LEVI 16:13 - DAÜLANGPÜ LAIHING (BSI)

¹³ Büpai ayingshü yah-ei Shembüpa tou kü aw kü jakhen, hatü büpa nedihen shingvaishi Vangpüshuwpü Pela kübü shaküp vong büpü awshiti jümlanghen.

LEVI 16:13 Referans Kwoze

MÜLANGPÜ 25:21

Ammi hapa shaküp pela shangkü küptuh; hatü hapa pela mongei ngei am kü shuohhen vangpüshuwpü yaongshung hütuh.

MÜLANGPÜ 30:1

Ayingshü jakei moilahen shingvaishi akacia pü yah-ei moidü hük lingtuh.

HEBREW 9:24

Mehenangkü Khristayü hingshangpü hük nyuh-ei hangkulei laki lingpü Longi Daülangpü Shingei neshü, shejao büpa vangsholei shüpeih; shaang jenei men kü Kahvang touei nyüke.

HEBREW 7:25

Hanangkü büpa homei Kahvang touei peipüthü peü den kü yangei tuhhen aoknyüpeih; mehenangkü büpai den kü jom shing phopnyüke.

BHEI-IE 16:46

hatü Mosai Aaron kü, “Ayingshü jakpü shung yah-ei ha kü ayingshü shihtuh hatü moidü leipü aw yah-ei ha kü bahtü khong touei mukei heih-ei jomphong daüeilangtüktuh. Shembüpa mongshihdaiteke hatü cham bah-ei chongpangdaiteke” shei e.

BHEI-IE 16:18

Hanangkü shennyak peüi laophü laophülei ayingshü shung noteke; ha kü awtao hatü ayingshü shihtü Mosa hi Aaron nyi mü ashakshem shadenei yaongteke.

BHEI-IE 16:7

hatü ngenyih Shembüpa touei haleipü ayingshü kü aw jaktuh, hatü Shembüpai üpa jehenshang hapa shennyak daülangpü vaihen. Levi am amphongang ahshi beiteke” shei e.

LEVI 22:9

Jomi ngelei shahkungnyü mangpü nangkü mang thah-ei nedihen shingvaishi ngongpathü peüi ngelei shahkung noteihen. Ngeiyü hapa daühüpü Shembüpa.

MÜLANGPÜ 28:43

Mechem Aaron hatü chehathüi ashakshemei shühenshang jomi hapa owhen, nevaijü Daülangpü Shingei chongphohen moidü yopailei peishingkü ha owtuh, shejüang jom kü mang nehethen hatü jom nedihen. Hapayü Aaron hatü büpalei hühihathü shingvaishi düngeipü shing shahkung nyukahen.

BHEI-IE 4:15

Mechem baümtap shing chaiyei daihen hepak ngoihen, Aaron hatü chehathüi haleipü douhinangthü peü kü jümtükpheikü mon Kohath am phang peiyei hapa daülangpü douthü paiyei daihen. Shejao Kohath am phangi ha daülangpü douthü kü nehonghen, hei nevaijema jom dihen. Ashakshem shing chaiyei daishingkü Kohath am phangi hathü doulemthü dükhen.

BHEI-IE 4:20

Shejao Kohath am phangi daülangpü shing mongei shüei daülangpü douthü kü neveihen, hei nevaijema jom dihen.

SHAHKÜP 33:10

Jomi nüngei vanglemthü Jakob kü vennyüke, hatü nüngei shahkungthü Israel am kü nyuhnyüke. Jomi nüng kü ayingshü jakei moila shuohnyüke, hatü nüngei moidü kü jakpü moila peü shuohnyüke.