KOLOSI 2:8 - DAÜLANGPÜ LAIHING (BSI)

⁸ Üpaiyao amphong Khrista leipü nevaipü kü yahlak neshiüpü aivang büshah kübü eyei peipü hangkulei kihikon shah hatü kahdoknyü kü vanglem lempü laanghathüi am aa leihüei müei nedaihen lituh.

KOLOSI 2:8 Referans Kwoze

1 TIMOTI 6:20

Timoti, nüng kü mehe kophopa, ha yomtuh. Ten vapvappü, hatü mepa hanei ami pungei, “Kihikon” shei eshi neshetnephen ngashah shükteinya, henüng kübü khaatdaituh;

EPHESIA 5:6

Amphong üpa kao angsha shah-i telutelemhah; mehenangkü hathü douthü nangkü ven nedanpüthü touei Kahvang mongshihpü peinyüpeih.

MATHI 7:15

Shahshem thibüthü kü lituh; jomi am touei mi-ow owtü peinyüke shejao mongü shuw kei mangshi nyüke.

GALATIA 4:9

Shejao shaang ammi Kahvang nyingei peiteke, nevaijü Kahvangi am nyingteke. Shejema mekei etü ammi shao wong nekohpü hatü vanglem lempü laanghathü lemei lepdainya? Amphongi hathü phangkü shao aa vaihüpü je?

KOLOSI 2:20

Amphong Khrista mü diyei kahdoknyü kü vanglem lempü laangthü kübü bümei leiphei vaijema, shaang thahshi kahdoknyülei shennyak kei mehekei nyunya? Mehekei amphongi,

2 TIMOTI 3:13

Shejao nemeipü hatü mih kü vinei dükpüthü, mih kü lawlüppüthü nemeipü kübü nemeipüba leidaihen.

JEREMIAH 29:8

Mehenangkü Jeiyong Shembüpa, Israel Kahvangi hapakei enyüke: “Am mü chemi nyupü thibüthü hatü phongyompüthüi am kü lueilemhen mü tenyu, hatü jomi manghpü manghthü kü tebangtei;

2 PETER 3:17

Hanangkü bampü küphüthü, ammi ha yeihshi nyingphei vütei-i shahkung mangpü shennyakthüi pungpü kü am müei nedaihen, hatü am yangei nyupü laphen kübü nedohhen kenhingtuh.

HEBREW 13:9

Baong nedangpü nyuhpüvenpü lemphü homei am nyongei temühü; mehenangkü Kahvang phahji-i wong kohhühenü mongdang shingvaishi meipeih, hatü hapayü hahying nangkü shahkung bangpai nevai; hathü shahkung bangpai meheyao nanglei nedangpih.

2 JOHAN 1:8

Hami mepa shingvaishi dük, ha nemahtükhen, shejao ammi laklei changshi danghen shingvaishi thaeimaei nyutuh.

GALATIA 4:3

Hanangkü ha aihük mü mechem jenphongao maanpü hashih nyupa, hapa kahdoknyü kü vanglem lempü laanghathü phangkü nyupeih.

2 KORINT 10:5

Hami Kahvangei kihikon khüei shah dakteipü hatü changmeipai lem bangtükpü bentüknyeih, hatü hami deihpü lemphü Khristalei ven danhen nangkü yepei tuhlangnyeih.

KOLOSI 2:18

Am üpaiyao shahshemi maanpü leinyeih shei epüthü hatü vangsho phongshan kü khümpüthüi hayaoha manghkhang eenyeih shei am tenyonghü. Meheyao nevaivai-i hapa keipü shennyakthüi hangkulei phai chudeih enyüke,

1 PETER 1:18

Ammei bühipa kübü dangpü yangnyu lem kong kübü am angei leipeih shei ammi nyingei nyüke, hatü hayü mahdaihen hon hi ngin homei nevai,

ROM SHAHSHA APPÜ 16:17

Jeihinaü hatü nyahinaüthü, ammi danpü nyuhpüvenpü khüei neshetnephen dehilao hatü huluh shuohpü vamhüpüthü kü mükhingshi veituh shei ngei am kü enyeih; hathü kübü yanei nyutuh.

EPHESIA 4:20

Shejao ammi Khrista nyingpeyü hapa lem kei nevai.

GALATIA 1:14

Jehoda vaipü vanglem kü hamei nanglak ngelei yienhihien khongkü ngei nyeinya shehongei nyupeih; mehenangkü hamei büyempaya kü ngei nyeinya nyakeikenei nyupeih.

PHILIPPI 3:2

Shithü kü lituh, douten dükpüthü kü lituh, phai vetteipüthü kü lituh.

SHAHKÜP 6:12

aa vaishi nyupü Ijip kahdok leipü am müei leipü Shembüpa nebetükhen kenhingtuh.

MATHI 16:6

Jisui jomphong kü, “Am thaeimatuh, Pharisee hatü Sadduke amei daw kü lituh” shei e.

MATHI 10:17

Amphongi jom kü lituh; mehenangkü jomi am shahphen shingei müei deihen, hatü Sinagoglei jomi am kü bheiphahen;

KOLOSI 2:22

Hathü peü noteiyei mahdaihen douthülei shahkung; hathüyü lapja-i hangkulei shahkung hatü nyuhpüvenpü nyüke.

EPHESIA 2:2

hatü ha kü am nyuei, kahdoknyü mang lem kü müei, phumshang leipü ngan kü vanglem lembü phei müei nyu; hapa laanghai shaang ven nedanpüthü kü dou düknyüke.

PHONGSHANTHÜ DOU 17:18

Shao Epikurean hatü Stoik vaipü vanglem kü nyingpühingpüthüi büpa mü shah doktei. Hanei ami, “Hapa shahvang ahpai mehe ehünyuja” shei e. Lebüthüi, “Büpayü mih Kung amei Kahvang jung baongbü khih” shei e. (Hayü büpai Jisu jung shahjang meipü hatü yangei leipü jung epü nangkü nyuteke.)

PHONGSHANTHÜ DOU 17:32

Mechem jomi dipü kübü yangei leipü jung danpa, hanei ami nyienteke, shejao lebüthüi, “Hami shao-üng hapa jung banghen hih” shei e.

SOLOMONEI KESHO 2:15

Hamphong kü mahuthü yepshih, nyalingngupai kah tentükpü mahu chehathü yepshih; Mehenangkü hamei nyalingngupai bong shaang pungnyüke.

1 KORINT 8:9

Shejao am kü nyupü bümei heani wong nekohpüthü huluh neshuohhühen kenhingtuh.

1 KORINT 10:12

Hanangkü am wong kohshi yaongshi nyüpeih shei deihjema, am nedohen thashimashi nyutuh.

GALATIA 5:15

Shejoongpa am hüki hük mü khetteiyei lühtükjema, am hüki hük homei dipü mahpü neponghen lituh.

KOLOSI 2:23

Hapa keipü shahkungthü keyü kangeishungei vangsho phongshanthü kü khümpü, shahshemi maanpü leipü, büm kü shüveiyei dükhahpü kihikon nyüpeih, shejao hathü kü laophülei büm ungei leipü kü hingshangpü nanglei neshiü.

HEBREW 3:12

Jeihinaü hatü nyahinaüthü, am üpaiyao mang hatü hingnelempü mongdang jüktü vanyangyem Kahvang toueipü lepei nedaihen kenhingtuh.