KOLOSI 3:9 - DAÜLANGPÜ LAIHING (BSI)

⁹ Am hüki hük mü shahshem te-e; mehenangkü ammi hathü dükhiling mü shennyak chang yaktükteke,

KOLOSI 3:9 Referans Kwoze

EPHESIA 4:25

Shejema shahshem yaktüktü jen peüi jenei chingyowpa mü shahhing eshah; mehenangkü jen hüki hük mü büm hük kü phaihan kukpong nyüke.

EPHESIA 4:22

Amphong keyü shongpü yangnyu lem chang, ammei yangnyu chang, lueilemei lemphü kü vaüpai mangtükpü peü yaktükhen nyuhpeih,

LEVI 19:11

Tegüh, tepeilei, shahshem te-e.

JOHAN 8:44

Amphongü ampapa am kahshihthü leipü khih, hatü ammei ampapa ami lümpü dükhen jenyüke. Büpayü panghinüng shennyak jüpü am nyupeih; shahhing kü neshoung; mehenangkü büpa kü shahhing nenyu. Mechem büpai shahshem ehen, büpai büpalei nyingnyoi aimü enyüke; mehenangkü büpayü shahshem ebüthü hatü shahshemei pa.

ROM SHAHSHA APPÜ 6:6

Hapa mang büm mangtükhen hatü hajük kü jen mangei aa nevaihen shingvaishi jenei yangnyu chang büpa mü shophang kü aptükteke shei jeni nyingnyüke.

ZEPHANIAH 3:13

Aopü Israel ami nejiüpü nedükhen; jomi shahshem ne-ehen; nevaijü jomei ju kübü lueilemei ne-ehen. Jomphong hüshemshi hahyinghen, hatü üpaiyao jom nenyemhühen.

SHAKEI VAMPÜ 22:15

Chingshelei nyupüthüyü shithü, phongyompüthü, mükbongjuyungpüthü, shennyak jüpüthü, lajei khümpüthü hatü shahshem kü bampü hatü ha dükpüthü.

SHAKEI VAMPÜ 21:27

Shejao halei nedaünelangpü, nevaijü jiühitnalai dou dükpü nevaijü shahshem meheyao neshüaokhen, shejao Mi Chehalei yangnyu laitap kü men nyangei nyupüthü mon shühen.

1 TIMOTI 1:10

iyjeiphaileipüthü, bahai baha mü hatü yemhimak mü mükbongjuyungpüthü, aa yupüthü, shahshem epüthü, shahshem denbüthü shingvaishi,

SHAKEI VAMPÜ 21:8

Shejao mong nelongpü, hingnelempü, sheihdaipü, shennyak jüpüthü, mükbongjuyungpüthü, phongyompüthü, lajei khümpüthü, hatü shahshem epüthülei shingü awkaong meli kü aw bahpü shemyungei nyuhen; hapayü nyipabü dipü.”

KOLOSI 3:8

Shejao shaang ammi hakeipü douthü peü yaktükhen vongbong: mongshih anpü, mongpuk vampü, mih kü lak shihpü, ühing itpü, ammei ju kübü veüshah epü tüktuh.

ISAIAH 63:8

“Hingmei, jomü ngelei nanglakthü, jomi ngei kü ne-ühingphapih” shei Shembüpai enyüke, hatü büpayü jom Yangbü leiteke.

ZEKHARIAH 8:16

Hathü dou ammi dükhen vongbong: Hüki hük mü shahhing eteituh, hatü shahphen shingei chingmei shingvaishi shahhing hatü jiüpü shahphen shuohtuh,

KANDOK 13:5

Daülangpü ami shahshem kü jiühitnyeih, shejao nemeipü ami neveüi hatü nephahji-i düknyüpeih.