha gühpü shennyak yepjema, shing nyi shemhühen.
Mechem shennyak hanei-i mohoh nevaijü mi güh-ei jühen hatü yutükhenshang, gühpai mohoh hük kü nga hang shemhen, hatü mi hük shing ali shemhen.
Nüngi nüngei chingyowlei shem kü vaüei tedeih; nüngi nüngei chingyowpalei nyüha kü vaüei tevei, nevaijü jomei mohoh nevaijü gadu nevaijü nüngei chingyowpalei lemphüli kü vaüei tedeih.
Hahepak kü Bethel leipü thibü changi büpa kü, “Ngeiyao nüng keipü thibü hih. Shembüpalei shah homei vangsho phongshan hüki, ‘Hahyinghen shingvaishi hapa shennyak nüng mü müei leituh’ shei ephopeih” shei e. (Shejao büpai shahshem eshuohteke.)
Nüngei chingyow khüei shahshem denpü teshuoh.
Ammi shahshem baongeiyaüei te-e. Pungpü shennyak kü ammi shahshem denpü shuoh-ei büpa dah teshakhü.
Ammi nyalingngupai chaei tevaüm nevaijü vüdaipü nyalingngupai tehom; ammi taopathü hatü benhathü shingvaishi hathü tuhphongtuh. Ngeiyü Shembüpa, ammei Kahvang.
Absalomei shennyakthüi hapa nyühalei shemei peiyei pinnyü kü, “Ahimaaz hi Jonathan nyi melei nyüpa?” shei phe. Hapa nyühanyüi jomphong kü, “Jijiyü yungyen homei lüdaitih” shei e. Hapa shennyakthüi yemjao meheyao nedang, jomphong Jerusalemei leidai.
Ten yepaokpü neshiüshiüi nüngei chingyowpa khüei shahshem denpü teshuoh, hatü nüngei jubenyeijaangi lawlüpei te-e.
