KOLOSI 4:6 - DAÜLANGPÜ LAIHING (BSI)

⁶ Ammi peü kü mekei shahnyok shuohhen ha nyinghen shingvaishi ammei shah-engeüshei kü phahji hatü hüm kei vüngnyangi nyuhütuh.

KOLOSI 4:6 Referans Kwoze

EPHESIA 4:29

Ammei ju kübü shahten tevamhü, shejao nanglaki napükei jom linghen nangkü mehe nadang nyu, ha etuh, shejüang ammei shahthü bangpü am kü nanglei vaihen.

1 PETER 3:15

shejao ammei mongei Khristayü Shembüpa shei deihtuh. Nüng kü nyupü monglem nangkü hanei ami nüng kü nih-ei ehen phephüjema, düngei shahnyok shuohhen temtüktü nyutuh.

CHONGVENBÜ 10:12

Kon kohpü shennyakei ju kübü shahthü kü phahji kohshi nyunyeih, shejao ngapalei shah-i hapa mangtüknyeih.

MARK 9:50

Hüm meinyüpeih, shejao ha hüm kü hapalei vüngpü mahdaijema, nüngi ha mekei etü shao vünghühen? Am kü vüngpü hüm nyuhütuh, hatü hüki hük mü chingmei nyutuh.

KANDOK 15:4

Bampü shahthüyü yangnyu pü, shejao shahlüpshahlu epai laangha ngümtüknyeih.

KANDOK 15:7

Kon kohpüthülei ju kübü nyingpühingpü yaannyüpeih; Ngapathülei thentoimongdang kü ha neshiü.

KOLOSI 3:16

Mop keiha Khristalei shah ammei mongkü maei tuhtuh; kihikon kempü kü hüki hük kü nyuhteituh, hatü nangthongteituh, hatü ammei mongei mongongpai Kahvang kü menvih kesho, khümpü kesho, hatü laangha kesho lokeishuoh.

MATHI 5:13

Amphongü kahdoknyü hüm. Shejao hapa hümi laophü vüngpü mahtükjema, ha mekei etü shao vünghühen? Hayü mepa shingvaishiyao yahlak neshiü, shejao hapayü yaktüknyeih hatü shennyakei la-i shouptüknyeih.

KANDOK 10:21

Daülangpü amei jubenyeijaangi mih nanglei danghünyeih, shejao ngapathüi kon neshiüi dinyüpeih.

MENVIH KESHO 119:46

Ongthü touei ngei nüngei shahkungthü jung ehen, hatü ngei veü nedanghen.

MENVIH KESHO 105:2

Büpa kü loktuh, büpa kü menvih loktuh; büpalei thamapü douthü jung etuh.

MENVIH KESHO 45:2

Nüngü peü mü nethe meipüba; nüngei ju kü phahji shah maei nyüke. Hanangkü Kahvangi nüng kü den kü moihimanteke.

LUK SHAHSHA APPÜ 4:22

Peüi büpa jung meishi e, hatü büpalei ju kübü vampü shahmei kü thama. Jomi, “Hapayü Josephei ha nevaipü je?” shei e.

MENVIH KESHO 119:13

Ngelei jui nüngei ju kübü shahkungthü baongnyüpeih.

MENVIH KESHO 66:16

Am Kahvang kü nyempüthü, peiyei bangtuh, hatü Kahvangi ngei kü mehe dük, ha ngei ephüshah.

1 SHÜPPÜKENGPÜ 16:24

Jatthü kü büpalei müknyinshekhang; büpalei thamapü douthü jung hangku peü kü nyinghütuh.

SHAHKÜP 11:19

Ammei hapeüthü kü ha nyuhtuh; am shemei nyushingkü, lem kü kamshingkü, am shishingkü hatü paoshingkü hathü jung etuh.

LEVI 2:13

Hahying moila lemphüli kü hüm shihtuh; mehenangkü hüm homei am hatü Kahvang aa kü vangteishuwteipü nyangeihepü nyüke; ammei moila peü kü hüm shihtuh.

EZEKIEL 43:24

Nüngi hathü Shembüpa touei shuohtuh, hatü ngongpathüi ha kü hüm shihhen hatü hathü Shembüpa kü jakpü moila shuohhen.