KOLOSI 2:2 - DAÜLANGPÜ LAIHING (BSI)

² Ngei ha dükpü mükhongü jom mongkü mongnang thongteihen hatü bampü kü mongjemhen nangkü nyüpeih, shejüang hingshangpü danteipai koei peipü lekhingpü mop hatü Kahvangei shahjo lappai, Khrista nyinghen.

KOLOSI 2:2 Referans Kwoze

KOLOSI 1:27

Kahvangi büpalei hapa shahjo müknyinshekhang mop Kung am touei meshük longpa, ha nyinghühen shingvaishi jomphong jepeih; hapayü am kü nyupü Khrista, müknyinshekhangpü monglem.

KOLOSI 4:8

Hamphong mekei nyu ha ammi nyinghen, hatü büpai am kü mongnang thonghen hapa mükhong kü ngei büpa am touei shomnyüpeih.

EPHESIA 6:22

Hamphong mekei nyu ha am kü nyinghühen hatü ammei mongkü mongnang thonghen mükhong kü ngei büpa am touei shomphünyeih.

KOLOSI 3:14

hatü hathü mei peü shak kü hingshangi mongjempü kü chemi shepei shahüpü bampü owtuh.

ROM SHAHSHA APPÜ 16:25

Shaang büpa, üpai ngelei shahjangmei aimü, hatü den luangi joshi angpü shahjo shakei vampü aimü Jisu Khrista jung baongpai am wong kohhühen aok,

PHILIPPI 3:8

Ha mü nyeishi Khrista Jisu ngelei Shembüpa nyingpü peü mü longpü nanglei mü shetteijü lemphüli lomoh khih shei ngei ieyeilemnyeih. Büpalei men kü ngei lemphüli lomohtükpeih, hatü ngei hathü kü nyüphinya shei enyeih, shejüang ngei Khrista danghen,

PHILIPPI 2:1

Hanangkü Khrista kü lemhük nangthongpü nyujema, bampü kübü lemhük nyiushemmei nyujema, Laangha kü mongjempü lemhük nyujema, yahyang shinshangpü lemhük nyujema,

ISAIAH 53:11

Büpa shangpong pheikü büpai yangnyu vangngai danghen, hatü büpa shangpongpeyü angsha nevai shei nyingei mongonghen. Ngelei hingshangpü chongphobü homei longi dah shakhühen, hatü büpai jomei mangthü kolanghen.

2 PETER 1:3

Büpalei müknyinshekhang hatü meipai jen kü nyükpü büpa nyingpü homei yangnyu hatü Kahvang nyinghen shingvaishi napü lemphü büpalei ngan homei jen kü shuohteke.

ROM SHAHSHA APPÜ 15:13

Ammi büpa kü hinglempai monglempü Kahvangi am kü mongong hatü chingmei-i am mahühen, shejüang Laangha Daülangpü ngani am kü monglempü aüh-ei yenhühen.

JOHAN 10:30

Opa hatü ngeiyü hük.

JOHAN 6:69

Nüngü Kahvang kübü Daülangpü Hük shei hinglemei peinyüke hatü nyingnyüke” shei e.

HEBREW 10:22

kenhingpü mongdang hatü hinglempü lekpü kü nemeipü chudeih kübü daüdaipü mongdang mü daülangpü yungi jenei büm paütüktü jeni Kahvang yopailei peishah.

1 TIMOTI 3:16

Nejü-üi jenei vaipü vanglem kü shahjo longpü nyüpeih: “Büpa phai kü shakei vam, Laangha kü dahshakhü, vangsho phongshanthüi ha ee, Kung am kü ha baongteke, kahdoknyü kempülei hinglem, müknyinshekhang kü shangei anlang.”

HEBREW 6:11

Dohpü thahshi ammi monglempü jiühen shingvaishi am peüi aihük nyakpükenpü huhen hami nanyüpeih.

KOLOSI 1:9

Ha vaipü nangkü hami ha danpü nyih kübü hami am shingvaishi laangha kihikon hatü nyingpühingpü peü kü Kahvangi mongpü nyingpühingpai am mahen nangkü yüei phoppü nedohnyih.

GALATIA 3:28

Sheyü hajük kü Jehoda am nevaijü Greek am, aa nevaijü bümei, nyüha nevaijü baha baong hanpü meheyao neshiü; mehenangkü am peü Khrista kü hük khan.

1 KORINT 2:12

Shaang jenphongü kahdoknyü laangha neyah, shejao Kahvangi jen kü shuohpü thinthothü nyinghen Kahvang leipü Laangha yahpeih.

JOHAN 17:3

Jomi nüng, hingshangpü Kahvang hatü nüngi shompü Jisu Khrista nyinghen hayü yangnyuyem hih.

JOHAN 16:15

Opai angpü peü ngelei vaipü nangkü büpai ngelei lompüthü yahhen, hatü ha am kü nyinghühen shei ngei enyüpeih.

JOHAN 10:38

Shejao ngei hathü dükjema, ammi ngei kü hingnelemjao dou kü hinglemtuh, shejüang Pa ngei kü nyüke, hatü ngei Pa kü nyüke shei ammi nyinghen hatü danaokhen” shei e.

JOHAN 5:23

shejüang Pa kü dhüm hupükei Ha kao dhüm huhen. Üpai Ha kü dhüm nehu, büpai büpa shompü Pa kü dhüm nehunyu” shei e.

JOHAN 5:17

Jisui jomphong kü, “Ngelei Opai shinnyih-ao dou düknyüke, hatü ngeiyao düknyüpeih” shei e.

MATHI 11:27

Dou peü Opa-i ngei kü lanei shuohteke; hatü Pa mü lenei Ha üpaiyao nenying; hatü Ha mü lenei hatü Ha homei büpa shakei vampü nyinghen shingvaishi jepüthü mü lenei üpaiyao Pa nenying.”

MATHI 11:25

Hahepak kü Jisui e, “Ngei nüngei men longnyeih, Opa, vangsho hatü kahdoknyü Shembüpa; mehenangkü nüngi hathü douthü kon kohpü hatü nahpülangpüthü kübü jolang hatü aküngnaühathü kü ha shakei vamhüteke.

JEREMIAH 9:24

shejao üami changmeinya, jomi Shembüpa nyingpü nangkü maühehütuh; ngei monghahpü douthüyü bampai, shahhingi hatü daülangpai hapa kahdoknyü kü dou düknyeih shei Shembüpai enyüke.

ISAIAH 40:1

Nyiushem meituh ngelei nanglakthü nyiushem meituh shei ammei Kahvangi enyüke.

ISAIAH 32:17

Daülangpülei betjükü chingmei, hatü hapa homei vampü nangleiyü chingmei hatü den kü monglemteipü nyuhen.

MENVIH KESHO 133:1

Veituh jeihinaüthü chemi mongjemshi nyuhen mekei meipa, hatü mongongpa!

1 JOHAN 5:7

Denpü jem nyüke.

1 JOHAN 3:19

Hapa homei jenü shahhing kübü shei jeni nyinghen hatü büpa touei jen monglemhen.

2 PETER 3:18

Shejao phahji hatü jenei Shembüpa hatü yemleipü Jisu Khrista nyingpü kü longtuh. Büpa kü shaang hatü nedohnetenpü nyih thahshi düngei müknyinshekhang vaituh! Amen.

2 PETER 1:10

Hanangkü jeihinaü nyahinaüthü, nyeinya vaishi am kü nyükpü hatü jepü lekhen kentuh; ammi ha dükjema am huluh neshuohpih.

1 THESALONIKA 5:14

Jeihinaüthü, vaükpüthü kü shahvüng shuohtuh, mong laaidaipüthü mongyanghütuh, wong nekohpüthü kü sheütuh, peü mü nenteiaoktuh shei hami am kü nangthongnyeih.

1 THESALONIKA 3:2

Hanangkü hapa shüveidoidei homei üpayao nejenlenhen shingvaishi Khristalei shahjangmei baongpü kü chemi Kahvang chongphopü Timoti, hamei jeihinaü am vaipü kü wong kohhühen hatü mongnang thonghen shingvaishi shompeih.

1 THESALONIKA 1:5

mehenangkü am touei shahjang meipeyü shah kü mon nevai, shejao ngan kü hatü Laangha Daülangpü kü hinglemhen mü peipeih. Ammei men kü am touei ham mekei nyuei daipa ammi ha nyingei nyüke.

PHONGSHANTHÜ DOU 4:32

Shaang vaipüthü peü chudeih mongdang hük mü nyu, hatü jom üpaiyao hayü ngei lompü mop shei ne-e, shejao jomi angpü lemphü sheppü vaiteke.

1 ONGPATHÜ 3:28

Mechem Israel am kemei-i ongpai shahphen shuohpü danpa, jomi ongpa kü dhüm longi shuoh; mehenangkü büpa kü shahhingi vanglem lemhen Kahvang leipü kihikon nyüke shei nying.

MATHI 13:11

Büpai jangei e, “Amphong kü payü vangsho ongching doujo nyinghen shuohteke, shejao jomphong kü payü mangshuohpih.

LUK SHAHSHA APPÜ 1:1

Bampü Theophilus! Longshi shingi jen touei dhaümpü douthü jung dheanei nyanghen pangteke,

ROM SHAHSHA APPÜ 2:4

Nevaijü büpai am kü phahjipü mop, büpa munenpü hatü nenteiaokpü kü ne-ienelemnyu je? Kahvang phahjiyü am mong leppü touei mühen shingvaishi shei deihei nedangnyu je?

1 KORINT 14:31

Peüi nyinghen hatü peü kü nangthonghen shingvaishi am peü hük pheikü hük etuh.

EPHESIA 1:7

Büpai jen kü shuohpü büpalei phahji mop shangshi büpalei iy homei büpa kü jen angei leipü hatü mang tükpü nyüpeih.

EPHESIA 3:3

hatü ngei sholei shah maani nyangpükei shakei vampü homei mekei hapa shahjo ngei kü nyinghüpa,

EPHESIA 3:16

Büpalei müknyinshekhang mop shangshi, büpalei Laangha homei büpai ammei mongpa shennyak wong kohhühen ngan shuohhen nangkü,

KOLOSI 1:26

Den longi hatü hüdenhalenshi jaoei tuhlangpü shahjo ha shaang büpalei nanglakthü kü shakei vamhüteke.

KOLOSI 2:19

hatü Khrista, üpa büm kempülei shangjing nyüpa, ha kü wongshongi neshoungnyu. Khrista phangkü büm kemei kü wong shuoh-ei vangbaong peü haphüei Kahvangi mongpü lem shenteiyei longhünyüke.

KOLOSI 4:3

Ha mü chemi hami Khristalei shahjo mepa shingvaishi ngei khoklatei küp, hapa shah ehen Kahvangi shaden aptuh shei hamphong shing phopshih,