KOLOSI 3:10 - DAÜLANGPÜ LAIHING (BSI)

¹⁰ hatü Lingbülei lajei aimü nyingpühingpü kü ja leiyei shennyak ja owteke.

KOLOSI 3:10 Referans Kwoze

ROM SHAHSHA APPÜ 12:2

Ammi hapa kahdoknyü kü tevukdai shejao ammei mong ja leipai jeilei yeiyatuh, shejüang Kahvangi mehe mong, mehe mei, mehe yah-aokbenüng hatü changpüshapü nyüpa, ha baong hanei nyingaokhen.

EPHESIA 2:10

Mehenangkü jenphongü büpai mehe ling, ha hih, jeni dükhen shingvaishi Kahvangi yeihshi mebü Khrista kü doumei shingvaishi jen lingpeih.

KOLOSI 3:12

Kahvangi jelangpü hük, daülangpü hatü bampü leshi phahji, bampü, maanpü leipü, nenteiaokpü, munenpü owtuh.

2 KORINT 5:17

Hanangkü hanei ami Khrista kü nyujema, büpayü ja bühpü; chang lemphü peihdaiteke, veituh, lemphü ja leiteke!

MENVIH KESHO 51:10

Ngei kü daülangpü mongdang hük lingshih, Oh Kahvang, hatü ngelei mongkü ja, hatü jiüpü laangha hük shihshih.

EZEKIEL 11:19

Ngei jom kü mongdang hük, hatü laangha ja shihshuohhen; ngei jom kü vaanpü yaong mongdang yaktüktü phai mongdang shuohhen.

KOLOSI 3:14

hatü hathü mei peü shak kü hingshangi mongjempü kü chemi shepei shahüpü bampü owtuh.

EZEKIEL 36:26

Ngei am kü mongdang ja hük yahphahen, hatü laangha ja hük ammei mong kü shihphahen, hatü ngei am leipü yaong mongdang yaktüktü phai mongdang hük yahphahen.

1 JOHAN 2:5

shejao üami büpalei shah bangnya, hingmei hapa shennyak kü Kahvang bampü changpüshapü ngoiteke. Hapai jenü büpa kü nyüke shei leknyüke.

ROM SHAHSHA APPÜ 13:14

Ha nang jeipü Shembüpa Jisu Khrista owtuh; phai-i yahhüpü hüshemhühen phai kü shing teshuoh.

1 JOHAN 2:3

Shaang jeni büpalei shahkungnyü bangjema, hapai jeni büpa nyingnyeih shei lekhen.

ROM SHAHSHA APPÜ 8:29

Mehenangkü üam büpai yeihshi mebü nyingei nyu, hathü shao büpai laophülei Halei deiaei anshi leihen jelangpeih; shejüang büpa shemong longpü kü hashongpa leihen.

JOHAN 17:3

Jomi nüng, hingshangpü Kahvang hatü nüngi shompü Jisu Khrista nyinghen hayü yangnyuyem hih.

EZEKIEL 18:31

Ammi thahpü mangthü peü yaktüktuh, hatü mongdang ja hatü laangha ja yahhahtuh. Am mehekei dihenang, Oh Israel am phang?

SHAKEI VAMPÜ 21:5

Hahepak kü ong uoshing kü uopübai, “Veituh, ngei dou peü ja lingnyüpeih” shei e. Shao büpai, “Ha nyangtuh, mehenangkü hathü shah-ü hinglemhen hatü shahhing” shei e.

EPHESIA 2:15

Büpai shahkungnyü mü halei dükhen epü hatü vanglemthü yaktükpeih; hapai nyi nyupü chingmei lingei laophü kü hangku ja hük lingei leipeih,

GALATIA 6:15

Japtükpü nevaijü nejappeyü meheyao nevai, shejao ja lingpü mon nadang.

2 KORINT 4:6

Mehenangkü Kahvangi, “Vangnyak kü vangngai khanghütuh” shei e, hatü Jisu Khristalei dhe kü Kahvang müknyinshekhang nyingpü vangngai jen kü shuohhen shingvaishi büpai jenei mongdang kü vangngai khangpeih.

2 KORINT 3:18

Jen peüi dhe kü ashaki nejümi Shembüpalei müknyinshekhang aina kü kei khangei leihünyeih, hatü Shembüpa, üpa Laangha nyu, büpa leipü peipü aihük müknyinshekhangi nyeinya shaopü müknyinshekhang kü büpa lepü kü jen yeiyahünyeih.

ROM SHAHSHA APPÜ 13:12

Vangnyak luangi daiteke; vangngai yopailei nyüke. Shejema jeni vangnyak douthü tuhphongshah, hatü vangngai ow owshah;

GALATIA 3:27

Am meshüki Khrista kü baptük, am laophü nyingi Khrista ow owteke.

ISAIAH 52:1

Paotuh, Paotuh, Oh Zion, Wong kohtuh! Nethe meipü owhiai owtuh, Oh daülangpü chingnyü, Jerusalem. Mehenangkü nejaptükpü hatü nedaünelangpüthüi hajük kü ammei penyüshamongei neshüküpih.

HEBREW 6:6

mang thah-ei vüdainya, jom nyipabü mong lepei leihenü neaokbenüng; mehenangkü jomi nyingshangi Kahvang Ha shao shophang kü aphünyüke, hatü büpa nyonghünyüke.

ISAIAH 59:17

Büpai daülangshemshepü jaküpnyiam keiha küpnyüke, hatü yemleipü nyiam athen thennyüke; Büpai bhüh yempü ow ownyüke, hatü büpa nyingi mongshihpü bhagthuh thuhnyüke.

JOB SHAHSHA APPÜ 29:14

Owhiai keiha ngei shahhing owpeih; shahhingü ngelei bhagthuh hatü shangshak vaihampeih.

KAHBHAO 5:1

Hapayü Adamei hühihathülei men nyangpü: Mechem Kahvangi hangkuli ling, büpai büpayü Kahvang lepü kü ling.

ROM SHAHSHA APPÜ 6:4

Hanangkü dipü kü baptükpai jen büpa mü mahng vüteke; shejüang Pa müknyinshekhangi Khrista dipü kübü yangei leishihpü keiha jenphongao yangnyu ja kü kamhen.

2 KORINT 4:16

Hanangkü hami mong nelainyih. Hamei shakdok büm viüei wong nekohjao hamei mongpa laanghayü nyihjeih ja leinyüpeih.

PHILEMON 1:6

Khrista kü jeni angpü doumei peü kemei nyinghen shingvaishi nüng hinglempü wong kohshi hanteihen ngei phopnyeih.