LEVI 15:15 - DAÜLANGPÜ LAIHING (BSI)

¹⁵ Ngongpai hapa hük yah-ei mang moila, hatü hükpa yah-ei jakpü moila shuohhen. Hapa keiha hangyung daipü shennyak nangkü büpai Shembüpa tou kü moila shuohhen.

LEVI 15:15 Referans Kwoze

LEVI 4:26

Büpai mongjempü moila kübü cheü jakpükei moidü shangkü cheü kemei jakhen. Hapa keiha ngongpai vanglem lembülei mang shingvaishi moila shuohhen, hatü büpalei mang tükhen.

HEBREW 1:3

Büpayü Kahvang müknyinshekhang khanghüpü hatü Kahvang mekei nyu, büpa meimei anpü, hatü douthü peü büpalei ngan shah-i shümei tuhnyeih. Büpai mangthü daühüpheikü büpa vangsholei Jeiyongpalei lakdah philei uoteke;

EPHESIA 1:6

Büpalei müknyinshekhang phahji hatü büpai bampü Ha kü jen kü ang kübü thintho shuohpü shingvaishi Kahvang men longshah.

MATHI 3:17

hatü vangsho leipü ngeü hük vamei, “Hapayü ngei mong hahpü ngei bampü Hapeü” shei e.

BHEI-IE 25:13

Büpa hatü büpalei hühihathüi denden ngongdou dükhen vangeishuwpü lingnyüpeih; mehenangkü büpai büpalei Kahvang kü dhüm shouhhen nyakeikenpü nyuteke, hatü büpai Israel amei mang tükhen mü dou dükteke” shei eteke.

BHEI-IE 15:25

Ngongpai Israel khong peü shingvaishi mang tükpü moila shuohhen, hatü jom kü mang tükhen, hatü jomi Shembüpa kü jom pungpü shingvaishi aw kü jakpü moila hatü mang moila koei peiteke.

LEVI 12:7

Pinnyü nedaüpü daühen shingvaishi büpai Shembüpa tou kü hapa moilahen, hapheikü pinnyü iy yenpü kübü daüdaihen. Hapayü nyüha hüki yeshang nevaijü yiükha bühpü nangkü shuohpü shahkungnyü nyüke.

LEVI 4:35

Büpai mongjempü mi moila kübü cheü nyiukpükei haleipü cheü kemei nyiukhen, hatü ngongpai hapayü moidü shangei Shembüpa kü aw kü jakpü hahying moila shangkü jakhen. Hapakei ngongpai hapa nanglaki thahpü mang shingvaishi moila shuohhen, hatü büpalei mang tükhen.

LEVI 4:31

Büpai mongjempü moila kübü cheü nyiukpükei haleipü cheü kemei nyiukhen, hatü ngongpai hapa moidü shangei Shembüpa kü vong meipü moila jakhen. Hapakei ngongpai büpa shingvaishi mang moila shuohhen, hatü büpalei mang tükhen.

LEVI 4:20

hatü büpai mang moila shuohpü mohoh kü nemnopükei büpai hapa mohoh-ao nemnohen. Hapa keiha ngongpai jomei mang shingvaishi moila shuohhen, hatü jomei mang tüktükhen,

LEVI 11:24

Üami hathü yemha mahng kü honghenshang, ha ya om dhüshi nedaüpü leihen.

LEVI 11:25

Üami hathü yemha mahng hük dangkao homei yahhenshang, büpai laophülei ashakviha dhotükhen vongbong, hatü büpa ha ya om dhüshi nedaüpü leihen.

LEVI 11:27

Lakhila ali kohtü lakdheni shükei kampü yemhathü peü am shingvaishi nedaüpü nyüke; hathü yemha mahng hük kü dangkao hongjema om dhüshi nedaüpü leihen.

LEVI 11:28

Hanei-i hapalei mahng homjema büpalei ashakviha dhotükhen, hatü büpayü om dhüshi nedaüpü leihen. Hathüyü am shingvaishi nedaüpü nyüke.

LEVI 11:31

Kahdokei lüteipü hathü kemei am shingvaishi nedaüpü nyüke. Üami hapa mahng kü honghenshang, om dhüshi nedaüpü leihen.

LEVI 11:32

Mechem hathü khongkü hük dangkao diyei vüei shaei noteipü douhinang, püi lingpü dou, ashakviha, phaishuwi lingpü dou nevaijü dhoila vaijao lemhük kü dangkao shükjema, nedaüpü leihen. Hapa yung kü hingeishuoh; hapa om dhüshi nedaüpü leihen, hapheikü mon daüdaihen.

LEVI 11:39

Am kü hahhen epü yemha khongkü hük dangkao dijema, hatü hapa mahng kü hanei-i hongjema, om dhüshi nedaüpü leihen.

LEVI 11:40

Hanei-i hapa yemha mahng phaihan hanei dangkao hahjema, büpai laophülei ashakviha dhotükhen, hatü om dhüshi nedaüpü leihen. Üpai hapa yemha mahng homei yahhen, büpai laophülei ashakviha dhotükhen, hatü büpa om dhüshi nedaüpü leihen.

LEVI 12:8

Pinnyüi mi cheha neshuoh-aokjema, pinnyüi athuba nyi nevaijü khakhi ouha nyi, hükü jakpü moila shuohhen, hükpayü mang moila shuohhen koei peihen. Hapakei ngongpai pinnyü shing moila shuohhen, hatü pinnyü daüdaihen.”