LEVI 17:15 - DAÜLANGPÜ LAIHING (BSI)

¹⁵ Bühü vaijao benha vaijao üpai yemha mahng dangpü nevaijü shahhishuwi hahpü yemha mahng hahhenshang büpai laophülei ashakviha dhotükhen, hatü hangha laktükhen, hatü büpa om dhüshi nedaüpü leihen; hapheikü büpa daütükhen.

LEVI 17:15 Referans Kwoze

SHAHKÜP 14:21

Ammi hathüyü am mü lakeiloiyei nyupü am kü shuohhen aok, hatü jomi ha hahhen aok. Shejao amphongü Shembüpa, ammei Kahvang touei daülangpü nanglakthü nyüke. Ammi mi nevaijü yum cheha yahei chenyülei amma mü techeü.

LEVI 22:8

Meishi dipü nevaijü shahhishuwi hahpü yemhalei phai nehahhen; hapai büpa nedaüpü leihen. Ngeiyü Shembüpa.

MÜLANGPÜ 22:31

Amü ngelei daülangpü nanglakthü. Hanangkü phaüyemi jüpü nyahhiphai tehah; hapayü shithü kü ühtüktuh.

LEVI 11:25

Üami hathü yemha mahng hük dangkao homei yahhenshang, büpai laophülei ashakviha dhotükhen vongbong, hatü büpa ha ya om dhüshi nedaüpü leihen.

SHAKEI VAMPÜ 7:14

Ngei büpa kü, “Longpüba, nüngiang nyingei nyüpeih” shei ngei jangei e. Hahepak kü büpai ngei kü, “Hathüyü shüveidoidei longpü kübü yangei peiküpüthü khih; jomi jomei bhagthuh Mi Chehalei iy kü dhotüktü shotoh-i leihüpü khih.

EZEKIEL 44:31

Ngongpathüi nyingnyoi kü dipü ou nevaijü yemhimak, nevaijü shahhishuwi jüpü phai meheyao nehahhen.

EZEKIEL 4:14

Hahepak kü ngei, “Oh Shembüpa Kahvang! Hashih mebü shaang thahshi angkü dipü nevaijü phaüyemi jüpü phai hahtü ngei nedaünelangi neleiangpih; hapa keipü nedaüpü het manghahpih” shei eteke.

LEVI 15:5

Shennyak hanei büpalei shinshing kü hongjema ashakviha dhotükhen hatü hangha laktükhen vongbong, hatü büpa om dhüshi nedaüpü leihen.

BHEI-IE 19:21

Hüdenhalenshi ammi hapa shahkungnyü noteihen. Üpa shennyaki daühüpü yungi haishuohnya, büpaiyao laophülei ashakviha dhotükhen vongbong, hatü üpai daühüpü yung kü honghenshang om dhüshi nedaüi leihen.

BHEI-IE 19:19

Hapa daülangpü shennyaki nedaüpü shennyak kü nyih jempabü kü, hatü nyih nyetpabü kü daühüpü yungi haihen. Nyih nyetpabü kü büpai hapa shennyak daühühen. Hapa shennyaki ashakviha dhotükhen hatü hangha laktükhen, hatü hapa om kü büpa daüdaihen.

BHEI-IE 19:8

Üpa shennyaki hapa jaknya, büpaiyao ashakviha dhotükhen hatü hangha lakhen hatü büpa om dhüshi nedaü-i nyuhen.

LEVI 15:21

Üpai pinnyülei shinshing kü honghenshang, büpai ashakviha dhotükhen, hatü hangha laktükhen, hatü büpa om dhüshi nedaüpü leihen.

LEVI 15:10

Üpai hapa shennyakei dou lemhük kü-üng honghenshang, büpa om dhüshi nedaüpü leihen; üpai hapa shennyaki uopü yemha kü dou lemhük dangkao koei leihenshang, büpai ashakviha dhotükhen hatü hangha laktükhen hatü om dhüshi nedaüpü leihen.

LEVI 7:24

Dipü yemha nevaijü shahhishuwi jüpü yemhalei cheü ammi lebü nadang kü noteihen aok, shejao hapa nehahhen.

LEVI 11:40

Hanei-i hapa yemha mahng phaihan hanei dangkao hahjema, büpai laophülei ashakviha dhotükhen, hatü om dhüshi nedaüpü leihen. Üpai hapa yemha mahng homei yahhen, büpai laophülei ashakviha dhotükhen, hatü büpa om dhüshi nedaüpü leihen.

MÜLANGPÜ 22:30

Hapa aihük mü ammei mohoh hatü mithü shuohtuh. Shaanpheikü nyih nyet chenyü mü tuhtuh; nyih shetpabü kü ha ngei kü shuohtuh.

LEVI 11:24

Üami hathü yemha mahng kü honghenshang, ha ya om dhüshi nedaüpü leihen.

LEVI 11:27

Lakhila ali kohtü lakdheni shükei kampü yemhathü peü am shingvaishi nedaüpü nyüke; hathü yemha mahng hük kü dangkao hongjema om dhüshi nedaüpü leihen.

LEVI 11:28

Hanei-i hapalei mahng homjema büpalei ashakviha dhotükhen, hatü büpayü om dhüshi nedaüpü leihen. Hathüyü am shingvaishi nedaüpü nyüke.

LEVI 11:31

Kahdokei lüteipü hathü kemei am shingvaishi nedaüpü nyüke. Üami hapa mahng kü honghenshang, om dhüshi nedaüpü leihen.

LEVI 11:32

Mechem hathü khongkü hük dangkao diyei vüei shaei noteipü douhinang, püi lingpü dou, ashakviha, phaishuwi lingpü dou nevaijü dhoila vaijao lemhük kü dangkao shükjema, nedaüpü leihen. Hapa yung kü hingeishuoh; hapa om dhüshi nedaüpü leihen, hapheikü mon daüdaihen.

LEVI 11:39

Am kü hahhen epü yemha khongkü hük dangkao dijema, hatü hapa mahng kü hanei-i hongjema, om dhüshi nedaüpü leihen.