KOLOSI 3:23 - DAÜLANGPÜ LAIHING (BSI)

²³ Ammei dou mehe nyu, hapa kü shembü kü düknyu keiha nevai, Shembüpa kü düknyu kei kenei düktuh.

KOLOSI 3:23 Referans Kwoze

KOLOSI 3:17

Ammi mehe dükhen, shah kü vaijao dou kü vaijao, lemphüli Shembüpa Jisulei men kü büpa homei Pa Kahvang kü menvih shuoh-ei düktuh.

ROM SHAHSHA APPÜ 14:8

Jen yem nyujema, jeni Shembüpa kü nyunyeih, hatü jen didaijema, jeni Shembüpa kü dinyeih; shejema jen yemmü nyujao, dijao jenü Shembüpalei.

2 SHÜPPÜKENGPÜ 31:21

Büpai phopshemei hatü shahkung bangei dükhen shei tempü dou lemphü kü büpai Kahvang yem hatü mongdang kempai dük. Hapa keiha büpa daeisheyei dai.

CHONGVENBÜ 9:10

Nüngei laki dükaokhen mü mehe mehe heühenshang wong kohshi kemei düktuh; mehenangkü nüng vühen mahngchongei dou dükhen nevaijü deihhen, nevaijü nyingpühingpü nevaijü kihikon meheyao neshiü.

1 PETER 2:15

Mehenangkü jiüpü dükpü homei ngapathüi nenyingi epü ammi nentükhühen hapayü Kahvangi mongpü nyüke.

1 PETER 2:13

Shembüpalei men kü hangku shak kü vanglem lempüthü phangkü nyutuh; peü mü longpeyü ongpa vaihütuh,

MENVIH KESHO 119:10

Ngelei mong kempai ngei nüng yemnyeih; nüngei shahkung kübü ngei lemnyong kü tedeitük.

1 PETER 1:22

Shaang ammi shahhing shah kü ven danpai ammei laangha daüdaiteke, hatü ammei jeihinaü nyahinaüthü kü hingshangpai bamhen mü vamteke; mongdang kübü vamei chüloh-i hüki hük mü bamteituh.

ROM SHAHSHA APPÜ 14:6

Üami nyih hük kü hayaoha dhüm shuohnya, Shembüpa kü dhüm shuoh-ei yahtuh; shao üami hahnya, Shembüpa kü dhüm shuoh-ei hahtuh; mehenangkü jomi Kahvang kü dhüm shuohnyüke; üami nehahnya, Shembüpa kü dhüm shuohpai tehah, hatü Kahvang kü menvih shuohtuh.

MENVIH KESHO 119:34

Ngelei mong kempai nüngei shahkungnyü bangei dükhen ngei kü danaokpü kon yahshihma.

JEREMIAH 3:10

Shejao hathü peü dükphei kao shahshem epü Judah-i pinnyülei mong kempai ngei touei mong lepei nelei, shejao meni mon ngei touei mong leppükei hupeih shei Shembüpai enyüke.

MENVIH KESHO 119:145

Ngelei mong kempai lennyeih, jangshih, Oh Shembüpa. Ngei nüngei shahkung banghen.

MATHI 6:16

Mechem am shüaeiyunglehen, akhümmongümthü kei dhe mangei tehu; mehenangkü jomi mih kü shüaeiyunglenyeih shei huhen shingvaishi dhe yimnyüke. Hingmei ngei am kü enyeih, jomi jomei laklei danglangteke.

EPHESIA 5:22

Shembünyüthü, ammi Shembüpa kü kei laophülei bahathü phangkü shütuh.

MENVIH KESHO 103:1

Shembüpa kü moihimantuh, Oh ngelei laangha, ngelei thentoimongdang kempai büpalei daülangpü men moihimantuh.