LEVI 16:4 - DAÜLANGPÜ LAIHING (BSI)

⁴ Büpai daülangpü nyemin bhagthuh, nyemin ashaki büpalei büm kü jümei thuhhen; nyemin shüngshep ngeihhen, hatü nyemin shangshak shakhen. Hathü daülangpü owhiai nyüke; büpai hathü thuhshekü hangha laktükhen vongbong.

LEVI 16:4 Referans Kwoze

MÜLANGPÜ 30:20

Mechem Aaron hatü chehathüi ashakshemei nevaijü moidü touei aw kü jakei moila shuohhen shingvaishi peihenshang, jom nedihen shingvaishi jomi lakhila phuhen vongbong.

HEBREW 7:26

Mehenangkü jeni daülangpü, eela neshiüpü, nesheihpü, mangthü kübü yanei nyupü, hatü vangshothü shak kü longei aongpü hapa keipü ngongchong anghen jiüpeih.

LEVI 6:10

Ngongpai büpalei nyemin ow mü büm kü jümpü nyemin bhagthuh thuhtü moidü leipü jakpü moila awnih yah-ei moidü chongei haühen.

HEBREW 10:22

kenhingpü mongdang hatü hinglempü lekpü kü nemeipü chudeih kübü daüdaipü mongdang mü daülangpü yungi jenei büm paütüktü jeni Kahvang yopailei peishah.

HEBREW 2:14

Hanangkü hashihthüi iy hatü phai kü hean yahpükei büpai laophü nyingi jom kei hangku nyingnyoi yah. Büpai hapayü büpa dipü homei dipü shak kü wong nyupü Kahshih mahtükhen nangkü dükpeih,

PHILIPPI 2:7

shejao laophü nying kong leiyei chongphobü hükei nyingnyoi yah-ei hangku lepü kü bühteke. Hatü hangku nyingnyoi keiha hangku leitü,

LUK SHAHSHA APPÜ 1:35

Vangsho phongshani pinnyü kü, “Laangha Daülangpü nüng shak kü peikahen, hatü Chaipübalei ngani nüng kü dhümhen; hanangkü nüngi anghen naü-ü daülangpü nyuhen; büpa kü Kahvang Ha shei nyükhen.

ISAIAH 53:2

Büpayü Shembüpa touei sheili pü hük keiha, hatü kahvan kü nyem phaatpükei longpeih. Jeni büpa kü mük shahhen mü, nevaijü jeni lümhen mü büpa kü meheyao dhemeilaüma, nevaijü bethünghangbong neshiü.

LEVI 16:24

Büpai daülangpü shingei hangha lakhen, hatü büpai düngei owteipü ow owhen, hatü büpa vamei büpa hatü nanglakthülei mang tükhen shingvaishi jakpü moila shuohhen.

MÜLANGPÜ 40:12

Hapheikü nüngi Aaron hatü chehathü ashakshem shadenei müei deiyei yungi jom kü hangha lakhütuh,

MÜLANGPÜ 29:4

Aaron hatü chehathü ashakshem shadenei deituh hatü hangha lakhütuh,

MÜLANGPÜ 28:2

Anjei Aaron kü dhüm kohshi, nethe meishi eehen shingvaishi ngong-ow temtuh.

LEVI 16:23

Hapheikü Aaroni Longi Daülangpü Shingei shüshekü owpü owhiai kemei ashakshem mongei shüei hathü bhüh-ei tuhphonghen.

LEVI 16:32

Ngongpa üpai chepalei shing kü jeihen thiteiphuei jehenshang, büpai daüpülangpü dou dükhen. Büpai ngong-ow owhen,

EZEKIEL 9:2

hatü apsha philei meetü dokpa shaden lemeipü shennyak vok lahhilaong notü vam. Hathü khongkü shennyak hük nyemin ashak ümtü, nyanghen lemhük notü nyuteke. Jom peü peiyei melangnyiam moidü touei yaong.

EZEKIEL 44:19

Mechem jom nanglakthü touei chingshelei vamhen; jomi chongpho shingkü yahpü ow kemei daülangpü dungei hukei tuhhen, hatü jomi lebü owthü owhen, shejüang owhiai homei nanglakthü kü daülangpü dou kü hongtü nedihühen.

LEVI 6:3

nevaijü büpai dou mahdaipü hanei dangei hapa nang shahshem eyei, nevaijü büpai shahshemi nedangangpih shei vangei, nevaijü shennyakthüi hapa homei mang thahhen mü büpai henüng mang Shembüpa tou kü thahjema, hatü hingnelemjema,