LEVI 14:21 - DAÜLANGPÜ LAIHING (BSI)

²¹ Shejao büpa taopü nangkü hapa neshuoh-aokjema, büpai pungpü moila shuohhen mi chebaongha hük büpa daühen shingvaishi moila shuohhen, hamü chemi hahying moila shuohhen olive mainga mü nyettü atta dok hük hatü olive mainga dok hük kü jem anpü phaihan hük,

LEVI 14:21 Referans Kwoze

LEVI 5:7

Büpai mi nevaijü yum neshuoh-aokjema, büpai thahpü mang shingvaishi Shembüpa touei athuba nyi nevaijü khakhi ou nyi koei peihen, hatü mang moila shuohhen, hatü hükpayü jakpü moila shuohhen.

LEVI 12:8

Pinnyüi mi cheha neshuoh-aokjema, pinnyüi athuba nyi nevaijü khakhi ouha nyi, hükü jakpü moila shuohhen, hükpayü mang moila shuohhen koei peihen. Hapakei ngongpai pinnyü shing moila shuohhen, hatü pinnyü daüdaihen.”

KANDOK 17:5

Üami taopathü kü yaüeilungnya, jomi hathü Lingbü kü yaünyüke; Üami mih lomohpü kü hüha shei deihnya, jom nehanghi-i nenyupih.

2 KORINT 8:12

Mehenangkü shuohhüpü mong nyuphei keyü laophüi ne-angpü ai nevai, shejao angpü aimü thintho yahnyüpeih.

2 KORINT 8:9

Jenei Shembüpa Jisu Khristai nekaungi shuohpü ammi nyingei nyüke; büpa shemmei vaijao büpa taopa leipai am shemmei leihühen shingvaishi ammei men kü büpa taopa leipeih.

LUK SHAHSHA APPÜ 6:20

Hapheikü büpai nanglomthü kü ngangei veitü ha eteke: “Am taopathü moihiman, mehenangkü Kahvang ongchingü amphongei.

KANDOK 22:2

Shemmei hatü taopa nyiphen shingvaishi hapayü aihük mü nyüpeih: Shembüpayü jijinyiphen Lingbü.

JOB SHAHSHA APPÜ 34:19

Longhiong baong hanei nenopü, shemmei-i taopa aa kü hayaoha nedeihpü, shejao jom peü kemei büpalei laki lingpeyü büpanevaipü je?

1 SAMUEL 2:8

Büpai taopathü kübhih kübü, hatü nehahneyingpüthü depla kübü phuklangnyeih, hatü büpai jom ongthü mü uohünyeih, hatü dhüm kohpü ong uoshing mükjüp danghünyeih. Mehenangkü kahdoknyülei chongnyiam yaongthüyü Shembüpalei; hathü shangkü büpai kahdoknyü lingei tuhpeih.

LEVI 14:22

hatü athuba nyi nevaijü khakhi ouha nyi büpai aokshampü, hük mang moila shuohhen hatü hükpayü jakpü moila shuohhen koei peihen.

LEVI 5:11

Büpai athuba nyi nevaijü khakhi ou nyi neshuoh-aokjema, büpai atta dok hük laophülei mang shingvaishi mang moila koei peihen. Büpai hapa kü olive mainga nevaijü ayingshü neshihhen; mehenangkü hapayü mang moila nyüke.

LEVI 1:14

Shembüpa kü hapa moilayü ouhiyüh jakpü moila vaijema, moilayü athuba nevaijü khakhi ou moilatuh.

LEVI 14:10

Nyih shetpabü kü büpai kawhikang neshiüpü vangbong hük lompü mi chebaongha nyi hatü mi chebiha hük, olive mainga nyettü atta dok jem, hatü olive mainga dok hük kü jem antü phaihan hük koei peihen.

LEVI 27:8

Shennyak hanei-i vangtükpü bhei neshuoh-aokhen mü longi taojema, hapa shennyakü ngongpa touei müei peihen, hatü ngongpai hapa lahpü shennyaki shuohaokhen mü bhei ithen.

EZEKIEL 46:7

mohoh hatü mi baongha ieyei mü hahying moila dok anpünyet mü bhaoei, hatü mi cheha ieyei mü ongpai mehe shuohhü, ha shuohhen. Hahying moila ieyei mü olive mainga dok jem shuohhen.