LEVI 14:10 - DAÜLANGPÜ LAIHING (BSI)

¹⁰ Nyih shetpabü kü büpai kawhikang neshiüpü vangbong hük lompü mi chebaongha nyi hatü mi chebiha hük, olive mainga nyettü atta dok jem, hatü olive mainga dok hük kü jem antü phaihan hük koei peihen.

LEVI 14:10 Referans Kwoze

LEVI 2:1

Mechem shennyak hanei-i Shembüpa kü hahying moila shuohhen, hapa moilayü meipü atta aanthüng shuohhen vongbong; büpai ha kü olive mainga hatü ayingshü shihhen vongbong,

LUK SHAHSHA APPÜ 5:14

Hapheikü Jisui büpa kü, “Üpa kao hapa jung te-e, shejao daiyei nüng nyingi ngongpa kü hueishuoh, hatü denpü hük vaishi nüng daüdaipü shing Mosai epükei moila shuohtuh” shei eteke.

MARK 1:44

hatü büpa kü, “Nüngi üpa kao hapa jung te-e; shejao daiyei Mosai epükei ngongpa kü hueishuoh, hatü jom touei meidaipü denpü hük vaishi nüngi moila shuohtuh” shei e.

MATHI 8:4

Hahepak kü Jisui büpa kü, “Nüngi mih üpa kao ha jung te-e, shejao daiyei ngongpa kü hueishuoh, hatü Mosai epükei jom touei denpü hük vaihen thintho yah-eishuoh” shei e.

LEVI 14:21

Shejao büpa taopü nangkü hapa neshuoh-aokjema, büpai pungpü moila shuohhen mi chebaongha hük büpa daühen shingvaishi moila shuohhen, hamü chemi hahying moila shuohhen olive mainga mü nyettü atta dok hük hatü olive mainga dok hük kü jem anpü phaihan hük,

LEVI 14:15

Ngongpai olive mainga yah-ei büpalei laknyongphi lakbha kü shihhen,

LEVI 14:12

Hatü ngongpai mi chebaongha hük, hatü mainga dok hük kü jem anpü phaihan hük yah-ei büpai Shembüpa kü pungpü moila shuohhen. Büpai hathü Shembüpa kü hayaoha thintho kei shuohhen.

1 PETER 1:19

shejao kawhikang hatü eela neshiüpü Mi Cheha, Khristalei iy homei angei leipeih.

JOHAN 6:51

Ngeiyü vangsho leipü yiüpü yangnyu hahying. Üami hapa hahying hahhen, den kü yemmü nyuhen, hatü kahdoknyü kü ngei shuohpü yangnyu hahyingü ngelei phai’ ” shei eteke.

JOHAN 6:33

Mehenangkü Kahvangei hahyingü vangsho leipü peinyüpeih, hatü kahdoknyü kü yangnyuyem shuohnyeih” shei e.

JOHAN 1:29

Nyihphei Jisu büpa philei heihja-i eeyei büpai, “Kahdoknyü mang koei lüdaipü Kahvang Mi Cheha kü veituh” shei e.

BHEI-IE 28:20

Mohoh ieyei mü hahying moila atta dok jem mü olive mainga nyethen; mi chebaongha mü atta dok nyi,

BHEI-IE 6:14

hatü Shembüpa kü jakpü moila shuohhen kawhikang neshiüpü vangbong hük lompü mi chebaongha hük, mang moila shuohhen vangbong hük lompü kawhikang neshiüpü mi chebiha hük, mongjempü moila shuohhen kawhikang neshiüpü mi chebaongha hük shei moila koei peihen.

LEVI 23:13

Hamü chemi ammi atta dok nyi olive mainga mü nyettü hahying moila Shembüpa kü aw kü jakpü vong meipü moila shuohtuh; hatü hamü chemi ammi yiü moila liter hük shuohtuh.

LEVI 9:1

Nyih shetpabü kü Mosai Aaron, chehathü hatü Israel kü behethü peü nyük.

LEVI 4:32

Büpai laophülei mang moila mi cheha yah-ei peijema, hayü kawhikang neshiüpü mi chebiha vaihen vongbong.

LEVI 2:13

Hahying moila lemphüli kü hüm shihtuh; mehenangkü hüm homei am hatü Kahvang aa kü vangteishuwteipü nyangeihepü nyüke; ammei moila peü kü hüm shihtuh.

LEVI 2:11

Ammi Shembüpa kü shuohpü hahying moila mepayao daw shihtü teling; Shembüpa kü shuohpü hahying kü daw nevaijü nyahjiü meheyao neshihhen vongbong.

LEVI 1:10

Hapa moilayü mi nevaijü yum khong kübü jakpü moila vaijema, büpai yem chebaong kawhikang neshiüpü shuohtuh.

MÜLANGPÜ 29:40

Shongpü mi mü wheat aung dok hük mü olive mainga dok hük mü nyettü moilatuh. Yiü moila dok hük ha kü shihtuh.

LEVI 14:11

Ngongpa üpai büpa daüteke shei baonghen nyüpa, büpai hapa shennyak hatü moilathü ashakshem shadenei Shembüpa toumü yah-ei peihen.

BHEI-IE 7:43

Büpalei moilayü ngini lingpü nükshung hük dokshuohjü dok 1.5, hatü ngini lingpü chilimji hük dokshuohjü gram 800, phopshemei dokteipü dok aimü nyuteke, hatü ha nyiphen kü maei atta kü olive mainga nyettü hahying moila shuohhen koei pei;

LEVI 1:3

Hapa moilayü mohoh khong kübü jakpü moila vaijema, ammi kawhikang neshiüpü shuohhen vongbong; Shembüpai hapa yahaokhen shingvaishi ashakshem shadenei deiyei shuohtuh.