LEVI 10:17 - DAÜLANGPÜ LAIHING (BSI)

¹⁷ “Mehekei mang moila daülangpü shingei nehahpa? Hapayü longi daülangpü hih; mehenangkü hapayü Shembüpa touei khongei men kü moilapü khongei mang tükhen shingvaishi Kahvangi ha anjinyi kü shuohpeih.

LEVI 10:17 Referans Kwoze

BHEI-IE 18:1

Shembüpai Aaron kü, “Daülangpü shing nangkü lemhük kü dangkao huluh shuohjema, nüng, anhathü hatü Levi ami hapa mang kohen; shejao ngongdou nangkü lemhük kü dangkao huluh shuohjema, nüng hatü anhapeüthü monhai ha mang kohen.

MÜLANGPÜ 28:38

Hapayü Aaronei shangba shangkü nyuhen, shejüang nanglakthüi moila koshingkü thahpü mang hanei nyulangmao Israel ami ngei kü shuohpü moila peü ngei, Shembüpai yahhen.

1 PETER 2:24

Mang kübü bümei leiyei jen daülangi nyuhen shingvaishi büpai shophang shangei laophülei büm kü jenei mang koteke; büpa mashapü homei jen meiteke.

HEBREW 9:28

hapa keiha Khrista-ao nanglak longilei mang yah-ei lüdaihen shingvaishi chem mon moila shuohpeih. Büpa nyipabü yiükahen, hayü mangthü mü eteihen nangkü nevai, shejao büpa omdanpüthü kü yemleipü koei yiükahen.

2 KORINT 5:21

Mehenangkü büpa kü jen Kahvang daülangshemshepü leihen shingvaishi jenei men kü büpai mang nenyingpü hük mang leihüteke.

JOHAN 1:29

Nyihphei Jisu büpa philei heihja-i eeyei büpai, “Kahdoknyü mang koei lüdaipü Kahvang Mi Cheha kü veituh” shei e.

LEVI 22:16

hahhen nejiüpü shennyak kü üh-ei üpa ngongpaiyao jom mang thahhüei jom hang shemhen mü nedaünelangi leihühen neaok. Ngeiyü hapa daühüpü Shembüpa.

LEVI 16:22

Hapa yum kü jomei mang kemei kohütü lavüngtoipü jahpanei deishihtükhen.

MÜLANGPÜ 28:43

Mechem Aaron hatü chehathüi ashakshemei shühenshang jomi hapa owhen, nevaijü Daülangpü Shingei chongphohen moidü yopailei peishingkü ha owtuh, shejüang jom kü mang nehethen hatü jom nedihen. Hapayü Aaron hatü büpalei hühihathü shingvaishi düngeipü shing shahkung nyukahen.

LEVI 21:22

Hapa shennyaki Kahvangei daülangpü hahying hatü Longi Daülangpü hahying hahhen aok,