29 Hapayü am shingvaishi düngeipü shahkung nyukahen: Nyetpabü len nyih anpabü kü bühü vaituh nevaijü am mü nyupü benha vaituh shüaeiyunglehen, hatü dou nedükhen.
“Shembüpai neveiyaki mehekei jen shüaeiyunglehen? Büpai nenyingyaki mehekei jen nük nehah-i nyuhen?” shei jomi enyüke. Veituh, am shüaeiyunglepü nyih ammi lümbenüng mon düknyüke, hatü ammei dou dükbüthü kü shüveinyüke.
Len nyetpabü nyih anpabü kü am phopnüng thaituh. Ammi meheyao nehahneyinghen hatü dou nedükhen.
Hahepak kü büpai ngei kü, “Daniel, nüng tenyem. Shongpü nyih kübü pangei kihikon danghen shingvaishi nüng nyingi Kahvang touei nenteiaokei leihen mü ngei mong kü temteke, hatü nüngi phoppü dantepih, hatü shaangao nüngi phoppü kü jangei peinyüpeih.
Shennyak hük mong lephenü henüng keipü nyih ngei jenyu je? Ammi ammei shangjing bhuknyübong kei laamei shatü dhoila ashak ümtü depla kü lemtü khümnyüke. Ammi hapa kü Shembüpa touei yah-aokhenüng shüaeiyunglepü nyih shei nyükhen je?
Shejao mechem jom tüngei nyupa, ngeiyü dhoila ashak ümtü shüaeiyungleyei nyupeih. Ngei ngelei shangjing thaungei shatü phoppeih.
Nyih nyet mong aa kü Shembüpa kü aw kü jakei moila shuohhen; nyih shetpabü kü am peü khümnüng thaihen hatü Shembüpa kü jakei moila shuohhen. Hapayü khümpü nyih hatü ammi dou nedükhen.
Hapa nyi-üng ammi khümhen thaituh shejao nyingnyoi kü kei dou tedük. Am melei nyuhenshang, hapayü ami hüdenhalenshi noteihen shahkungnyü nyüke.
Shejao nyih nyetpabü-ü Shembüpa, ammei Kahvang kü Sabbath thempü nyih nyüke; am, ammei hapeüthü, ammei nyüha hatü baha, aathü, ammei yemhimak, nevaijü am mü lakeiloiyei nyupü benhathüi mehe dou-ao tedükhü.
Mehenangkü Kahvangi laophülei dou kübü nyiumeipü keiha üami Kahvangei nyiushemmei kü shüaok jomao laophülei dou kübü nyiumeihen.
Shejao jen nyingi dokei veijema, jen kü shah nephenhen.
Hapta jem mangpeih thahshi ngei hetmei nehah; phai nehah nevaijü ngelei jui yiü kü nejep hatü sho kü meli nyioei sho nehai-i nyuteke.
Ammi laophülei la-i Sabbath nyeü nemang, hatü ngelei daülangpü nyih kü am nadang kü nelongtei-i, ammi mongpü lem kü nedai-i nevaijü ammi mongpükei nedüki shahten ne-e-i nyujema,
Ngei thepei shüaeiyungleyei maanpü leipü nangkü jomi ngei kü ne-ienelemnyu.
Mechem len nyet lompa, Israel am jilathülei nyu, hatü nanglakthü mong hük leitü Jerusalemei thai.
Israel am nanglakthü kemei Solomon ongpa touei lenyang nyetpabü Ethanim len kü mo hepak kü thai.
Ammi nyih vok dou dükhen, shejao nyih nyetpabüyü nyiumeipü Sabbath nyih nyüke. Ha nyih dou nedükhen shejao khümnüng thaihen. Am melei nyuhenshang nyujao dou nedükhen; Sabbath nyih-ü Shembüpalei nyüke.
Vangbong kü chem Aaroni hapa moidü mang moila shuohpü yemhalei iy langei daühühen. Ammei hühiha den kemei hapa moila shuohpü iy yah-ei vangbong kü chem büpai hapa dükhen. Hapayü Shembüpa tou kü longi daülangpü nyuhen.
Shongpü nyih hatü nyetpabü nyih ammi khümnüng thaituh; hathü nyih kü dou meheyao nedükhen, shejao mehe hahhen nyüpa, hathü mon nemnohahhen vongbong.
Hepak longi tük, hatü yungching kü daihen vongshüh vaihen mü vamteke; mehenangkü hapa hepak keyü Shüaeiyunglepü nyih-ao peihdaitü nyuteke, hanangkü Pauli jomphong kü,
Ammi Sabbath themtuh; mehenangkü hapayü am shingvaishi daülangpü nyüke; üami ha sheihtükhenshang jütükhen; üami hapa nyih mangei dou dükhenshang, laophülei nanglak khong kübü katitükhen.
Nyih vok ammi dou dükhen, shejao nyih nyetpabü-ü Shembüpa kü daülangshemsheyei themhen Sabbath nyih nyüke; üpai ha Sabbath thempü nyih dou dükhenshang jütükhen.
Am nyushing peülei hapayü hüdenhalenshi nedohneteni nohen shahkungnyü nyüke. Ammi cheü nevaijü iy meheyao nehahhen.
Hanangkü jom Mizpahlei thaiyei yung shoei anei Shembüpa touei langteke. Ha nyih jomi shüaeiyungleyei, “Hami Shembüpa khüei mang thahteke” shei mang lah, hatü Samueli Mizpahlei nyuei Israel am kü vanglem lemteke.
Ham, hamei hapeüthü hatü hamei mophimo kemei yah-ei meishi daihen nangkü hamei Kahvang touei maanpü leiyei shüaeiyunglehen ngei Ahava yungyenei nyükteke.
Hatü lenyang nyetpabü nyih anpabü kü shing peülei amit wongmü vüngtuh; mang tükpü moila shuohpü nyih kü ammei kahdok kempülei amit vüngtuh.