KOLOSI 1:6 - DAÜLANGPÜ LAIHING (BSI)

⁶ am touei peipü homei danei nyüke. Kahdoknyü kempülei hapai betjük jükei longpü keiha ammi ha danpü nyih kübü amphong touei hapa shahjangmei-i betjük jükteke, hatü hingshangi Kahvang phahji nyingteke.

KOLOSI 1:6 Referans Kwoze

JOHAN 15:16

Ammi ngei neje, shejao ngei amphong jepeih. Am daiyei betjük jükhen, hatü den kü nyuhen betjük jükhen shingvaishi ngei amphong jepeih; shejüang ngelei men kü ammi mehe mehe Opa kü yühenshang büpai ha am kü shuohhen.

PHILIPPI 1:11

hatü Kahvang müknyinshekhang hatü menvih shingvaishi Jisu Khrista homei peipü daülangshemshepü betjük maei nyuhen shingvaishi nyüke.

1 PETER 5:12

Hingshangpü jeihinaü shei ngei ieyeilempü Silvanus homei am kü nangthonghen, hatü hapayü hingshangpü Kahvang phahji shei denpü shuoh-ei ngei am kü ha lai shohlohpai nyangnyeih. Hapa kü wong kohshi yaongtuh.

KOLOSI 1:23

Hanangkü ammi vangsho phang kübü hangkuli peü kü baongpü shahjangmei homei lahpü monglem mepa ammi dan, ha kübü nemoiloi-i hapa kü nedoh-i chongwongei vaipü kü wongshongi nyutuh. Paul, ngeiyü hapa shahjangmeilei chongphobü leipeih.

ROM SHAHSHA APPÜ 16:26

shejao shaang shakei vam, hatü ven danei hinglempü kü mühen shingvaishi vanyangyem Kahvangei shahkung aimü thihivamthüi nyangpü homei Kung am peü kü nyinghütepa,

ROM SHAHSHA APPÜ 1:13

Ngei lebü Kung am mü dükpü keiha ngei am khong kübüao hanei lepei leihen nangkü ngei am touei peihen deihteke, (shejao shaang thahshi ha bangtükteke); ha nyingtuh, jeihinaüthü hatü nyahinaüthü.

JOHAN 4:23

Shejao mechem hingshangi khümpüthüi Opa kü laangha hatü shahhingi khümhen, ha hepak ngoikünyüke hatü hayü shaang khih; mehenangkü Opai hapakei büpa kü khümpüthü yemnyüpeih.

MARK 16:15

Büpai jomphong kü, “Kahdoknyü peü lemei daituh hatü hangkuli peü kü shahjangmei chongventuh.

MARK 4:8

Lebü li kahmeichong kü vü, hatü ha koh-ei long hatü hapüan, pejem hatü kho lomshi betjük jük.

MATHI 24:14

Hatü hapa ongching shahjangmei kahdoknyü peü lemei denpü hük vaishi jatthü peü kü chongvenhen; hapheikü dohpü ngoikahen.

MENVIH KESHO 98:3

Büpai Israel phangkü bampü, hatü shahhing epü deih-ei dangteke. Jenei Kahvangi aokpü dangpü kahdoknyü peüi eeteke.

2 THESALONIKA 2:13

Shejao Shembüpai bampü jeihinaü nyahinaüthü, hami düngei am shingvaishi Kahvang kü menvih shuohhen vongbong nyüke; mehenangkü Kahvangi amphongü daühüpü Laangha dou homei hatü shahhing kü hinglempü homei yemleihen shingvaishi shongpü betjük vaihen jelangpeih.

1 THESALONIKA 2:13

Mechem hami venpü danei ammi Kahvangei shah yahpa, ammi hayü shennyakei shah kei nevai, shejao mepa am vaipüthü kü dou düknya, hingshangpü Kahvangei shah shei ammi ha yahpeih.

1 THESALONIKA 1:5

mehenangkü am touei shahjang meipeyü shah kü mon nevai, shejao ngan kü hatü Laangha Daülangpü kü hinglemhen mü peipeih. Ammei men kü am touei ham mekei nyuei daipa ammi ha nyingei nyüke.

KOLOSI 1:10

Shejüang Shembüpa touei changpü yangnyu nyuei lem peü kü büpa mong hahhühen, doumei peü kü betjük jükei Kahvang nyingpü kü longhen nangkü hami phopnyeih.

PHILIPPI 4:17

Ngei thintho napü kü nevai, shejao am kü nyeinya mop yemhen.

EPHESIA 5:9

mehenangkü vangngai betjükü meipü, jiüpü hatü shahhing peü kü dangnyeih.

EPHESIA 4:23

hatü laangha kü ammei mong ja leihen,

EPHESIA 4:21

Hingmei ammi büpa jung danteke, hatü Jisu kü nyupü shahhing keiha büpa phei müpü amphong kü nyuhteke.

2 KORINT 10:14

Mechem ham am touei peipa, hami lakham nyeiyei nejaiangpih; Khristalei shahjangmei koei am thahshi peipeyü hamphong shongpü nyuhampeih.

2 KORINT 6:1

Jen chemi büpa mü dou dükshingkü Kahvang phahji angkong kü neyahhen hami am kü enyeih.

ROM SHAHSHA APPÜ 15:19

Nyangeihepü hatü yashanpü nganthü homei; Kahvang Laangha nganthü homei Jerusalem kübü daiyei Illirikum shinpü thahshi kü ngei Khrista shahjangmei changshi baongtepih.

PHONGSHANTHÜ DOU 26:18

jomei mük aphühen hatü vangnyak kübü vangngai lemei lephühen, hatü kahshihlei ngan kübü Kahvang touei lephühen, shejüang jomi mang tükpü danghen hatü ngei kü hinglempü homei daütükpü khongkü shing danghühen shingvaishi ngei nüng shomnyeih” shei ephopeih.

PHONGSHANTHÜ DOU 16:14

Nyüha hük Lydia shei mentü nyu; pinnyü-ü Kahvang kü khümpü shennyak hük hamphongi epü kü bangei nyuküpeih. Pinnyü-ü Thiatira am hatü manghmepü ashak yuteipü shennyak nyuteke. Pauli epü kü mong shuoh-ei banghen Shembüpai pinnyülei mongsha apteke.

PHONGSHANTHÜ DOU 12:24

Shejao Kahvangei shah da khan da hatü vaipüthü longi vam.

PHONGSHANTHÜ DOU 11:18

Mechem jomi ha danpa, jomphong nendai, hatü jomi Kahvang men longei, “Shejema Kahvangi Kung am kao yangnyuyem touei mülanghen mong lephen shuohhen khih” shei e.

MATHI 28:19

Hanangkü daituh, jatli peü nanglak leihütuh; Pa, Ha hatü Laangha Daülangpü men kü jomphong yung kü hüngtuh,

MENVIH KESHO 110:3

Daülangpü kahshangei nüngi nüngei veshanthü thepjulei deishingkü jom nyingi lanei shuohhen. Nepnüng dhom kübü nyien keiha nüngei nethe wong nyokei leikahen.

EPHESIA 3:2

hingmei am shingvaishi Kahvang phahji-i ngei kü kangpü shuohpü ammi danei nyüke,

ROM SHAHSHA APPÜ 15:28

Hanangkü mechem ngei ha temhen, hatü mehe thai ha jom kü shuohhen, ngei am peih-ei Spainlei layaongei daihen,

JOHAN 17:19

Jomao shahhing kü daühühen shingvaishi jomei men kü ngei nyingi daütüknyeih.