LEVI 10:6 - DAÜLANGPÜ LAIHING (BSI)

⁶ Hahepak kü Mosai Aaron hatü büpalei cheha Eleazar hatü Ithamar nyi kü, “Am theppüyoungpü huei sho nehai-i tenyu, nevaijü ammei ashakviha teshaak; hapakei nevaijema amphongao dihen, hatü Shembüpai noknyü peü kü mongshihkahen. Shejao ammei shem amthü, Israel phang kemei Shembüpai henyi aw kü shamtükpü shingvaishi thepeiyounghen.

LEVI 10:6 Referans Kwoze

JOSHUA 22:18

Hatü shaang amü SHEMBÜPAleipü lepdainyu je? Shinnyih ammi Shembüpa khüei yaongjema, ngenyih Shembüpai Israel am kemei kü mongshihkahen.

JOSHUA 7:1

Shejao Israel ami mangtükhen epü dou meheyao teyah shei Shembüpai epü nebang. Judah am jat kübü Zerahlei cheha Zimri, Zimrilei cheha Karmi, Karmilei cheha Akhani dou hanei joei yahteke. Hanangkü Shembüpa mongshihpü Israel am khüei vam.

BHEI-IE 16:22

Shejao Mosa hatü Aaron nyi-i kahdok philei dhe thaungei shatü lenei, “Oh Kahvang, hangkuli peüei laangha shak kü Kahvang, shennyak hüki mon mang thahjü khong peü kü nüngi mongshihhen je?” shei e.

BHEI-IE 1:53

Shejao ngei mongshihpü Israel am khongkü nehethen shingvaishi Levi amü ashakshem shinei baümtap vehen. Ashakshem kü junghenü Levi amei dousho vaihen” shei eteke.

2 SAMUEL 24:1

Shao Shembüpai Israel am kü mongshih, hatü büpai David homei jom kü shanghah koei peihü. Shembüpai büpa kü, “Daituh, hatü Israel hatü Judah veshanthü shangkuk ietuh” shei e.

JOSHUA 22:20

Mechem Zerahlei cheha Akhani douthü kemei mangtüktuh shei epü nebangi dükpai mang thahpa, hapa mangi Israel am khong kemei neponghah-angpü je? Büpalei mang nangkü büpa mon nemahangpih’ ” shei e.

LEVI 13:45

Hapakei ngomma kohpü shennyakü shaakdaipü ashak ümhen, sho nehaihen, shapmaiphi kü jümtü, “Nedaüpü, nedaüpü!” shei lenhen.

BHEI-IE 18:5

Ngelei mongshih Israel am kü shao nepeihen shingvaishi nüng hatü anhathü moni daülangpü shing hatü moidü leipü dou peü dükhen.

MIKA 1:16

Ammi mong hahpü hapeüthü nangkü mongkü tüngei theppai sho chaei kuptüktuh. Am nyingi langdalei shangjing kei shangpaangtüktuh; mehenangkü ammei lak kübü yanei jom wüpküpei daihen.

JEREMIAH 7:29

Ammei sho japei yaktüktuh; shangtaothülei mahng theptuh; mehenangkü Shembüpai büpa mongshihhüpü nanglakthü yaktükhen.

JOSHUA 7:11

Israel am mang thahteke; jom kü ngei dükhen eshuohpü ngelei vangpüshuwpü mangtükteke. Jom kü ngei teyah, mangtüktuh shei epü dou hanei yah-ei nyüke; jomi gühteke; shahshem eteke; jomi hapa dou laophülei douthü mü tuh-ei nyüke.

SHAHKÜP 33:9

Jomi laophülei nyühipa, jeihinaü, hatü hapeüthü mao nüng kü hinglemteke; Nüngei shah bangteke, hatü nüngei vangpüshuwpü jiüshi dükteke.

BHEI-IE 14:6

Nunei cheha Joshua hatü Jephunnehlei cheha Kaleb üpa nyi-i kahmük doknüng daipü kü ompa, mongkü tüngei jijilei ashakviha shaaktük,

BHEI-IE 5:18

Ngongpai hapa nyüha Shembüpa tou kü yaonghüphei kü büpai pinnyülei sholok laihühen, hatü mongnelempü hahying moila pinnyülei lakei shümhühen. Ngongpai büpalei lakei thaüvaü koei peihen nangkü hapa shahyak yungdük nohen,

MÜLANGPÜ 33:5

Mehenangkü Shembüpai Mosa kü, “Amphongü mong vaanpü nanglakthü khih. Kansho hük dangkao ngei am mü daijema, ngei am jütükkemhen khih. Shaang ammei owhiai nyiuktüktuh, hatü ngei am kü mehe dükhen ngei baong hanpü yahhen shei eyeishuoh” shei eteke.

MÜLANGPÜ 6:23

Aaroni Amminadabei yiükha hatü Nahshonei chenaü Elisheba mü shem yem, hatü Nadab, Abihu, Eleazar, hatü Ithamar angteke.

BHEI-IE 20:25

Aaron hi cheha Eleazar nyi müei Hor Kahshangei aongtuh.

EZRA 7:5

Bukkilei chepa Abishua, Abishualei chepa Phinehas, Phinehaslei chepa Eleazar, Eleazarlei chepa Aaron ngongchong nyuteke.