LEVI 15:16 - DAÜLANGPÜ LAIHING (BSI)

¹⁶ Shennyak hanei kü hangyung vamjema, büpai büm kemei hangha lakhen, hatü büpa om dhüshi nedaüpü leihen.

LEVI 15:16 Referans Kwoze

LEVI 22:4

Aaronei hühiha hanei kü ngomdin nyujema, nevaijü hangyung vamjema, büpa mangdaütük thahshi daülangpü moila kübü hahying nehahhen. Üpa ngongpai mahng nevaijü hangyung vampü shennyaki hongtü nyettükpü dou kü honghenshang,

LEVI 15:5

Shennyak hanei büpalei shinshing kü hongjema ashakviha dhotükhen hatü hangha laktükhen vongbong, hatü büpa om dhüshi nedaüpü leihen.

1 JOHAN 1:7

shejao büpa vangngai kü nyupükei jeni vangngai kü kamjema, jen hüki hük mü mongjempü nyüpeih, hatü Cheha Jisulei iy homei mang peü kübü jen daütüknyüke.

1 PETER 2:11

Bampü küphüthü, kahdoknyü kü yenpa hük keiha ngei am kü enyeih, laangha khüei hokpü phai-i yahhüpü peü kübü yanei nyutuh.

2 KORINT 7:1

Bampü küphüthü, jen kü lahpü hathü nyupü nangkü jen nyingi büm hatü laangha nedaüpü peü kübü daüei Kahvang nyempü kü daülangpü changpüshapü leihüshah.

LEVI 15:17

Hangyungi sheihtükpü dou, ashakviha vaijao, phaishuwi lingpü dou vaijao meishi dhotükhen, hatü hapa om dhüshi nedaüpü leihen.

LEVI 15:18

Nyüha baha nyi jemteipheikü jijinyipheni hangha laktükhen vongbong, hatü jijinyiphen om dhüshi nedaüpü leihen.

SHAHKÜP 23:12

Baümtap haolei am hangha daühen shing hük jeyei tuhtuh.