LEVI 18:21 - DAÜLANGPÜ LAIHING (BSI)

²¹ Nüngi nüngei hapeüthü üpayao Molekh kahvang kü jakpü moila teshuoh; mehenangkü nüngi nüngei Shembüpalei men teten. Ngeiyü Shembüpa.

LEVI 18:21 Referans Kwoze

SHAHKÜP 12:31

Ammi Shembüpa, ammei Kahvang kü jomei vanglem aimü tekhüm; mehenangkü jomi jomei kahvang kü khümshingkü Shembüpai jiühitbenüng doulem kemei düknyüke. Jomi laophülei hapeüthü jüei jomei kahvang kü moila shuohnyüke.

LEVI 19:12

Ammi shahshemi ammei Kahvang men tenei tevangteshuw. Ngeiyü Shembüpa.

SHAHKÜP 18:10

Am üpaiyao laophülei hapeüthü moidülei aw kü jakei moila teshuoh, hatü nanglak üpaiyao phongyomei, teteivanei, nyeüeinyaei, thihivam dou dükei,

LEVI 22:32

Ngelei daülangpü men tetenhü. Israel am peüi ngeiyü daülangpü shei nyingtuh. Ngeiyü am daühüpü Shembüpa,

PHONGSHANTHÜ DOU 7:43

Ammi khümnüng linghahpü lajeithü, Molekh Kahvang, hatü ammei litha kahvang Rephanei khümhen ammi koei longteipeih. Hanangkü ngei am Babylon peih-ei wüpküpei shomtükhen.”

MALAKI 1:12

Shejao ammi Shembüpalei moidü sheihdaiteke shei epai, hatü yaktükpü hahying moila shuohpai ngelei men tentükteke.

JEREMIAH 19:5

Jomi Baal kahvang kü laophülei hapeü aw kü jakei moila shuohhen shingvaishi Baal kahvangei vaümchongthü lingteke; ngei mechemao jom kü eyei nenyu, nevaijü ngelei mong kü deihshi nenyuangpih.

1 ONGPATHÜ 11:33

Jomi ngei tuhphongtü Sidon amei nyüha kahvang Astartes, Moab amei kahvang Kemosh, hatü Ammon amei Molekh kahvang kü khümei ngelei lemthü kü nekam, nevaijü ngei touei jiüpü nedük, nevaijü chepa Davidi dükpükei ngelei vanglem hatü shahkungnyüthü nedükpü nangkü ngei hapa dükshuohhen.

1 ONGPATHÜ 11:7

Jerusalem heongphi kahshangei Solomoni jiühitnalaipü Moab amei Kemosh kahvang, hatü Ammon amei Molekh kahvang kü khümhen khümshing veteke.

LEVI 22:2

“Ngelei daülangpü men nenyethen shingvaishi Israel ami ngei kü daühüpü lanei shuohpü moilathü kü kenhingei dhüm kohshi notuh shei Aaron hatü chehathü kü eyeishuoh. Ngeiyü Shembüpa.

AMOS 5:26

Shejao ammi ammei Sakkuth ongpalei lajei, hatü ammei litha kahvangei lajei, Kaiwan, mepa ammi linghahpa, ha kü khümpü nangkü,

EZEKIEL 23:37

Mehenangkü jijinyi-i mükbongjuyung dükteke, hatü jijilei lakei iy nyüke; jijilei lajei mü jiji mükbongjuyung dükteke, hatü jijinyi-i ngei kü bühphopü hapeüthü jijilei lajeithü kü moila shuohnyüke.

EZEKIEL 20:31

Mechem ammi moila shuohhen hatü ammei hapeüthü aw kü jakei moila shuohhenshang, ammei lajeithü homei am nyingi nedaüi leinyüke. Hakei tuhtü amphongi ngei kü phehen je, Oh Israel phang? Ngeiyü vanyangyem Kahvang, amphongi ngei kü lanshei nephehen shei Shembüpa Kahvangi enyüke.

JEREMIAH 7:31

hatü jomi ngei ne-epü, ngelei mongeiyao nelepü dou jomei hapeüthü Hinnom Kahjilei Topheth kahvang kü aw kü jakei moila shuohhen vaümchongthü nedoh-i lingnyüke.

2 ONGPATHÜ 23:10

Josiah ongpai Ben-Hinnom Kahjilei nyupü Topheth metouei lebü kahvangthü kü khümteipa, hapa shing sheihtük; hanangkü üpaiyao hatouei Molekh kahvang kü laophülei hapeü aw kü jakei moila neshuoh-aok.

2 ONGPATHÜ 21:6

Büpai cheha aw kü jakei moila shuoh. Büpai phongyom hingletpü, lashüh tetpü dou dük, hatü yimpi laang mü shah eteipü am, hatü tetpüvanpü am kü pheyeiyuei nyu. Büpai Shembüpa touei mang longi dükei, büpa mongshihhü.

2 ONGPATHÜ 16:3

shejao büpai Israel ongthülei lem kü kam. Lebü jatthüi dükteipü jiühitnalai vanglem keiha büpai laophülei hapeü aw kü jakei lajei kü moila shuoh. Hanangkü Israel am shekü Shembüpai hapa kahdok kübü jom changtükpeih.

LEVI 21:6

Jomphongü jomei Kahvang kü daülangi nyuhen hatü jomei Kahvangei men netenhen vongbong. Mehenangkü jomi Shembüpa, jomei Kahvang kü aw kü jakei moila shuohnyüke; jom daülangi nyuhen vongbong.

ROM SHAHSHA APPÜ 2:24

Mehenangkü ha nyangei nyüke: “Am tata kü Kung am touei Kahvangei men ne-ienelemi leitükteke.”

ROM SHAHSHA APPÜ 1:23

hatü mechemao nedipü Kahvang müknyinshekhang hangku lepü nevaijü ouhiyüh nevaijü yemhimak nevaijü biühimakthülei lajeithü lepü kü jeiteinyüke.

2 SHÜPPÜKENGPÜ 28:3

Büpai Ben-Hinnom Kahjilei jakpü moila shuoh, hatü Israel am toueipü Shembüpai changtükpü jatthüi dükpü jiühitpü dou keiha büpai cheha aw kü jakei moila shuoh.

JEREMIAH 32:35

Jomi Molekh kahvang kü jomei hapeüthü jüei moila shuohhen nangkü Hinnom Kahjilei Baal kahvangei moidü lingpeih. Ngei jom kü ha dükhen ne-e, hatü ngelei nanglak Judah am mang thahhühen mü jomi henüng dou dükkahen shei ngelei mong kü leyei nepeiküangpih.

EZEKIEL 20:26

Jomi ngeiyü Shembüpa khih shei nyinghen shangmü ngei jomei thinthothü jomei shongei shaanpü yem moila peü ngei sheihtükpeih, hatü ngei jom nyempai mahü.

MIKA 6:7

Mi cheha haja longi müei peijajü, nevaijü olive mainga yungyen haja an mü mongmeihen je? Ngei pungpü nangkü ngelei hashong, ngelei mang nangjei ngelei büm kübü betjük shuohhen hiang?

LEVI 24:15

Israel am üpai Kahvang kü thaüvaühenshang, büpai ha mang kohen,

2 ONGPATHÜ 17:31

hatü Avva shennyakthüi Nibhaz hatü Tartak, hatü Sepharvaim ami jomei Sepharvaim kahvangthü Adrammelekh hatü Anammelekh kü laophülei hapeüthü aw kü jakei moila shuoh.

AMOS 2:7

Jomi taopathü kübhih kü nyeüei dungtüknyüke, hatü neaoknethang ponghahpüthü lemhaoei yaktüknyüke. Pahiha nyi chemi nyüha hük mü shinyüke; hapai ngelei daülangpü men tentüknyüke.