KOLOSI 4:5 - DAÜLANGPÜ LAIHING (BSI)

⁵ Hepak mei angei haolei nyupüthü touei ammi kon kohshi düktuh.

KOLOSI 4:5 Referans Kwoze

1 THESALONIKA 4:12

shejüang ammi haolei nyupüthü touei dhüm kohhahhen mü nyuhen, hatü ammi üam kao mongnyangshi nenyuhen.

JAKOB 3:13

Amphong khongkü nahpü hatü danaokpü üpa nyüpa? Ammei douthüyü kihikon kübü bühpü inpünyaipü homei düknyu khih shei ammei yangnyu meipai hutuh.

ROM SHAHSHA APPÜ 16:19

Peüi am ven danpü jung danteke, hanangkü ngei am nangkü mongongpai maei nyüpeih, shejao ngei napeyü mehe mei, ha nangkü nahshilangshi hatü nemeipü phikü mang neshiüi nyemnyu shei deihnyeih.

JAKOB 3:17

Shejao shangphi leipü kihikonü shongpü kü daülangpü, hapheikü chingmei, bampü, inpünyaipü, deih-ei dangaokpü, phahji-i mapü, hatü betjük meipü, baong hanpü neshiüpü hatü akhümmong-üm neshiüpü nyüke.

MATHI 10:16

Veituh, ngei amphongü shuw chi kü mi keiha shomnyeih; hanangkü biü keiha nahshi nyutuh, hatü athuba keiha lapja-i nyutuh.

1 TIMOTI 3:7

Büpa mih-i nenaamhahhen mü hatü kahshihlei tai kü nemanhen shingvaishi attoi haolei nyupüthü touei menmei kohpü vaihen vongbong.

KOLOSI 3:16

Mop keiha Khristalei shah ammei mongkü maei tuhtuh; kihikon kempü kü hüki hük kü nyuhteituh, hatü nangthongteituh, hatü ammei mongei mongongpai Kahvang kü menvih kesho, khümpü kesho, hatü laangha kesho lokeishuoh.

MARK 4:11

Büpai hathü kü, “Amphong kü payü vangsho ongching shahjo shuohtepih, shejao haolei nyupüthü shingvaishi lemphüli shahlap mü enyeih;

JAKOB 1:5

Am hanei kihikon kü taojema peü kü bhashahshi hatü nekaungi shuohpü Kahvang kü yütuh, hatü ha am kü yahphahen.

1 PETER 3:1

Nyühathü, ha aihük mü amphongi laophülei baha phangkü nyutuh; shejüang jom hanei Kahvangei shah kü hingnelemjao, shah ne-e-i ammei dükhiling meipü homei jom mong lepei leiaokhen;

MENVIH KESHO 90:12

Kenhingmonghapü mongdang danghen shingvaishi hamei nyih ithen nyuhshih.

DANIEL 2:8

Hahepak kü ongpai eteke, “Amphongi ngei kü mangh ne-ejema am peü kü aihük hanghi shuohhen ngei temtükpü ammi ha nyingei,