LEVI 16:12 - DAÜLANGPÜ LAIHING (BSI)

¹² büpai Shembüpalei moidü leipü aw bah-ei nyupü ayingshü jakpü shung hatü ayingshü lakpaoh nyi yah-ei Longi Daülangpü Shingei koei peihen.

LEVI 16:12 Referans Kwoze

LEVI 10:1

Aaronei cheha Nadab hatü Abihu nyi-i jijilei awjakshung yah-ei ha kü aw jaktü ayingshü jak, hatü Shembüpai jiji kü hapakei dükhen ne-epü kü büpa kü nedaünelangpü aw jakei shuohteke.

BHEI-IE 16:46

hatü Mosai Aaron kü, “Ayingshü jakpü shung yah-ei ha kü ayingshü shihtuh hatü moidü leipü aw yah-ei ha kü bahtü khong touei mukei heih-ei jomphong daüeilangtüktuh. Shembüpa mongshihdaiteke hatü cham bah-ei chongpangdaiteke” shei e.

BHEI-IE 16:18

Hanangkü shennyak peüi laophü laophülei ayingshü shung noteke; ha kü awtao hatü ayingshü shihtü Mosa hi Aaron nyi mü ashakshem shadenei yaongteke.

MÜLANGPÜ 31:11

hatü phuhen mainga hatü Daülangpü Shing shingvaishi vong meipü meli peü linghen lahhinlangnyai kon peü mistrithü kü shuohtepih.”

HEBREW 9:14

nedohnetenpü Laangha homei laophü nyingi Kahvang kü kawhikang neshiüpü moila shuohpü Khristalei iy homei didaipü douthü kübü vanyangyem Kahvang kü khümhen shingvaishi jenei chudeih mongdang meshük nyeishi daütükphahen!

1 JOHAN 1:7

shejao büpa vangngai kü nyupükei jeni vangngai kü kamjema, jen hüki hük mü mongjempü nyüpeih, hatü Cheha Jisulei iy homei mang peü kübü jen daütüknyüke.

MÜLANGPÜ 37:29

Büpai nyiohen daülangpü mainga, hatü vong meipü ayingshü vong meipü meli lingpü ami kei lingteke.

HEBREW 9:7

shejao nyipabü dungeiyü ngongchongi bong kü chem mon büpa shing hatü nanglakthüi nenyingi thahpü mang shing shuohpü moilalei iy yah-ei shühamteke.

SHAKEI VAMPÜ 8:5

Hapheikü vangsho phongshani hon awjakshung yah-ei moidü leipü aw maei shihtü kahdoknyü kü haishuoh, hatü vangmuk khungei klang nyepei hatü pedi vükei pei.

SHAHKÜP 33:10

Jomi nüngei vanglemthü Jakob kü vennyüke, hatü nüngei shahkungthü Israel am kü nyuhnyüke. Jomi nüng kü ayingshü jakei moila shuohnyüke, hatü nüngei moidü kü jakpü moila peü shuohnyüke.