KOLOSI 3:5 - DAÜLANGPÜ LAIHING (BSI)

⁵ Hanangkü am kü nyupü kahdoknyü nyingnyoilei douthü peü dihütuh: iyjeiphailei, nedaüpü, iyhiphai-i napü, ten vaüpü, hahnempü (mepa yaongnaüya khümpü nyüpa),

KOLOSI 3:5 Referans Kwoze

ROM SHAHSHA APPÜ 8:13

Mehenangkü amphong phai-i mongpükei nyujema, am dihen, shejao ammi Laanghai büm douthü jütükjema, am yemmü nyuhen.

GALATIA 5:24

Üamphong Khrista Jisulei lompü vainya, phai-i lümpü hatü yahhüpü peü shophang kü aptükteke.

ROM SHAHSHA APPÜ 6:13

Mangei douhinang vaiyei mang thahhen mü hajük kü ammei phaihan teshuoh, shejao dipü kübü yangei leipü keiha laophü nyingi Kahvang kü shuohtuh, hatü nüngei phaihan Kahvang kü daülangshemshepü douhinang kei shuohtuh.

1 PETER 2:11

Bampü küphüthü, kahdoknyü kü yenpa hük keiha ngei am kü enyeih, laangha khüei hokpü phai-i yahhüpü peü kübü yanei nyutuh.

1 KORINT 6:18

Iyjeiphailei tuhtüktuh! Shennyak hüki thahpü mang kemei büm kü hongei neshiü, shejao mükbongjuyungü laophülei büm khüei düknyüpeih.

EPHESIA 4:19

Jomi veüshe mahtüktü jomi laophü nyingi iyjeiphailei kü nedaünelangpü lemphü dükhen kennyüke.

2 KORINT 12:21

Shao mechem ngei am touei peihenshang, ngelei Kahvangi ngei am touei maanei leihühen, hatü üami shelei mang thahtü jomi dükpü nedaünelang, mükbongjuyung, shahkung mangpü kübü mong nelep, hathü longi nangkü ngei mongkü tünghen mü shiühen khih shei ngei yingei deihnyüke.

SHAKEI VAMPÜ 21:8

Shejao mong nelongpü, hingnelempü, sheihdaipü, shennyak jüpüthü, mükbongjuyungpüthü, phongyompüthü, lajei khümpüthü, hatü shahshem epüthülei shingü awkaong meli kü aw bahpü shemyungei nyuhen; hapayü nyipabü dipü.”

ROM SHAHSHA APPÜ 7:23

shejao ngelei büm kü lebü shahkung hüki ngelei mong kübü shahkung mü hokei ngelei büm kü nyupü mang shahkung kü ngei yepei küptükpü ngei eenyüke.

MATHI 15:19

Mehenangkü mongdang kübü mang chudeih, jüpü, mükbongjuyung, iyjeiphailei, gühpü, shahshem denpü hatü lueilempü vamnyeih.

SHAKEI VAMPÜ 22:15

Chingshelei nyupüthüyü shithü, phongyompüthü, mükbongjuyungpüthü, shennyak jüpüthü, lajei khümpüthü hatü shahshem kü bampü hatü ha dükpüthü.

JAKOB 4:1

Amphong khongkü depülaopü hatü neshetnephen meleipü vamhünya? Hathüyü yahhahhüpai ammei mongei deyeilaoei nyupü kübü vamnyu nevaipü je?

1 KORINT 6:13

“Hahyingü shünyü shingvaishi hatü shünyü-ü hahying shingvaishi nyüke,” hatü Kahvangi nyiphen mahtükhen. Bümü iyjeiphailei shingvaishi nevai, shejao Shembüpa shingvaishi, hatü Shembüpayü büm shingvaishi nyüke.

ROM SHAHSHA APPÜ 6:6

Hapa mang büm mangtükhen hatü hajük kü jen mangei aa nevaihen shingvaishi jenei yangnyu chang büpa mü shophang kü aptükteke shei jeni nyingnyüke.

HEBREW 13:4

Peüi bükhishem yempü kü dhüm shuohtuh, hatü shem yempü amei shinshing nesheih-i angtuh; mehenangkü Kahvangi iyjeiphailei hatü mükbongjuyung nyiphen shahphenhen.

HEBREW 12:16

Üpaiyao Esau kei nük omhük kü laophülei behepa hean yutükpü mükbongjuyung hatü Kahvang nenyingpü shennyak neleihen kentuh.

1 THESALONIKA 4:3

Am daüeilangei nyuhenü Kahvangi mongpü nyüke: am iyjeiphailei kübü yanei;

1 KORINT 5:1

Amphong khongkü mükbongjuyung, hapayü nevaipü am touei dangkao nenyubenüng dou– shennyak hüki laophülei nyüma mü nyunyüke shei hingshangi shah-om shuohteke.

ROM SHAHSHA APPÜ 7:5

Mechem jen phai kü nyupa, shahkung homei vamhüpü jenei mangi yahhahhüpai dihen shingvaishi betjük jükhühen nangkü jenei phaihan kü dou dükei nyuteke.

ROM SHAHSHA APPÜ 1:29

Jomphong kü lemphüli mang, ten, hahnempü hatü ten dükpai maei nyüke. Jomphongü mükhühmongyung, jüteishangtei, dehilao, ühingnakai, hatü glüpi maei nyüke. Jomi mihla,

ROM SHAHSHA APPÜ 1:26

Ha tata kü Kahvangi jomphong veübenüng iyjeiphailei kü shuohtükpeih. Jomei nyühathüi dangkao vanglem kü nenyupü lem kü nyongnyongi mükbongjuyung düknyüke,

1 THESALONIKA 4:5

Kahvang nenyingpü Kung ami kei phai-i yahhüpü tenyu,

1 KORINT 6:11

Am haneiyü hapakei nyuteke. Shejao amphongü paütük, daütük hatü amphongü Shembüpa Jisu Khrista hatü jenei Kahvang Laangha men kü dahshakhüteke.

KOLOSI 2:11

Mang nyingnyoi yaktüktü shennyaki laki jappü kü nevai, Khrista kü japtükpü kü amphongao büpa kü laangha kü japtüktü nyüke.

1 TIMOTI 6:10

Mehenangkü lop kü bampeyü mang peüei tünglang, hatü shemmei leihüpü nangkü hanei amü vaipü kübü yanei lüdaiteke, hatü mongmang longpai jomei mongdang mangdaitü nyüke.

HEBREW 13:5

Nüngei yangnyu lop bampü kübü yangei nyutuh, hatü mehe ang, ha kü mong hüshemei nyutuh; mehenangkü büpai, “Ngei nüng netuhphongpih nevaijü neyakphongpih” shei eteke.

MÜLANGPÜ 37:22

Chüjümlak hatü kaothü peü daülangpü honi mon awshong büm hük kübü kaoklaki dhüngei phaakei ling.