LEVI 10:11 - DAÜLANGPÜ LAIHING (BSI)

¹¹ hatü ammi Israel am peü kü Shembüpai Mosa homei shuohpü shahkungnyü nyuhhen vongbong” shei e.

LEVI 10:11 Referans Kwoze

MATHI 28:20

hatü ngei am kü epü lemphü dükhen jom kü nyuh-eishuoh, hatü kahdoknyü dohpü ngoishi ngei amphong mü düngei nyukahen.”

MALAKI 2:7

Mehenangkü ngongpa hükei jubenyeijaang kü kihikon anghen vongbong, hatü büpalei ju kübü shennyakthüi nyuhpü venpü yemhen vongbong; mehenangkü büpayü Shembüpa Kahvangei shahjang kobü nyüke.

NEHEMIAH 8:8

Hanangkü jomi Kahvangei shahkung lai kübü nanglakthüi danhen mü nih-ei lekei nyuh.

NEHEMIAH 8:2

Hanangkü len nyetpabü shongpü nyih kü ngongpa Ezra-i danhen aokpü nyüha baha thaipü touei Shahkungnyü yah-ei ngai.

JEREMIAH 18:18

Hahepak kü jomi, “Kei, jeni Jeremiah khüei phaüshah showshah; mehenangkü ngongpai nyuhpüvenpü, nevaijü nyingpüthüi epü shah, nevaijü thibüthü leipü shah nemahnyu. Kei, jenei shah-i büpa yepshah hatü büpai epü kü mong neshuoh-i tükshah” shei eteke.

SHAHKÜP 24:8

Mechem am kü nemeipü ngomdin vamkahenshang, Levi am ngongpathüi epü jiüshi dükhen kentuh. Ngei jom kü eshuohpükei jiüshi düktuh.

1 THESALONIKA 4:2

Shembüpa Jisu homei hami am kü mehe nyuhpüvenpü shuohtepa, ha ami nyingei nyüke.

PHONGSHANTHÜ DOU 20:27

mehenangkü Kahvangei küpjan kempü ngei am kü ne-e-i shümei netuh-angpih.

SHAHKÜP 33:10

Jomi nüngei vanglemthü Jakob kü vennyüke, hatü nüngei shahkungthü Israel am kü nyuhnyüke. Jomi nüng kü ayingshü jakei moila shuohnyüke, hatü nüngei moidü kü jakpü moila peü shuohnyüke.

JEREMIAH 2:8

Ngongpathüi, “Shembüpa melei nyüpa?” shei nephe; shahkungnyü noteipüthüi ngei nenying; vanglem lempüthüi ngei khüei mang thah; thibüthüi Baal kahvang jung tetei e, hatü nanglei neshiüpü douthü pheikü lüdai.

2 SHÜPPÜKENGPÜ 30:22

Shembüpa chongphopü dousho meishi yaoei dükjapü Levi am peü kü Hezekiah-i menvih shuoh-ei e. Nyih nyet thahshi jom kü hahhen epü hean hah-ei mongjempü moila shuoh-ei Shembüpa, chebü chepalei Kahvang kü menvih shuohteke.

2 SHÜPPÜKENGPÜ 17:9

Jomi Shembüpalei Shahkungnyü Laitap notü Judah peülei nyuh-ei dai; jomi Judah jilathü peülei daiyei nanglakthü kü nyuhteke.

SHAHKÜP 17:10

Shembüpai jepü khümshingei jomi shuohpü shahphen aimü ammi dükhen.

SHAHKÜP 17:11

Jomi shuohpü shahphen aimü düktuh hatü ha kübü nyonghidah kü teleplük.

2 SHÜPPÜKENGPÜ 15:3

Hepak luangi Israel amü hingshangpü Kahvang, nyuhhen venhen ngongpathü hatü shahkung neshiüi nyupeih.