LEVI 11:25 - DAÜLANGPÜ LAIHING (BSI)

²⁵ Üami hathü yemha mahng hük dangkao homei yahhenshang, büpai laophülei ashakviha dhotükhen vongbong, hatü büpa ha ya om dhüshi nedaüpü leihen.

LEVI 11:25 Referans Kwoze

BHEI-IE 31:24

Nyih nyetpabü kü amphongi laophülei ashakviha dhotükhen; hapheikü mon am baümtap mongei leiaokhen” shei e.

LEVI 15:5

Shennyak hanei büpalei shinshing kü hongjema ashakviha dhotükhen hatü hangha laktükhen vongbong, hatü büpa om dhüshi nedaüpü leihen.

LEVI 14:8

Hapa shennyaki büpalei ashak dhotükhen, sho kuptükhen, hatü hangha lakhen; büpa sheyü daülangpü vaihen. Büpa baümtap mongei shühen, shejao büpalei ashakshem haolei nyih nyet nyuhen.

LEVI 11:40

Hanei-i hapa yemha mahng phaihan hanei dangkao hahjema, büpai laophülei ashakviha dhotükhen, hatü om dhüshi nedaüpü leihen. Üpai hapa yemha mahng homei yahhen, büpai laophülei ashakviha dhotükhen, hatü büpa om dhüshi nedaüpü leihen.

BHEI-IE 19:10

Üpa shennyaki awmi thainya, büpaiyao laophülei ashakviha dhotükhen, hatü büpayao om dhüshi nedaüi nyuhen. Hapa shahkungü hüdenhalenshi Israel am hatü am mü lakeiloiyei nyupü am shingvaishi nyuhen.”

LEVI 16:28

Üpai hapa jaknya, büpai ashakviha dhotükhen hatü hangha lakhen, hatü hapheikü baümtap mongei shühen.

SHAKEI VAMPÜ 7:14

Ngei büpa kü, “Longpüba, nüngiang nyingei nyüpeih” shei ngei jangei e. Hahepak kü büpai ngei kü, “Hathüyü shüveidoidei longpü kübü yangei peiküpüthü khih; jomi jomei bhagthuh Mi Chehalei iy kü dhotüktü shotoh-i leihüpü khih.

1 JOHAN 1:7

shejao büpa vangngai kü nyupükei jeni vangngai kü kamjema, jen hüki hük mü mongjempü nyüpeih, hatü Cheha Jisulei iy homei mang peü kübü jen daütüknyüke.

1 PETER 3:21

Hapa yungü shaang am yangpü baptükpü lajei nyüke– hapayü büm kübü mag daüpü nevai, shejao Kahvang touei chudeih mongdeih meipai Jisu Khrista yangei leipü homei vangteipü hük nyüke.

HEBREW 10:22

kenhingpü mongdang hatü hinglempü lekpü kü nemeipü chudeih kübü daüdaipü mongdang mü daülangpü yungi jenei büm paütüktü jeni Kahvang yopailei peishah.

HEBREW 9:10

Hathüyü Kahvangei lem ja mangpei thahshi hahhen yinghen hatü hayaoha daüeilangpü büm shingvaishi shuohpü shahkungthü nyüke.

PHONGSHANTHÜ DOU 22:16

Mehekei nüng pheinya? Layaongtuh, baptüktuh, hatü nüngei mang paütüktü büpalei men kü nyüktuh” shei ephopeih.

JOHAN 13:8

Peteri büpa kü, “Nüngi ngelei la demü tephukei” shei e. Jisui, “Ngei nüng mangpaü thahshi nüng ngei mü phaihan neshiü” shei e.

ZEKHARIAH 13:1

Hapa nyih kü, David am phang hatü Jerusalem kü nyupüthü jomei mang hatü nedaünelangpü kübü daühühen shingvaishi yunglok hük bhaohühen.

MENVIH KESHO 51:7

Hyssop yah-ei ngei daütükshih, hatü ngei daüdaihen; ngei paütükshih, hatü ngei shüdao mao shoshi leidaihen.

MENVIH KESHO 51:2

Ngei pungpü kübü meishi daütükshih, hatü ngelei mang kübü ngei paütükshih.

BHEI-IE 19:19

Hapa daülangpü shennyaki nedaüpü shennyak kü nyih jempabü kü, hatü nyih nyetpabü kü daühüpü yungi haihen. Nyih nyetpabü kü büpai hapa shennyak daühühen. Hapa shennyaki ashakviha dhotükhen hatü hangha laktükhen, hatü hapa om kü büpa daüdaihen.

BHEI-IE 19:8

Üpa shennyaki hapa jaknya, büpaiyao ashakviha dhotükhen hatü hangha lakhen hatü büpa om dhüshi nedaü-i nyuhen.

LEVI 15:13

Mechem hapa shennyak hangyung daipü dohhen, büpai nyih nyet ittü laophülei ashakviha dhotükhen, hangha laktükhen, hatü büpa daüdaihen.

LEVI 14:47

Üpai hapa shem mongei hahyinghen nevaijü shihen, büpai laophülei ashakviha kemei dhotükhen vongbong.

LEVI 11:28

Hanei-i hapalei mahng homjema büpalei ashakviha dhotükhen, hatü büpayü om dhüshi nedaüpü leihen. Hathüyü am shingvaishi nedaüpü nyüke.

MÜLANGPÜ 19:14

Hanangkü Mosa kahshang leipü leiyei nanglakthü daühüteke, hatü jomi laophülei ashakviha daüteke.

MÜLANGPÜ 19:10

Shembüpai Mosa kü, “Nüng nanglakthü touei leituh hatü shinnyih hatü ngenyih shei jom daüeilangei temtuh. Jomi jomei ashakviha daüeilanghütuh,

LEVI 11:24

Üami hathü yemha mahng kü honghenshang, ha ya om dhüshi nedaüpü leihen.

LEVI 11:26

Yemha dhaok phaakjao meishi nephaakpü nevaijü hetlei neshaipü kemei am shingvaishi nedaüpü nyüke; üami hathü yemha mahng hük kü dangkao honghenshang nedaüpü leihen.

LEVI 13:6

Nyih nyetpabü kü ngongpai büpa kü shao chem dokei veihen, maju vanei, hatü daei nedaijema, ngongpai büpayü daüteke shei baonghen; mehenangkü hapayü ma kohpü mon nyüke. Hapa shennyaki büpalei ashakviha dhotükhen, hatü büpa daüdaihen.

LEVI 16:26

Shennyak üpai hapa mang kopü yumha veyei deishihpa, büpai ashakviha dhotükhen; hapheikü mon büpa baümtap mongei shühen.

LEVI 14:46

Hapa shem küpei tuhpü hepak kü üpai halei shühenshang, büpa om dhüshi nedaüpü leihen.

LEVI 15:15

Ngongpai hapa hük yah-ei mang moila, hatü hükpa yah-ei jakpü moila shuohhen. Hapa keiha hangyung daipü shennyak nangkü büpai Shembüpa tou kü moila shuohhen.

LEVI 17:15

Bühü vaijao benha vaijao üpai yemha mahng dangpü nevaijü shahhishuwi hahpü yemha mahng hahhenshang büpai laophülei ashakviha dhotükhen, hatü hangha laktükhen, hatü büpa om dhüshi nedaüpü leihen; hapheikü büpa daütükhen.

LEVI 22:6

Üpai henüng homei nedaüpü leinya, büpa om dhüshi nedaüpü leihen, hatü büpa hangha manglak thahshi daülangpü moila kübü nehahhen.

BHEI-IE 19:7

Hapheikü ngongpai büpalei ashakviha dhotükhen hatü hangha laktüktü baümtap mongei shühen, shejao büpa om dhüshi nedaü-i nyuhen.