KOLOSI 2:1 - DAÜLANGPÜ LAIHING (BSI)

¹ Hanangkü ngei am, hatü Laodikea am shingvaishi hatü ngei dhe dhe gongei mang-eepü peü shingvaishi meshük hokeiheiyei düknya ha nyemnyinglangpha shei deihnyüke.

KOLOSI 2:1 Referans Kwoze

KOLOSI 1:29

Hapa shingvaishi büpai ngei kü shuohpü wong kemei ngei hokeiheiyei dou düknyüpeih.

PHILIPPI 1:30

Ngei ponghahpü shangpong ammi eeyei nyupü aihük shangpongi am shaang ponghahnyüke, hatü shaangao ngei ponghahpü ammi dannyüke.

SHAKEI VAMPÜ 1:11

“Nüngi mehe eenya, ha lai hük kü nyangtü attoi nyet, Ephesia, Smyrna, Pergamum, Thiatira, Sardis, Philadelphia hatü Laodikea touei shomtuh” shei eyei dan.

KOLOSI 1:24

Shaang ngei ammei men kü shangpongpü kü mongongnyeih, hatü Khristai büpalei büm lappai, attoi shingvaishi shangpongpü kü mepa taoei nyu, ha ngelei phai kü changhünyeih.

PHONGSHANTHÜ DOU 20:38

jomi sheyü büpalei dhe ne-eepih shei eshuohpü nangkü longi mongkü tüng. Hapheikü jomi büpa jahas yaongshingei müei yiü.

1 PETER 1:8

Ammi büpa ne-eejao büpa kü bamnyüke, hatü ammi shaang büpa ne-eejao, ammi büpa kü hinglemnyüke hatü eyei neaokpü hatü müknyinshekhang mongongi am mongongnyüke;

KOLOSI 2:5

Ngelei büm am mü nenyujao ngei laangha kü am mü nyüpeih, hatü am kenhingpü hatü Khrista kü hinglempü kü wong kohpü eehen ngei mongongnyeih.

GALATIA 4:19

Ngei bampü hashihthü, am kü Khrista mangnyu thahshi hapeü angshingkü tüngpükei ngei nyunyeih.

PHONGSHANTHÜ DOU 20:25

Ngei mü amphong Kahvang ongching jung chongvenei daipüthü üpaiyao sheyü ngelei dhe ne-eeshasha shei ngei nyingdaiteke.

LUK SHAHSHA APPÜ 22:44

Büpa mongshangpai nyeinya lanei shuoh-ei phop, hatü büpalei lem-ow kahdokei iy shühpükei leiteke.

HEBREW 5:7

Kahdoknyülei Jisu yangnyu nyushi dipü kübü büpa yangaokhen Kahvang kü wong mü lenei mükphi yenei phopei yüteke, hatü büpai dhüm shuoh-ei yüpü homei büpa kü jangteke.

1 THESALONIKA 2:2

shejao ham shangpongjao hatü Philippilei veüshi nemei-i dükphüjao jenei Kahvang kü khüpü longi nyujao Kahvangei shahjangmei am kü baonghen monglongshi nyupü ammi nyingei nyüke.

KAHBHAO 30:8

Hahepak kü Racheli, “Ngei onya mü mangpü vehok hokpeih, hatü ha ngei neüpeih” shei e. Hanangkü pinnyüi naü kü Naphtali shei men.