KOLOSI 3:1 - DAÜLANGPÜ LAIHING (BSI)

¹ Hanangkü amphong Khrista mü dipü kübü yangei leipü vaijema, shangphi leipü douthü, melei Khrista Kahvangei lakdah philei uoshi nyu, ha yemtuh.

KOLOSI 3:1 Referans Kwoze

ROM SHAHSHA APPÜ 8:6

Phai kü mong shuohpeyü dipü, shejao Laangha kü mong shuohpeyü yangnyu hatü chingmei.

MATHI 6:33

Shejao shongei Kahvang ongching hatü büpa daülangshemshepü yemtuh, hatü hathü douthü peü am kü yahphahen.

2 KORINT 4:18

mehenangkü mehe eehen aok, ha kü hami neveinyih, shejao mehe ne-eeaok ha kü veinyeih; mehenangkü mehe eeaoknya, hayü kanja shing, shejao mepa ne-eeaok, hayü den shing nyüke.

KOLOSI 3:2

Kahdoknyü douthü kü nevai, shangphi leipü douthü kü ammei mong tuhtuh;

MATHI 6:20

Halei meyü am shing vangsholei mop jaohahtuh; haleiyü thepi nevaijü düithungi nehahnyih, hatü gühpai shem mangei shüei negühnyih.

HEBREW 12:2

Jeni Jisu kü mük neshai-i veishah. Büpayü jen hinglempü kü shongpü hatü changpüshapüba. Büpa shekü temei nyupü mongong men kü shophang veüpong munenei Kahvangei ong uoshing kü lakdah philei uoteke.

LUK SHAHSHA APPÜ 12:33

Ammei mopthü yutü taopathü kü shuohtüktuh. Ammi laophü shing chang neleibenüng loptuw linghahtuh, gühpa yopailei nepei, thepi nehahpü vangsholei mechemao nemahnemenhen mop jaotuh.

MENVIH KESHO 16:11

Nüngi ngei kü yangnyu lem hu. Nüng touei mongong maei nyüke; nüngei lakdah philei denden mongongmongle nyüke.

HEBREW 1:3

Büpayü Kahvang müknyinshekhang khanghüpü hatü Kahvang mekei nyu, büpa meimei anpü, hatü douthü peü büpalei ngan shah-i shümei tuhnyeih. Büpai mangthü daühüpheikü büpa vangsholei Jeiyongpalei lakdah philei uoteke;

LUK SHAHSHA APPÜ 22:69

Shejao shaang mü leitü Shennyak Ha Kahvangei ngan kü lakdah philei uohen” shei e.

KOLOSI 2:20

Amphong Khrista mü diyei kahdoknyü kü vanglem lempü laangthü kübü bümei leiphei vaijema, shaang thahshi kahdoknyülei shennyak kei mehekei nyunya? Mehekei amphongi,

HEBREW 8:1

Shaang hami epü shah shongnyüyü hapa hih: Vangsholei Lenangpalei ong uoshing kü jenei ngongchong lakdah philei uoshi nyüpeih;

ROM SHAHSHA APPÜ 8:34

Üpa nyonghühen? Üpa di, hih, yangei lei, üpa Kahvangei lakdah philei uotü jen shing phopnya, hapayü Khrista Jisu khih.

HEBREW 10:12

Shejao mechem Khristai mangthü shing den shing moila hük mon shuohpa, büpai Kahvangei lakdah philei uoteke.

MATHI 26:64

Jisui büpa kü, “Nüngiang eteke. Shejao ngei nüng kü enyeih, shaang mebü nüngi Shennyak Ha Jeiyongpalei lakdah philei uotü phum shangkü yiüküpü eehen” shei e.

EPHESIA 4:10

Büpa üpa yiü hapa aihüki douthü peü kü büpa mahühen shingvaishi vangshothü peü shak kü peü mü shaoshi aongpeih.

MARK 14:62

Jisui, “Ngei hih, hatü nüngi Shennyak Ha Jeiyong Kahvangei lakdah philei uotü vangsho phum shangkü yiüküpü eehen” shei jangei e.

HEBREW 1:13

Shejao mepa vangsho phongshanthü kü büpai, “Ngei nüngei vepathü nüngei la shoupshing mangleihü thahshi ngelei lakdah philei uotuh” shei epa?

PHONGSHANTHÜ DOU 2:34

Mehenangkü David vangsholei ne-aong, shejao büpai hapakei enyüke: “Shembüpai ngelei Shembüpa kü, ngei nüngei vepathü,

LUK SHAHSHA APPÜ 20:42

Mehenangkü Davidi louphü nyingi Menvih Kesho kü hapakei enyüke: Shembüpai ngelei Shembüpa kü,

MARK 16:19

Shembüpa Jisui jom mü eteipheikü vangsholei anlang, hatü Kahvangei lakdah philei uo.

MARK 12:36

Laangha Daülangpü homei Davidi hapakei e: “Shembüpai ngelei Shembüpa kü, ‘Ngei nüngei vepathü nüngei la phangei mangtuh thahshi nüng ngelei lakdah philei uotuh.’ ”

1 PETER 3:22

Büpa vangsholei aongei Kahvangei lakdah philei vangsho phongshanthü, wongthü mü uo, hatü nganthü peü büpa phangkü tuh.

PHONGSHANTHÜ DOU 7:55

Shejao Laangha Daülangpai maei büpai vangsholei ngangei veishingkü Kahvang müknyinshekhang hatü Jisu, Kahvangei lakdah philei yaongshi ee.

MATHI 22:44

‘Shembüpai ngelei Shembüpa kü, nüngei vepathü nüngei la phangei mangtuh thahshi nüng ngelei lakdah philei uotuh’ shei e.

KANDOK 15:24

Kon kohpü shennyak shingvaishi yangnyu lemü dipü lemei nevai, shanglemei münyeih.

MENVIH KESHO 110:1

Shembüpai ngelei Shembüpa kü, “Ngei nüngei vepathü nüngei la phangei mangshouptük thahshi ngelei lakdah philei uotuh” shei e.

CHONGVENBÜ 10:2

Kon kohpüthülei mongdang lakdah lemei meenyüpeih, shejao ngapalei mongdangü laknyong lemei meenyüpeih.

EPHESIA 5:22

Shembünyüthü, ammi Shembüpa kü kei laophülei bahathü phangkü shütuh.