KOLOSI 1:23 - DAÜLANGPÜ LAIHING (BSI)

²³ Hanangkü ammi vangsho phang kübü hangkuli peü kü baongpü shahjangmei homei lahpü monglem mepa ammi dan, ha kübü nemoiloi-i hapa kü nedoh-i chongwongei vaipü kü wongshongi nyutuh. Paul, ngeiyü hapa shahjangmeilei chongphobü leipeih.

KOLOSI 1:23 Referans Kwoze

HEBREW 3:14

Jen kü shongei nyupü monglem kü dohpü ngoishi wongshongi shongjema jen Khristalei phaihan leinyüke.

HEBREW 3:6

Shejao Khristayü hapeü hük keiha Kahvangei shem am kü mong phenei shuohpeih, hatü jeni ha mong kü pongpü kü hatü jeni monglempü kü mong hah-ei wongshongi shümjema jenü büpalei shem.

HEBREW 10:38

Shejao ngelei daülangpü nanglak hinglempai nyuhen. Shejao üam ngümpheilei shinei leidai, büpa kü ngei mongneonghen.”

GALATIA 6:9

Hanangkü mei dükpü kü jen netengshah; mehenangkü jeni dhaümshi dükjema ha vetshingkü jeni vethen.

PHONGSHANTHÜ DOU 14:22

Halei jiji-i vaipüthülei laangha wong kohhü, hatü “Shüveidoidei longi homei jen Kahvang ongchingei shüaokhen” shei vaipü kü nedoh-i nyuhen nangthongei e.

EPHESIA 3:17

hatü bampü kü am tünglang yiüei chongwongei hinglempü homei Khrista ammei mongdangei nyuhen ngei phopnyeih.

ROM SHAHSHA APPÜ 10:18

Shejao ngei phenyeih: Jomi nedanangpü je? Hih, jomi danphei. “Jomei ngeü kahdoknyü peüei daiteke, hatü jomei shahthü kahdoknyü dohpü ngoiteke.”

HEBREW 6:19

Jen kü hapa monglem nyüpeih, hatü hapayü jenei laangha shing ailüng kei nyüke. Hapayü wong kohshi, lekhingshi hatü jen yangei tuhnyeih, hatü hapa monglemi haenpü ashak homei longi daülangpü shingei shünyüpeih.

1 THESALONIKA 3:5

Ha vaipü nangkü ngei ha nenaokpü nangkü am vaipü jung nyinghen büpa am touei shompeih; dokpü ami am kü dokpai hami dükpü dou angsha vaidaihen khih shei yingei deihküpeih.

EPHESIA 1:18

Shejüang ammei mongdang mük apei mepa monglem shingvaishi büpai am nyük, daülangpüthü khongkü büpalei müknyinshekhang mükjüp mop mepa nyu,

2 KORINT 3:6

Büpai ham vangpüshuwpü ja hükei chongphobüthü leihüei hapa dou dükaokhen mü leihüpeih; hayü nyangpü shahkungi nevai, shejao Laanghai; mehenangkü shahkungi jütüknyeih, shejao Laanghai yangnyu shuohnyeih.

PHONGSHANTHÜ DOU 2:5

Shaang vangsho phangkü jat peü kübü Kahvang nyempü Jehoda am Jerusalemei nyu.

SHAKEI VAMPÜ 2:10

Am mepa shangponghen nyu, ha kü tenyem. Am kü dokhen shingvaishi kahshih-i am hanei yah-ei khoklatei shükhen mü nyüke lituh, hatü nyih an shing am shangponghen. Dipü thahshi hinglemtuh, hatü ngei am kü yangnyu athen shuohhen.

KOLOSI 1:25

Kahvangei shah changei nyinghühen nangkü am shingvaishi ngei kü shuohpü Kahvangei kangpü dou aimü ngei hapalei chongphobü leipeih.

JOHAN 15:6

Üam ngei kü nenyu, hathüyü kao hük kei yaktüknyeih hatü vandainyeih; hapa keipü kaothüyü thaiyei aw kü shükei jaktüknyeih.

LUK SHAHSHA APPÜ 22:32

shejao nüng vaipü kübü nevüdaihen shingvaishi ngei phoptepih, hatü mechem nüng ngei touei lepei leihenshang nüngi jeihinaüthü wong kohhütuh.”

1 PETER 1:3

Kahvang hatü jenei Shembüpa Jisu Khristalei Pa moihimantuh! Jisu Khrista dipü kübü yangei leipü homei büpa phahji longpai büpai jen kü yangnyuyem monglempü kü jen kü ja bühpü hük shouhteke,

HEBREW 4:14

Hanangkü vangshothülei aongdaipü longpü ngongchong jenei Jisu, Kahvang Ha nyüpeih; jeni lahtükpü hinglempü kü wongshongi shongshah.

KOLOSI 2:7

büpa kü tünglang yiüei hatü lingei leipü kü chonglingei am kü nyuhpü keiha menvih shuohpü kü changshishashi nyutuh.

GALATIA 5:7

Amphongü mokpü meipü hük mokei nyuteke. Shahhing ven danhen kübü üpai am kü lem bangphopa?

2 KORINT 6:1

Jen chemi büpa mü dou dükshingkü Kahvang phahji angkong kü neyahhen hami am kü enyeih.

MARK 16:15

Büpai jomphong kü, “Kahdoknyü peü lemei daituh hatü hangkuli peü kü shahjangmei chongventuh.

ZEPHANIAH 1:6

Shembüpa phei nemü-i lüdaipüthü, hatü büpa baong neyempüthü, nevaijü büpa kü nephepüthü mahtükhen.

SHAHKÜP 4:19

Hatü mechem ami phumshangei ngangei veihen, vanghe, lennyü hatü lithathü kü aümei khümhen mü amphong lemnyong kü temühü. Shembüpa, ammei Kahvangi lebü jatlithüi hathü kü khümhen shingvaishi shuohteke.

SHAHKÜP 2:25

Shinnyih mü leitü vangsho phangkü nyupü jat peüi am kü nyemhühen. Jomi ammei jung danei nyemei kheühen hatü sholi kü tünghen.

1 JOHAN 2:27

Am nang keyü ammi büpa leipü thiteiphupü dangpü ha am kü nyüke, hanangkü am kü nyuhhen üpayao nadang neshiü. Shejao büpai thiteiphupai dou peü am kü nyuhnyüke, hatü hayü shahhing, shahshem nevai, hatü am kü nyuhpükei shahhing nyüke; ammi büpa kü nyutuh.

1 PETER 1:5

hayü dohpü hepak kü hinglempü homei Kahvangei ngani yangpüthü touei shakei vamhen temtükpü yemleipü nyüke.

TITUS 3:7

hanangkü phahjipai jen dahshakhüei nedohnetenpü yangnyu monglempü kü mükjüp yahpü am leihüpeih. Hapa shah-ü hingshangpü.

1 TIMOTI 2:7

Ha shingvaishi ngeiyü shahjang kobü hatü phongshan hük (ngei shahshem nevai shahhing enyeih), hinglempü hatü shahhing kü Kung amei nyuhbü vaihen jeteke.

1 TIMOTI 1:12

Ngei wong kohhüpü Khrista Jisu, jenei Shembüpa kü ngei mongongnyeih; mehenangkü büpai ngei hingshangi nyüke shei nyingei ngei büpalei dousho kü jeteke.

2 THESALONIKA 2:16

Shaang jenei Shembüpa Jisu Khrista hatü jenei Pa Kahvang, üpai jen kü bam, hatü büpalei phahji homei jen kü nedohnetenpü nyiumei, hatü monglemhen meipü shuohpa,

1 THESALONIKA 5:8

Shejao jenphong vangngailei vaipü nangkü jen ungei-aeiyei, hinglempü ow owtü, bampü jaküpnyiam küptü hatü yemleipü monglem nyiam athen thenshah.

1 THESALONIKA 3:3

Jeni ponghenü demtükpeih shei amphongiyao nyingei nyüke.

EPHESIA 4:16

Büpa kü büm kemei shapü hüki shepei shatü nyüke, hatü heanlem peüi laophülei dou dükpai bampü kü büm kemei longei lingnyüpeih.

EPHESIA 2:21

Büpa kü düklingyangyeü kemei shenshi nyüke hatü Shembüpa kü daülangpü phopshem hük leinyüke;

GALATIA 5:5

Mehenangkü Laangha homei hinglempai jeni daülangshemshepü monglem omdanei nyunyeih.

GALATIA 4:11

Am shingvaishi ngei dükpü dou lomoh vaidaihen khih shei yingei deihnyüke.

2 KORINT 11:23

Jom mon Khrista chongphobüthü je? Ngei ngapa hük keiha enyeih– ngeiang meipüba hih. Ngei longi kheyei dou düktih, hepak longi kü khoklatei küptih, dihen mü longi üphahtih.

1 KORINT 15:58

Hanangkü ngei bampü jeihinaüthü, wongshongi yaongtuh, nejenleni nyutuh, düngei Shembüpalei dou kü chah-ei meihütuh; mehenangkü Shembüpa kü am nyiueinangtükpü angsha nevaidaipih.

1 KORINT 3:5

Shejema Apollos meheang? Paul meheang? Henjiphen Shembüpai dou dükhen shuohpü am hinglempü lemei müpü chongphobü nyi mon.

ROM SHAHSHA APPÜ 15:16

Kung am touei Kahvangei shahjang meipü kü ngongdou dükei Khrista Jisulei chongphobü vaihen phahji shuohpeih, shejüang Kung amei moilayü Laangha Daülangpai daütükpü, hatü yahaokbenüng leihen.

ROM SHAHSHA APPÜ 5:5

hatü monglempai jen mongnemanghünyih; mehenangkü jen kü shuohpü Laangha Daülangpü homei Kahvang bampü jenei mongdang kü shihteke.

ROM SHAHSHA APPÜ 2:7

Üami nenteipai mei düknya müknyinshekhang, dhüm hatü nemahnemenpü yangnyu yemnyüke; hathü kü büpai nedohnetenpü yangnyu shuohhen;

PHONGSHANTHÜ DOU 26:16

Shaang paoei nüngei la-i yaongtuh. Nüngi ngei leipü mehe ee, hatü ngei mehe nüng kü huphahen nyu, hapa chongphohen hatü denbü vaihen shingvaishi ngei nüng touei vamei jepeih.

PHONGSHANTHÜ DOU 20:24

Shejao ngei ngelei dou mon temaokjema hatü Shembüpa Jisu leipü dangpü Kahvang phahji shahjangmei denpü shuohpü dousho aokphei keyü ngei ngelei yangnyu kü mehe kao nanglei kei ieyeilemei neshiüpih” shei eteke.

PHONGSHANTHÜ DOU 11:23

Mechem büpa peipa, Kahvang phahji eeyei büpa mongong, hatü büpai peü kü lanei shuoh-ei Shembüpa kü hinglemei nyuhen nangthongei e;

PHONGSHANTHÜ DOU 4:12

Üpa kao yemleipü neshiü; mehenangkü jen yanghen shingvaishi vangsho phangkü hangku üpa kao lebü men shuoh-ei neshiü.”

PHONGSHANTHÜ DOU 1:25

Judas-i büpalei shingei lüdainüng yakphongpü hapa phongshan dousho üpai jeiyei kohen ham kü hushih” shei phopei e.

PHONGSHANTHÜ DOU 1:17

mehenangkü büpayü jenphong mü bhei-ie kü omei nyupeih hatü hapa chongphopü dousho kü hean hanteke” shei e.

LUK SHAHSHA APPÜ 6:48

Büpayü yaong shangkü sha vaüpei chongnyiam lingei shem vepü shennyak hük leshi nyüke. Mechem yung long, shem kü hung, shejao hapa shem nejenhen; mehenangkü hapayü meishi wongei veteke.

EZEKIEL 18:26

Daülangpü shennyak hük mang lemei lepei leiyei mang thahjema, büpa hapa tata kü dihen; büpai thahpü mang lat büpa dihen.

YOUNG LAI 3:66

Mongshih-ei jom kü changtuh, hatü kahdok shak kübü jom thittüktuh.

MENVIH KESHO 125:5

Shejao üami kaokhinyom lemei lepnya, Shembüpai ten dükpü am mü changtükhen. Israel kü chingmeivangmei nyutuh.

2 KORINT 4:1

Hanangkü hami Kahvang phahji homei hapa dousho dükpü nangkü hami mong nelainyih.

PHONGSHANTHÜ DOU 1:8

Shejao mechem Laangha Daülangpü am kü peikahen, ammi ngan yahhen, hatü amphongü Jerusalem, Judea hatü Samaria peü kü hatü kahdoknyü dohpü ngoishi ngelei denbüthü vaihen.”

2 KORINT 10:1

Khrista nenteiaokpü hatü inpünyaipü homei ngei, Pauli am kü khümei enyeih– ngei am mü dhe dhe gongei thaijü veüpükei nyunyeih, shejao mechem yanei daihen am touei monglongshi nyunyeih.

1 TIMOTI 3:16

Nejü-üi jenei vaipü vanglem kü shahjo longpü nyüpeih: “Büpa phai kü shakei vam, Laangha kü dahshakhü, vangsho phongshanthüi ha ee, Kung am kü ha baongteke, kahdoknyü kempülei hinglem, müknyinshekhang kü shangei anlang.”