KOLOSI 3:16 - DAÜLANGPÜ LAIHING (BSI)

¹⁶ Mop keiha Khristalei shah ammei mongkü maei tuhtuh; kihikon kempü kü hüki hük kü nyuhteituh, hatü nangthongteituh, hatü ammei mongei mongongpai Kahvang kü menvih kesho, khümpü kesho, hatü laangha kesho lokeishuoh.

KOLOSI 3:16 Referans Kwoze

MENVIH KESHO 119:11

Ngei nüng khüei mang nethahhen shingvaishi nüngei shah ngelei mong kü jaoei tuhnyeih.

EPHESIA 5:19

Hüki hük mü menvih kesho, kesho hatü Laangha kesho-i eteituh; ammei mongdangei Shembüpa kü ünghinyah meipai kesho loktuh.

JOHAN 15:7

Amphong ngei kü nyujema hatü ngelei shahthü am kü nyujema, ammi mehe na ha yütuh hatü ha am kü shuohhen.

ROM SHAHSHA APPÜ 10:17

Hanangkü hinglempeyü danpü leipü peinyüpeih, hatü danpeyü Khristalei shah homei peinyüpeih.

1 JOHAN 2:24

Chongpangpülei ammi mehe dan, ha am kü nyuhütuh. Chongpangpülei ammi mehe dan, ha am kü nyujema, ammi Ha hatü Pa nyiphen kü nyuhen.

JEREMIAH 15:16

Ngei nüngei shah dangei ngei ha hahpeih, hatü nüngei shahthü ngelei mongkü mongongbenüng leiteke; Mehenangkü ngei kü nüngei men menteke, Oh Shembüpa, Jeiyong Kahvang.

EPHESIA 1:17

Am büpa touei peishingkü kihikon, laangha hatü shakei vampü am kü shuohhen shingvaishi jenei Shembüpa Jisu Khristalei Kahvang, müknyinshekhangpü Pa kü ngei phopnyüpeih.

JOB SHAHSHA APPÜ 23:12

Büpalei shahkungnyüthü kübü ngei neyan; Büpalei shah ngelei mongei jaoei nyüpeih.

JAKOB 3:17

Shejao shangphi leipü kihikonü shongpü kü daülangpü, hapheikü chingmei, bampü, inpünyaipü, deih-ei dangaokpü, phahji-i mapü, hatü betjük meipü, baong hanpü neshiüpü hatü akhümmong-üm neshiüpü nyüke.

2 JOHAN 1:2

mehenangkü hapa shahhing ham kü nyüke, hatü düngei ham kü nyuhen.

2 TIMOTI 3:15

hatü hashih mebü nüngi Daülangpü Laihing, mepai nüng kü Khrista Jisu kü hinglempü homei yemleihen shingvaishi nyuhhen aoknya, ha nüngi nyingei nyüke.

KOLOSI 1:9

Ha vaipü nangkü hami ha danpü nyih kübü hami am shingvaishi laangha kihikon hatü nyingpühingpü peü kü Kahvangi mongpü nyingpühingpai am mahen nangkü yüei phoppü nedohnyih.

SHAKEI VAMPÜ 5:9

Jomphongi kesho ja hük lok: “Nüngü laidü yahhen, hatü hapalei füoshang aphen shangpü; mehenangkü nüng jütükteke, hatü nüngei iy homei Kahvang shingvaishi jat, shahlem, nanglak hatü kahmük peü kübü daülangpüthü angei leiteke;

1 JOHAN 2:27

Am nang keyü ammi büpa leipü thiteiphupü dangpü ha am kü nyüke, hanangkü am kü nyuhhen üpayao nadang neshiü. Shejao büpai thiteiphupai dou peü am kü nyuhnyüke, hatü hayü shahhing, shahshem nevai, hatü am kü nyuhpükei shahhing nyüke; ammi büpa kü nyutuh.

KOLOSI 4:6

Ammi peü kü mekei shahnyok shuohhen ha nyinghen shingvaishi ammei shah-engeüshei kü phahji hatü hüm kei vüngnyangi nyuhütuh.

EPHESIA 5:17

Hanangkü am ngashi tenyu, shejao Shembüpai mongpü mehe, ha nyingtuh.

MENVIH KESHO 28:7

Shembüpayü ngelei wong, hatü ngelei inyüshung; ngelei mongi büpa kü hinglemnyeih, hatü ngei sheühpü dang. Mongongpai ngelei mong mateke, hatü kesho lokei ngei büpa kü menvih shuohhen.

JAKOB 5:13

Amphong khongkü hanei shanghah-ei nyüpü je? Jomi phoptuh. Hanei ami mongongnyu je? Jomi menvih kesho loktuh.

MENVIH KESHO 71:23

Ngei nüngei men longshingkü ngelei jui mongongpai lenhen; mehenangkü nüngi ngelei laangha yangteke.

TITUS 3:6

Jisu Khrista jen Yemleipüba homei büpai ha Laangha jen kü changshi khüppeih;

1 KORINT 14:26

Shejema, ngelei jeihinaüthü, mehe dükhenang? Mechem am chemi thaihenshang, am peülei kesho, nyuhhen shah, shakei vampü, shahlem laolao epü nevaijü hapa nih-ei epü nyüke. Dou peü linghühen shingvaishi düktuh.

JAKOB 1:5

Am hanei kihikon kü taojema peü kü bhashahshi hatü nekaungi shuohpü Kahvang kü yütuh, hatü ha am kü yahphahen.

KOLOSI 1:28

Peü Khrista kü behe leihühen shingvaishi kihikon kempai peü kü shahvüng shuoh-ei, peü kü nyuh-ei hami baongpeyü büpa hih.

MENVIH KESHO 32:7

Nüngü ngei joshing, nüngi ngei shanghah kübü yangei tuhnyeih; hatü yanglanghen kesho lokei shonnyüpeih.

NEHEMIAH 12:46

Hepak luangi daiteke, David ongpa hatü Asaph nyilei nyih kübü Kahvang kü menvih menlong kesho lokbüthü shing kesho mübü nyuteke.

1 ONGPATHÜ 3:28

Mechem Israel am kemei-i ongpai shahphen shuohpü danpa, jomi ongpa kü dhüm longi shuoh; mehenangkü büpa kü shahhingi vanglem lemhen Kahvang leipü kihikon nyüke shei nying.

SHAKEI VAMPÜ 15:3

hatü jomi Kahvang chongphopü Mosalei kesho, hatü Mi Chehalei kesho hapakei lok: “Longpü hatü yashanpeyü nüngei douthü khih, Jeiyong Shembüpa Kahvang! Shahhing hatü jiüpeyü nüngei lemthü, jatthülei Ongpa!

1 JOHAN 2:14

Hashihthü, ngei am kü nyangnyeih, mehenangkü ammi Pa nyingnyüke. Pathü, ngei am kü nyangnyeih, mehenangkü chongpangpülei nyupü büpa ammi nyingnyüke. Thehilathü, ngei am kü nyangnyeih, mehenangkü am wong kohshi, hatü Kahvang shah am kü nyüke, hatü ammi ten neütükteke.

1 TIMOTI 6:17

Shaangpü kahdoknyü kü nyupü shemmeithü kü nechangmeihen, nevaijü shaang nyutü nenyuhen mop kü mongnelemhen etuh, shejao jen hüshemhen shingvaishi lemphü mop changshi shuohpü Kahvang kü monglemhen etuh.

2 THESALONIKA 3:15

Shejao ammi büpa kü vepa hük kei tedeih, shejao jeihinaü hük leshi shahvüng shuohtuh.

1 THESALONIKA 4:18

Hanangkü hathü shah-i hüki hük mü mongnang thongteituh.

1 KORINT 14:15

Shejema ngei mehe dükhen? Ngei laanghai phophen, shejao ngei mongiyao phophen; ngei laanghai vih-ei lokhen, shejao ngei mongiyao vih-ei lokhen.

MATHI 26:30

Jomphongi kesho hük loktü Olive Kahshangei aong.

KANDOK 14:8

Kenhingpülei kihikonü laophü melei dainya, ha nyingnyüpeih, shejao ngapa khongkü ngapai pungei münyüpeih.

MENVIH KESHO 138:1

Ngelei mong kempai ngei nüngei men longnyeih, Oh Shembüpa; kahvangthü touei ngei nüngei menvih loknyeih.

MENVIH KESHO 119:54

Melei ngei paümeithemei nyuhen, nüngei shahkungthüyü ngelei kesho vaihampeih.

ROM SHAHSHA APPÜ 15:14

Ngelei jeihinaü hatü nyahinaüthü, ngei am nangkü mong hamei deihnyeih; mehenangkü am kü meipai maei nyüke; nyingpai maei nyüke; hatü hüki hük kü nyuhhen aokshi nyüke.

LUK SHAHSHA APPÜ 2:51

Hapheikü büpa jiji mü leiyei Nazareth ngoi, hatü jiji-i epü ven bangei nyu. Chenyüi lemphü mongei jaoshi ang.

1 SHÜPPÜKENGPÜ 25:7

Jomei shem am Shembüpa kü kesho lokhen meishi mantükpüthü jom 288 nyu.

ISAIAH 10:2

Hapa keiha ammi taopathü kü jiüpü nedüknyu, hatü hanghipü ngelei nanglakthülei hean gühlangnyüke; hapa keiha vaümnyüthülei mophimo, hatü hashihhathülei douhinang gühlangkemnyüke.

SHAKEI VAMPÜ 19:10

Hahepak kü ngei büpalei la tüngei khümnüng aümei sha, shejao büpai ngei kü, “Nüngi ha tedük! Ngeiyü nüng mü chemi chongphopüba hatü Jisulei denpü kopü nüngei küphü. Kahvang kü khümtuh. Mehenangkü Jisu jung denpeyü tetpüvanpü laangha” shei eteke.

ISAIAH 30:29

Shejao Kahvangei nanglakthü amphongü mohitap kü yanüng kesho nyahhai-i mongongpükei nyuhen. Ammei mongü nanglakthüi Shembüpalei Kahshang, Israel amei Yaongnyü touei liping vüngei aongjü mongongpükei nyuhen.

ISAIAH 26:1

Hapa nyih Judah kahdokei hapa kesho lokhen: Jenei chingnyü wong kohshi nyüke; Kahvangi aokpü dangpeyü bham shaungpükei, hatü kahdok shaopülei lingei nyüke.

ISAIAH 5:1

Ngei bampüba kü kesho hük lokshuohshah; ngelei maibong büpalei nyalingngupai kah kü shih-ei lokshah: Ngelei mongkhen küphülei nyalingngupai kah hük kahcheü kohpü kahshong hükei nyuteke.

SOLOMONEI KESHO 1:1

Solomonei kesho khongkü kesho.

SHAKEI VAMPÜ 14:3

hatü jomi ong uoshing touei, hatü yemmü nyupü yemhathü ali touei, hatü behethü touei kesho ja hük lok. Kahdoknyü leipü angei leilangpü jom 144, 000 mü lenei üpaiyao ha kesho nenying.

KANDOK 18:1

Mih mü nekünejempü shennyakü laophü shing mon deihnyeih; Mih peüi jiüpeih shei epü kü nejiüang shei mon enyeih.

EPHESIA 5:26

shejüang shah homei yungi paüei daüpai pinnyü daülangi leihen;

1 THESALONIKA 1:8

Mehenangkü Shembüpalei shah am leipü yanei deishihpeyü Macedonia hatü Akhaia kü mon nevai, shejao shing peüei Kahvang kü ammi hinglempü nyingdaiteke; hanangkü hami ha jung ehen napü neshiü;