KOLOSI 3:22 - DAÜLANGPÜ LAIHING (BSI)

²² Aathü, ammi kahdoknyü kübü ammei shembü kü lemphü kü jomi eehen hatü mong hahhühen shingvaishi nevai, shejao mongdang kempai Shembüpa kü nyemei ven bangtuh.

KOLOSI 3:22 Referans Kwoze

GALATIA 1:10

Ngei shaangü hangku leipü meiangke shei ehahpü yemnyu hi Kahvang leipü danghen khenya? Nevaijü ngei hangku mongmeihühen khenyu je? Shaang thahshi ngei hangku mongmeihühen khejema, ngeiyü Khristalei chongphobü hük nevai.

1 THESALONIKA 2:4

shejao shahjangmei kohen Kahvangi mongei jepü shennyakthü keiha enyeih. Hami shennyakthü nevai, jenei mongdang dokpü Kahvang mongmeihühen khenyeih.

KOLOSI 3:20

Hashihthü, lemphü kü amphongi laophülei nyühipalei ven bangtuh; mehenangkü Shembüpai ha kü mong hahnyeih.

LUK SHAHSHA APPÜ 6:46

Mehekei ammi ngei kü, “Shembüpa, Shembüpa” shei nyüktü ngei epü nedüknya?

CHONGVENBÜ 5:7

Ahshi mangh manghpü hatü shah ahshi epü kemei angsha, shejao Kahvang kü nyemshi nyutuh.

PHILEMON 1:16

Hajük keyü aa hük kei nevai, shejao aa hük mao nyeipüba, bampü jeihinaü hük, anyei vaishi ngei kü, shejao nyeinya nüng kü phai hatü Shembüpa kü nyüpeih.

2 KORINT 7:1

Bampü küphüthü, jen kü lahpü hathü nyupü nangkü jen nyingi büm hatü laangha nedaüpü peü kübü daüei Kahvang nyempü kü daülangpü changpüshapü leihüshah.

PHONGSHANTHÜ DOU 2:46

Nyihjeih jomi phopshemei chemi hepak longi tük; jomi shem shem kü aan bhaokei mongongpai hatü mong dhaopai,

LUK SHAHSHA APPÜ 7:8

Mehenangkü ngeiyao ngei phangkü veshanthü tuh-ei vanglem phangkü nyupü shennyak hih. Ngei hük kü, ‘Daituh’ shei ejü büpa dainyeih, hatü hükpa kü, ‘Heihkei’ shei ejü büpa heihkünyeih, hatü ngelei chongphobü kü, ‘Ha düktuh’ shei ejü chongphobüi ha düknyeih” shei eteke.

MATHI 8:9

Mehenangkü ngeiyao ngei phangkü veshanthü longi tuhtü ngei hanei kü, ‘Daituh’ shei ejü jom dai, hatü, ‘Heihkei’ shei ejü heihshi nyunyeih, hatü ngelei aa kü, ‘Ha düktuh’ shei ejü ha düknyeih” shei e.

MATHI 6:22

Mükü büm shing vangngai. Hanangkü nüngei mük meishi nyujema, nüngei büm kempü vangngai-i maei nyuhen;

MALAKI 1:6

Hapeü hüki laophülei pa kü, hatü aa hüki laophülei shembü kü dhüm shuohnyüpeih. Ngei ammei pa vaijema, ngei kü melei dhüm shuohnya? Ngei ammei shembü vaijema, ngei kü nyempü melei nyüpa? shei Shembüpa Kahvangi enyüke. Oh ngongpathü, ammi ngelei men ne-ienelemnyu, shejao ammi, “Hami nüngei men mekei ne-ienelemi nopa?” shei phenyüke.

CHONGVENBÜ 12:13

Shaang lemphüli danteke; lemphüli kü shahshomü hapa khih: Kahvang nyemtuh, hatü büpalei shahkungnyüthü noteituh; mehenangkü shennyakei dousho kempü hapa khih.

MENVIH KESHO 123:2

Chongphopathüi laophülei shembülei lak kü veipü keiha, chongpholathüi laophülei shembü lanyülei lak kü veipü keiha, büpai ham kü mangphahji thahshi hamei müki Shembüpa, hamei Kahvang kü veinyeih.

NEHEMIAH 5:15

Ngei shekü nyupü governorthüi nanglakthü kü hanggovih longi kohü, hatü jom leipü hahying hatü yiü yah, hatü ha mü lenei nyih kü ngin pha pinyi yahhamteke. Jomei chongphobüthüi dangkao nanglakthü kü shüveihampeih. Shejao ngeiyü Kahvang kü nyempai hapakei nedükangpih.

KAHBHAO 42:18

Nyih jempabü kü Joseph-i jomphong kü, “Ha düktuh, hatü am yemmü nyuhen; mehenangkü ngei Kahvang kü nyemnyeih:

CHONGVENBÜ 8:12

Mang shennyakthüi mang kho hükpa düklangmao yangnyu den lushi nyunyüke, shejao üami Kahvang kü nyemnya, jomphong-üng meipüba nyuhen; mehenangkü jomi Kahvang kü nyemnyüke.

NEHEMIAH 5:9

Hanangkü shao ngei jom kü, “Ammi mehe düknya hayü nejiüang. Jenei vepa jatthüi ne-ienelempü neponghen shangmü ammi jenei Kahvang nyempü kü nekamhen je?