LEVI 17:7 - DAÜLANGPÜ LAIHING (BSI)

⁷ Jomphongi hajük kü yum lajei kü yem jüei moila shuoh-ei mang dou nedükhen. Hapayü jom shingvaishi hüdenhalenshi noteihen shahkungnyü nyüke.”

LEVI 17:7 Referans Kwoze

1 KORINT 10:20

Nevai, mehe nevaipü ami moilanya, hayü Kahvang kü nevai, kahshihthü kü moilanyüke. Ngei amphongü kahshihthü mü hean yahpü am nyemtevai shei deihnyeih.

MÜLANGPÜ 34:15

Ammi hapa kahdok kü nyupü shennyakthü mü meheyao vangpüshuwpü nelinghen; mehenangkü mechem jomi jomei kahvang kü khümhen hatü ha kahvangthü kü jakpü moila shuohhen, jomi am kü nyükhen hatü ha kü moila shuohpü hahying ammi hahhen khih;

2 SHÜPPÜKENGPÜ 11:15

büpai mongpükei shennyak jeyei vaümchong, büpai lingpü yum hatü mohoh cheha kahvangthü kü khümhen shingvaishi ngongpathü jeteke.

SHAHKÜP 32:17

Jomi Kahvang nevai, kahshih; jomi nenyingpü kahvang, yopai-i ja vampü kahvang, ammei bühipai nekhümpü kahvang kü moila shuoh.

MENVIH KESHO 106:37

Jomi jomei yiükha yeshangthü shepe kü jakpü moila shuoh;

SHAKEI VAMPÜ 9:20

Aopü hangkuthü, üam hapa cham kü nejütük, hathüi jomei lakdou nevaijü kahshih nevaijü hon, ngin, melangnyiam, yaong hatü pü yah-ei lingpü müki ne-ee, nevaijü nedan, nevaijü nekamaokpü lajeithü kü khümpü kübü nedoh.

EZEKIEL 23:8

Pinnyüi nela hepak Ijiplei bahathü mü shiyei, büm kü bhiteiphaüei pai mü ngühpü nela den mahhüei nyupü shaang thahshi ha neyakphongang.

SHAHKÜP 31:16

hatü Shembüpai Mosa kü eteke, “Sheyü nüng lomi didaihen, hatü hapa nanglakthüi meshük neangi jom peiyei nyuhen kahdok leipü kahvangthü kü khümhen. Jomi ngei yakphonghen hatü ngei jom mü lingpü vangpüshuwpü mangtükhen.

LEVI 20:5

ngei büpa hatü jom shem khüei yaonghen, hatü laophülei nanglak khong kübü büpa hatü büpa phei müei Molekh kü khümpüthü kemei jütükhen.”

MÜLANGPÜ 32:8

Ngei jom kü dükhen eshuohpü peü yakphongtü lembienei lüdaikemteke; jomi jom shingvaishi mohoh cheha lajei hük lingtü ha kü khümei jakpü moila shuoh-ei, ‘Oh Israel am, hapayü am Ijip kahdok leipü müei daipü ammei kahvang khih’ shei enyüke” shei eteke.

MÜLANGPÜ 22:20

Shembüpa, ngei mü lenei shennyak üpai lebü kahvang kü jakpü moila shuohhenshang, jütüktuh.

EPHESIA 2:2

hatü ha kü am nyuei, kahdoknyü mang lem kü müei, phumshang leipü ngan kü vanglem lembü phei müei nyu; hapa laanghai shaang ven nedanpüthü kü dou düknyüke.

2 KORINT 4:4

Jom nang keyü Kahvangei lajei, Khristalei müknyinshekhang shahjangmei vangngai jomi ne-eehühen shingvaishi hapa kahdoknyü kübü kahvangthüi nevaipüthülei mongdang mük phüngtükteke.

JOHAN 14:30

Ngei amphong mü hajük kü ahshi ne-ehen; mehenangkü hapa kahdoknyü vanglem lembü peikünyüke. Büpa ngei shak kü mehe wongao neshiü;

JOHAN 12:31

Shaangü hapa kahdoknyü kü shahphenhen hepak; shaangü hapa kahdoknyü kübü vanglem lembü changtükhen hepak.

JEREMIAH 3:1

Baha hüki laophülei nyüha mü yanjü, pinnyüi büpa toueipü yanei daiyei lebü baha mü doi lüdaipheikü shao büpai pinnyü touei nyokei leihen je? Hapa keipü kahdok sheih-ei neshiüpü je? Ammi chühimai longi mü mükbungjuyungteke, hatü am ngei touei leiaokhen je? shei Shembüpai enyüke.

LEVI 3:17

Am nyushing peülei hapayü hüdenhalenshi nedohneteni nohen shahkungnyü nyüke. Ammi cheü nevaijü iy meheyao nehahhen.

LEVI 17:8

Nedoh-i jomphong kü hapakei etuh: Israel am nevaijü jom mü nyupü benha üpai Shembüpa kü jakpü moila nevaijü lebü moila shuohhenshang,

MENVIH KESHO 106:39

Hapakei jomei doui jom nedaüi lei, hatü jomi dükpü dou kü mükbongjuyung.

EZEKIEL 23:3

Jijinyi-i hashih mebü Ijiplei büm yuei pai mü ngühpü la den mahtükpeih.

MÜLANGPÜ 22:19

Yemhimak mü mükbongjuyungpü shennyak jütüktuh.

MÜLANGPÜ 27:21

Ashakshemei Aaron hatü chehathüi Vangpüshuwpü Pela touei haenpü ashak haolei om kübü dhom thahshi aw jakei tuhhen. Hapayü Israel ami hüdenhalenshi noteihen ngeükhüam nyüke.