KOLOSI 3:11 - DAÜLANGPÜ LAIHING (BSI)

¹¹ Hapa ja lingpü kü hajük kü Greek hatü Jehoda, japtükpü hatü nejappü, lemphü kü ngaümpheilei nyupü am, Sithia am, aa hatü bümei shei neshiü, shejao Khristayü peü kü peü.

KOLOSI 3:11 Referans Kwoze

1 KORINT 12:13

Mehenangkü Laangha hük kü Jehoda am nevaijü Greek am, aa nevaijü bümei vaijao büm hük kü jen peü baptük, hatü jen peü kü Laangha hük yinghen shuoh.

ROM SHAHSHA APPÜ 10:12

Mehenangkü Jehoda hatü Greek am aa kü baong hanpü neshiü; hapa aihük Shembüpayü peüei Shembüpa, hatü büpa kü nyükpü peü kü moihimannyeih.

EPHESIA 3:6

ha lappai, Kung amao aihük mü mükjüp yahpü am, büm hük kü aihük phaihan, hatü shahjangmei homei Khrista Jisu kü lahpü kü hean yahpü am leipeih.

EPHESIA 1:23

büpa peü philei peü shak kü maei nyüke.

ROM SHAHSHA APPÜ 3:29

Kahvangü Jehoda amei monha Kahvang je? Büpayü Kung ameiyao Kahvang nevaipü je? Hih, Kung ameiyao nyüke.

GALATIA 5:6

Mehenangkü Khrista Jisu kü japtükpü hatü nejaptükpü kü meheyao nanglei neshiü; iehen dou hükü bampü homei hinglempai dou dükpü ha mon nyüke.

JOHAN 17:23

Ngei jom kü hatü nüng ngei kü nyüke; jomphong hük leiyei mongjemhen, shejüang nüngi ngei shompü khih, hatü nüngi ngei kü bampükei ngei jomphong kü bampü khih shei kahdoknyüi nyinghen.

GALATIA 2:20

hatü hajük kü shaang nyupeyü ngei nevai, shejao ngei kü nyupeyü Khrista, hatü shaang ngei phai kü nyupü yangnyu-ü ngei kü bampü ngei shingvaishi yangnyu shuohpü Kahvang Ha kü hinglempai nyunyeih.

1 KORINT 7:19

Japtükpao nejapao meheyao nevai, shejao Kahvangei shah bangpü mon lemphü hih.

PHONGSHANTHÜ DOU 15:17

shejüang lebü shennyakthü peüi Shembüpa yemhen, hatü ngelei men kü nyükpü Kung am peü. Hathü douthü dükpü Shembüpai enyüke;

ISAIAH 52:10

Shembüpai büpalei daülangpü lak jatthü peüei müki eeshi laiteke; hatü kahdoknyü dohpü peüei jenei Kahvang yemleipü eehen.

ISAIAH 49:6

Ngelei Jakob jatthü thaihühen, hatü Israel am müei leihen nangkü nüng ngelei chongphobü vaihenü ahshimaanpü douha hih. Nüng homei ngelei yemleipü kahdoknyü dohpü ngoishi deishihhen shingvaishi ngei nüngü kung am shingvaishi vangngai hük leihühen shei büpai enyüke.

MALAKI 1:11

Mehenangkü heong kübü heshü thahshi jatthü peü mü ngelei men longpü vaihen, hatü shing peü kü ngelei men kü vong meipü ayingshü, hatü daülangpü moila koei peihen; mehenangkü ngelei menü jatthü shak kü longpü nyüke shei Shembüpa Kahvangi enyüke.

ZEKHARIAH 2:11

Hapa nyih jat longi peiyei Shembüpa mü haohen, hatü ngelei nanglak leihen, hatü ngei am khong mü nyuhen, hatü Jeiyong Shembüpai am touei ngei shompü khih shei ammi nyinghen.

AMOS 9:12

Shejüang Edom ami mehe aoei tuh, ha Edom ami yahlanghen, hatü ngelei men kü nyükpü jatthü peü kemei Shembüpai ha douthü dükkahen shei enyüke.

MIKA 4:2

Halei jat longi peiyei hapakei ehen, “Huoi, jeni Shembüpalei kahshangei, Jakob Kahvangei shemei aongshah; Mehenangkü büpai jen kü büpalei lemthü nyuhphahen, hatü jeni büpalei lemthü kü kamhen.” Mehenangkü Zion kübü shahkungnyü, hatü Jerusalem kübü Shembüpalei shah vamkahen.

KOLOSI 2:10

hatü vanglem lempü hatü yemya yapü peüei shangjing kü am changpüshapü leihüei nyüke.

ROM SHAHSHA APPÜ 1:14

Ngeiyü Greek am hatü Greek am nevaipüthü, nahpülangpüthü hatü ngapathü touei hang kopü am kei leidaiteke.

JOHAN 15:5

Ngeiyü pünyü büm, amphongü kaothü. Üpai ngei kü nyuhen, ngei büpa kü nyuhen, hatü büpai betjük longi jükhen; mehenangkü ngei mü yanei ammi meheyao nedükaokhen.

PHONGSHANTHÜ DOU 28:4

Mechem haleipü shennyakthüi büpalei lakei biü ngeihshi eepa, jom hüki hük mü, “Hapa shennyakü shennyak jüpü am vaihen khih. Büpa yungching yinglükleisho kübü yangjao shahhingi büpa yemmü nyuhen nehanpü khih” shei eteiteke.

PHONGSHANTHÜ DOU 28:2

Halei nyupü ami longi bampü huphopeih. Vang keiyei wohongpü nangkü jomi aw jaktü ham peü kü halei shinei uotuh shei ephopeih.

JOHAN 14:23

Jisui büpa kü, “Üami ngei kü bamnya, hathüi ngelei shahthü banghen, hatü Opa-i hathü kü bamhen, hatü ham jom touei peiyei jom mü chemi shemong hük leiyei nyuhen.

HOSEA 2:23

Ngei ngelei nanglakthü kahdok kü shingnüngei tuhhen, hatü dahüshehühen; hatü ngei, “Nebamnyih” shei eshuohpüthü küngei bampü huhen. Ngei, “Ngelei nanglak nevai” shei eshuohpüthü kü, “Amphong ngelei nanglakthü” shei nyükhen; hatü jomi, “Nüngü hamei Kahvang” shei ehen.

MENVIH KESHO 117:2

Mehenangkü büpai jen kü longi bamnyüke, hatü büpa shahhing epü den kü nyunyeih. Shembüpa men longtuh.

2 JOHAN 1:9

Üpai Khristai nyuhpüvenpü kü nekam, shejao ha peih-ei dainya, büpa kü Kahvang nenyu; üami nyuhpüvenpü kü kam, Pa hatü Ha nyiphen nyüke.

1 JOHAN 5:20

Jeni büpayü shahhing shei nyinghen shingvaishi Kahvang Ha peiyei jen kü danaokpü shuohpeih shei jeni nyingnyüke. Jenphongü üpa shahhing büpa kü nyüke– hapayü büpalei Ha Jisu Khrista. Büpayü hingshangpü Kahvang hatü yangnyuyem.

EPHESIA 6:8

aa vaijao, bümei vaijao jeni mehe doumei dük, ha kü SHEMBÜPAleipü aihük nyokei danghen nyingei düktuh.

EPHESIA 3:17

hatü bampü kü am tünglang yiüei chongwongei hinglempü homei Khrista ammei mongdangei nyuhen ngei phopnyeih.

1 KORINT 14:11

Shejema ngei hapa shah lappü nenyingjema, shah ebü touei ngeiyü kungpa shennyak kei hatü ngei touei shah ebüyü kungpa shennyak kei leidainyüke.

JEREMIAH 16:19

Oh Shembüpa, ngelei wong, hatü ngelei penyüsha, shanghah hepak kü ngei loishing. Nüng kü kahdok dohpü junghijang peü kübü peiyei, “Hamei bühipathüi meheyao ne-ang, shahshem kahvangthü, yahlak neshiüpü, jom kü meheyao mei nedükpü lajeithü angpü khih” shei ehen.

EZEKIEL 47:22

Ammi hapayü am shing hatü am mü nyupü benhathü shing hatü ammei hühihathü shing hanteihen. Jomphongao Israel am bühü kü kei nohen, hatü Israel jatthü mü jom kao mükjüp kahdok hanhen.

ROM SHAHSHA APPÜ 3:22

Hapayü vaipüthü peü kü Jisu Khrista kü hinglempü homei peipü daülangshemshepü nyüke. Mehenangkü baong hanpü neshiü;

EPHESIA 2:14

Mehenangkü büpayü jenei chingmei; büpalei phai kü khong nyiphen hük leihü, hatü baong hanpü lappai, jen aa kü ve kei nyupü bham bentükpeih.

EPHESIA 2:15

Büpai shahkungnyü mü halei dükhen epü hatü vanglemthü yaktükpeih; hapai nyi nyupü chingmei lingei laophü kü hangku ja hük lingei leipeih,