KOLOSI 2:16 - DAÜLANGPÜ LAIHING (BSI)

¹⁶ Hanangkü üpaiyao amphong hahying nangkü nevaijü mohitap, lenja nevaijü Sabbath nangkü am tenyonghü.

KOLOSI 2:16 Referans Kwoze

ROM SHAHSHA APPÜ 14:10

Mehekei nüngi laophülei nyahinaü hatü jeihinaü kü shahphen shuohnya? Nevaijü mehekei nüngi laophülei jeihinaü nevaijü nyahinaü kü ne-ienelemnya? Mehenangkü jen peü Kahvangei shahphenpü uoshing touei yaonghen.

GALATIA 4:10

Ammi hayaoha nyih, len, dühü, hatü vangbong kü mongshuoh-ei münyüke.

HEBREW 13:9

Baong nedangpü nyuhpüvenpü lemphü homei am nyongei temühü; mehenangkü Kahvang phahji-i wong kohhühenü mongdang shingvaishi meipeih, hatü hapayü hahying nangkü shahkung bangpai nevai; hathü shahkung bangpai meheyao nanglei nedangpih.

EZEKIEL 45:17

Shejao Israel jat kü jakpü moila, hahying moila, yiü moila, mohitap kü, Lenja Mo kü, Sabbath kü hatü lebü mothü kü ongpai hathü dükhen: Israel phangthülei mang tükhen shingvaishi ongpai mang moila, hahying moila, jakpü moila hatü mongjempü moila shuohhen.

NEHEMIAH 10:33

daülangpü aan, hahying moila, jakpü moila shuohhen yemhimak, Sabbath moila, Lenja mothü, hatü lebü mothü, daülangpü moila, Israel amei mang tükhen moila hatü phopshemei nahen lebü peü shuohhen shei tempeih.

1 SHÜPPÜKENGPÜ 23:31

hatü mechem jakpü moila Shembüpa kü Sabbath nyih, Len ja Mo kü hatü lebü mothü kü shuohhenshang hapakei dükhen nyuteke. Jomü düngei Shembüpa touei bhei-ie jiüshi hatü jom kü epü vanglem aimü chongphohen nyuteke.

MATHI 15:11

Shennyak hükei jushalei mehe shünya, hapai shennyak hük nedaüi neleinyih, shejao mepa ju kübü vamnya, hapai büpa nedaüi leihünyeih” shei e.

HEBREW 9:10

Hathüyü Kahvangei lem ja mangpei thahshi hahhen yinghen hatü hayaoha daüeilangpü büm shingvaishi shuohpü shahkungthü nyüke.

JAKOB 4:11

Jeihinaü nyahinaüthü, am hüki hük khüei ten te-etei. Üami lebü khüei ten ehen, nevaijü shahphenhen, shahkung khüei ten enyüke hatü hapa shahphennyüke. Shejao ammi shahkungi shahphenjema, amphongü shahkung bangpüthü nevai, shejao shahphenbüthü leinyüke.

MARK 7:19

Mehenangkü ha mongdangei nevai, vomei shünyeih, hatü büm kübü lüdainyeih” shei e. (Halei epai hahying peü “daülangpü” shei Jisui nyinghü.)

PHONGSHANTHÜ DOU 15:20

shejao jeni jom kü nyangshuohhenü lajei kü jeetükpü hahying nehahhen, mükbongjuyung mang kübü, hatü yüpei jüpü hatü iy hahpü kübü yanei nyuhen ehen khih.

EZEKIEL 4:14

Hahepak kü ngei, “Oh Shembüpa Kahvang! Hashih mebü shaang thahshi angkü dipü nevaijü phaüyemi jüpü phai hahtü ngei nedaünelangi neleiangpih; hapa keipü nedaüpü het manghahpih” shei eteke.

ISAIAH 1:13

Yahlak neshiüpü moila koei peiteipü dohdaituh; ammei vong meipü meliyü ngei keyü jiühitbenüng khih. Ammei Lenja Mo, Sabbath, hatü ammei thaihiyu kü ngei tengangke.

MENVIH KESHO 81:3

Lenja kü amit vüngtuh, sheepa kü ammei mo nyih vüngtuh.

MENVIH KESHO 42:4

Ngei khong mü daipü, hatü Kahvangei shemei khong mütü mongong kesho, hatü menvih kesho lokei daihampü deihshuohjü ngelei mong mangdainyüke.

NEHEMIAH 10:31

Kung shennyakthü Sabbath nyih nevaijü lebü daülangpü nyih kü douhinang nevaijü hahying ham kü yuhen peiküjema hami ha neshakhen. Bong nyetpabü ieyei kü hami kah nelinghen hatü bheishe hang shemhen nyupü neshemhahhen.

NEHEMIAH 8:9

Hapheikü Nehemiah governor, ngongpa hatü nyangbü Ezra, Levi am shahkung nyuhpüthüi nanglakthü kü, “Shinnyih-ü Shembüpa, ammei Kahvang touei daülangpü nyih; am tethep” shei e. Mehenangkü nanglakthüi shahkungi mehe enya, ha danei longi thepei nyu.

2 ONGPATHÜ 4:23

Büpai, “Shinnyih-ü mehekei büpa touei heihhenang? Shinnyih-ü Lenja Mo nyih-ao nevai, nevaijü Sabbath nyih-ao nevai” shei e. Pinnyüi, “Meihen” shei e.

1 SAMUEL 20:18

Jonathani David kü, “Ngenyih-ü Lenja Mo khih; nüng neomhen, hanangkü nüngei uoshingü kongei chongkahen.

1 SAMUEL 20:5

Hanangkü Davidi Jonathan kü, “Veituh, ngenyih-ü Lenja Mo khih, hatü ngei ongpa mü hahyinghen nadang; shejao ngei daiyei hingnyih om dhüshi kahlei joshi chongkahen.

LEVI 16:31

Hapayü am chemjalak kü nyiumeihen Sabbath nyih nyüke; ha nyih nehahneyinghen, dou nedükhen. Hapa shahkungü hüdenhalenshi noteihen nyüke.

AMOS 8:5

“Hami hah yuhen shingvaishi mechem Lenja Mo peihdaiphahenang? hatü hami wheat hah yuhen mechem Sabbath dohdaiphahenang? Dokyaong gühhen, bhei aonghen, hatü dok gühpai bhei shakpü am kü lueilemhen.

BHEI-IE 10:10

hatü shao am mongongmonglepü hepak, ammei Lenja Mo hepak kü ammi shuohpü jakpü moila hatü mongjempü moila kü ammi hapa amit vünghen, hatü hayü am shingvaishi ammei Kahvang touei nebenelakbenüng hük nyukahen. Ngeiyü Shembüpa, ammei Kahvang.

2 SHÜPPÜKENGPÜ 31:3

Ongpai büpalei mop kübü dhom, om hatü Sabbath nyih, Lenja Mo hatü Shembüpalei Shahkung kü nyangei nyupü lebü mothü kü shuohhen jakpü moila shuoh.

KOLOSI 2:20

Amphong Khrista mü diyei kahdoknyü kü vanglem lempü laangthü kübü bümei leiphei vaijema, shaang thahshi kahdoknyülei shennyak kei mehekei nyunya? Mehekei amphongi,