Biblia Todo Logo
Bib sou entènèt

- Piblisite -




KOLOSI 3:12 - DAÜLANGPÜ LAIHING (BSI)

12 Kahvangi jelangpü hük, daülangpü hatü bampü leshi phahji, bampü, maanpü leipü, nenteiaokpü, munenpü owtuh.

Gade chapit la Kopi




KOLOSI 3:12
50 Referans Kwoze  

Am hüki hük mü bamteituh, hatü bamtei-aungtei mongdang jüktuh, hatü Khrista kü Kahvangi ammei mang tükpükei hüki hükei mang tükteituh.


Nenteiaokpü, inyainyempü hatü peü munenpai bampü kü hüki hük mü nenteituh,


Büpai shongei jen kü bampü nangkü jeni büpa kü bamnyeih.


hatü Lingbülei lajei aimü nyingpühingpü kü ja leiyei shennyak ja owteke.


Hanangkü jeihinaü nyahinaüthü, nyeinya vaishi am kü nyükpü hatü jepü lekhen kentuh; ammi ha dükjema am huluh neshuohpih.


Am üpaiyao ten kü ten neshemhen lituh, shejao düngei hüki hük mü, hatü peü mü mei dükhen kentuh.


daülangpai, danaokpai, inyainyempai, shinshangpai, laangha kü daülangpai, hingshangi bampai,


Peihdaipü hepak kü Shembüpa ham touei vamei eteke: “Nedohnetenpü bampai ngei nüng kü bampeih; Hanangkü nedoh-i ngei bampü nüng kü hupeih.


Shao mechem ngei am peih-ei daipa, ngei am kü veishuohjü amü chühimai yemhen hepak ngoidaitü nyuteke. Ngei am bümkong nyupü kü ngelei bhagthuh-i jümhüpeih, hatü ngei am mü lah-ei vangpüshuwpü lingpeih hatü amü ngei lompü leihüpeih shei Shembüpa Kahvangi enyüke.


Mehenangkü Khrista Jisu kü japtükpü hatü nejaptükpü kü meheyao nanglei neshiü; iehen dou hükü bampü homei hinglempai dou dükpü ha mon nyüke.


Pa Kahvangi jelangpüthü hatü Jisu Khrista kü ven danhen hatü büpalei iy-i haiyei Laanghai daütükpüthü touei: Phahji hatü chingmei am mü bhashahshi nyute.


Hanangkü nedohnetenpü müknyinshekhang mü Khrista Jisu kü jomphongao yemleipü danghen shingvaishi jepüthülei men kü ngei lemphü munennyeih.


Kahvangi bampü hatü daülangpüthü vaihen nyüklangpü Romei nyupüthü peü touei: Jenei Pa Kahvang hatü Shembüpa Jisu Khrista leipü phahji hatü chingmei am mü nyute.


Paul, Kahvang chongphobü hatü Kahvangi jepüthüi hinglempü men kü hatü Kahvang nyingpü kü shahhing nyingpü Jisu Khristalei phongshani,


hatü büpai laophülei vangsho phongshanthü amit ngeü longpü mü shomei büpai jelangpüthü kahdok vaungjung aliphen kübü, hatü vangsho jung hük kübü hük dohpü thahshi thailanghen.


Kahvangi jelangpüthü büpa kü nyakhingai thüngei lenjü büpai shahhing shahphen neshuohhen je? Büpai jom kü sheühhen kaaei nyudaihen je?


Nüngei daülangpü hatü müknyinshekhangpü nyushing vangsho leipü ham kü veishih. Nüngi nyakpükenpü hatü nüngei wong melei nyüpa? Nüngei phahji yahyang hatü bampü ham toueipü shonglangteke.


mehenangkü jenei Kahvangi phahji yahyangpü homei, ha homei vangsho leipü vanghe vangngai jen kü khanghen,


Hahepak kü büpai kahdoknyü vaungjung ali kü kahdok dohpü kübü vangsho dohpü ngoishi büpalei vangsho phongshanthü shomei büpai jelangpüthü thailanghen.”


hatü am nyingi shahhing daülangpü kü hatü kangshangpü kü Kahvang leshi lingpü yangnyu ja owtuh.


Ngei wong kohhüpü ngelei chongphobü hamü nyüke, Ngei monghahpü ngei jepü hük; Ngei ngelei laangha büpa kü shihpeih, hatü büpai jatthü peü kü shahhing koei peikahen.


Jenei dou aimü nevai shejao büpalei mükhong hatü phahji aimü büpai jen yangpeih, hatü daülangpü nyükpü homei jen kü nyükpeih. Hapa phahjiyü denshemthü chongpang shekü Khrista Jisu kü büpai jen kü shuohpeih,


Khrista Jisu bampü kü am peü nangkü ngei mekei ongyangnya ha jung Kahvangü ngelei denbü nyüke.


Mehenangkü büpai kahdoknyü lingshekü büpa touei daülangi hatü eela neshiüi bampü kü nyuhen shingvaishi jen jepeih.


Kahvangi jepü nedoh-i daihen mükhong kü hapa yeshang nyi bühshekü nevaijü mei nevaijü ten dükshekü,


Shahshem khrista hatü shahshem thibüthü longi vamkahen hatü nyangeihepü hatü yashanyale longi hukahen; aokjema daülangpüthüao lemnyongei mülanghen.


Shembüpai hathü nyih shoh-ei neleitüklangmeyü üpayao neyangaokhah shepeih, shejao büpai üam je, hathülei men kü büpai nyih shohtükpeih.


Hathü nyih shoh-ei neleilangmeyü üpayao neyangaokhen vaipeih, shejao jelangpüthülei men kü hapa nyih Kahvangi shohtükpeih.


“Ephraimü ngei bampü ha, ngei monghahpü hapeü nevaipü je? Ngei büpa khüei ejao shaang thahshi ngei büpa deihnyeih. Hanangkü büpa kü ngei mong kü nemei-i deihnyeih. Ngei hingmei büpa küphahji huhen” shei Shembüpai enyüke.


Hajük kü jomi vepü shem kü mih nenyuhen, nevaijü jomi sheipü mih-i nehahhen. Pü hükei den lupü keiha ngelei nanglakthü yangnyu shoshoshi nyuhen.


Ngei Jakob kübü hühihathü, hatü Judah leipü ngelei kahshangthü mükjüp yahhenthü vamhühen; Ngei jepü nanglakthüi hathü mükjüp yahhen, hatü ngelei chongphobüthü halei nyuhen.


Ngei chongphopü Jakob, hatü ngei jepü Israel amei men kü, nüngi ngei nenyingjao ngei nüng kü men homei nyükpeih.


Jomi Mi Cheha khüei vehok hokhen, hatü Mi Chehai jom neühen; mehenangkü büpayü shembüthü khongkü Shembüpa, ongthü khongkü Ongpa, hatü büpa mü nyupüthüyü nyüklangpü, jelangpü hatü hinglempüthü.


Jelangpü nüngei anaülei hapeüthüi nüng kü selamja.


Mehenangkü shahshem khristathü hatü shahshem thibüthü vamkahen hatü nyangeihepü hatü yashanyale douthü dükei longshi shing lemnyongei mülanghen; aokjema jelangpüthüao lemnyongei mülanghen.


Ha nang jeipü Shembüpa Jisu Khrista owtuh; phai-i yahhüpü hüshemhühen phai kü shing teshuoh.


Bampai nenteiaoknyeih; bampai yahyang shinshangnyeih; bampai mük nehühnyih; nevaijü bampai awdaei, nevaijü changmeiyei,


Swiv nou:

Piblisite


Piblisite