LEVI 16:18 - DAÜLANGPÜ LAIHING (BSI)

¹⁸ Hapheikü büpa Shembüpa toueipü moidü touei vamei moila shuohhen. Büpai mohohbaongei iy hanei hatü yum iy hanei yah-ei moidü leipü vaung peü kü nyiohen.

LEVI 16:18 Referans Kwoze

LEVI 4:7

Hapheikü ngongpai ashakshem mongei Shembüpa toueipü ayingshü jakpü moidü leipü vaung kü iy hanei nyiohen, hatü mohohlei iy aopü yah-ei büpai ashakshem shaden leipü moila jakpü moidü chongei langhen.

LEVI 16:16

Hapa keiha büpai Israel nanglakthü nedaünelangpü hatü khüpü mang lemphüli shingvaishi Longi Daülangpü Shing daütükhen. Jom nedaünelangpü chi kü nyupü ashakshemao hapakei daütükhen.

LEVI 4:18

Büpai ashakshem mongei Shembüpa tou kü haüpü moidü leipü vaung kü iy hanei nyiohen. Aopü iy yah-ei büpai ashakshem shaden toueipü jakpü moila jakteipü moidü chongei langhen.

MÜLANGPÜ 30:10

Vangbong kü chem Aaroni hapa moidü mang moila shuohpü yemhalei iy langei daühühen. Ammei hühiha den kemei hapa moila shuohpü iy yah-ei vangbong kü chem büpai hapa dükhen. Hapayü Shembüpa tou kü longi daülangpü nyuhen.

HEBREW 2:11

Mehenangkü daühüpüba hatü daütükpüthü peüei Pa hük nyüke. Ha tata kü Jisui jomphong peü kü jeihinaü hatü nyahinaüthü shei nyükhen neveünyu.

JOHAN 17:19

Jomao shahhing kü daühühen shingvaishi jomei men kü ngei nyingi daütüknyeih.

LEVI 4:25

Ngongpai büpalei lakjaangi mang moila kübü iy hanei yah-ei jakpü moila shuohpü moidü leipü vaung kü nyiohen, hatü aopü iy kemei moidü chongei langhen.

LEVI 16:17

Longi Daülangpü Shingei Aaroni büpa shing, jom shem shing, hatü Israel phang kempü shing moila shuohnüng shüdaipü mangvam thahshi üpaiyao ashakshem mongei nenyuhen.

BHEI-IE 28:22

Am shingvaishi mang tükhen mang moila shuohhen yum chebaong hük shuohtuh.

EZEKIEL 43:20

Nüngi iy hanei yah-ei moidü jiam kübü nuk aliphen kü hatü shinei nyupü khaala peü kü nyiotuh; hapa keiha nüngi ha daühühen hatü hapa leipü mang daütükhen.

EZEKIEL 43:22

Nyih nyipabü kü kawhikang neshiüpü yum chebaong deiyei mang moila shuohtuh; mohohbaong jüei daühüpükei hapa moidü daüdaihen.

EZEKIEL 45:19

Ngongpai hapa mang moila kübü iy hanei yah-ei phopshem shaden shemha kü, moidü vaungjung ali kü, hatü mongpa chingdung shaden shemha kü nyiohen.