KOLOSI 1:18 - DAÜLANGPÜ LAIHING (BSI)

¹⁸ Büpayü büm, hakeiha attoi kü shangjing, büpayü chongpangpü, dipü kübü yangei leipü shongpüba. Hanangkü lemphüli kü büpa kü monha shongpü uoshing nyüpeih.

KOLOSI 1:18 Referans Kwoze

SHAKEI VAMPÜ 1:5

hatü Jisu Khrista, shahhing denbü, dipü kübü shongei bühpü, hatü kahdoknyü ongthü shak kü vanglem lembü leipü am touei phahji hatü büpa leipü chingmei nyute. Üpai jen kü bamnya hatü büpalei iy homei jenei mang kübü bümei leihü,

PHONGSHANTHÜ DOU 26:23

Messiah shangponghen hatü dipü kübü yangei leihen shongpü vaipü nangkü büpai Jehoda am hatü Kung am kü vangngai jung baonghen.

MATHI 28:18

Hahepak kü Jisui jomphong touei heih-ei e, “Vangsho hatü kahdoknyü kü ngan peü ngei kü shuohteke.

MENVIH KESHO 89:27

Ngei büpayü ngelei hashongpa, hatü kahdoknyü ongthü khongkü shaopüba leihühen.

1 KORINT 11:3

Shejao ngei am kü nyinghüpü hükü Khristayü shennyak peü shak kü shangjing, hatü bahayü laophülei nyüha shak kü shangjing, hatü Kahvangü Khrista shak kü shangjing.

SHAKEI VAMPÜ 22:13

Ngeiyü Alpha hatü Omega, shongpü hatü shompü, chongpangpü hatü dohpü.”

EPHESIA 5:23

Khristayü attoi kü shangjing, hapa keiha shembünyü shak kü baha shangjing, hatü Khristayü büpalei büm attoi Yangbü nyüke.

SHAKEI VAMPÜ 21:6

Hapheikü büpai ngei kü eteke, “Ha dükteke. Ngeiyü Alpha hatü Omega, Chongpangpü hatü Dohpü. Yung lepüthü kü ngei lop neyah-i yangnyu yunglok kübü yung yinghen shuohhen.

1 KORINT 15:25

Büpai laophülei vepathü büpalei la phangei mangtuh thahshi büpai vanglem lemhen.

SHAKEI VAMPÜ 11:15

Hapheikü nyetpabü vangsho phongshani büpalei amit vüng, hatü vangsholei ngeü longpü vamei e: “Kahdoknyü ongchingü jenei Shembüpa, hatü büpalei Messiahlei ongching leidaiteke, hatü büpai den den kü ong vaihen.”

SHAKEI VAMPÜ 1:18

hatü yemmü nyupü hük. Ngei diyei nyuteke, hatü veituh, ngei den dok kü den yemmü nyüpeih, hatü ngelei lakei Dipü hatü Yimching sabi nyüpeih.

SHAKEI VAMPÜ 1:8

Üpa nyüpa, üpa nyutepa, hatü Jeiyongpa üpa peikahen nyu, büpai, “Ngeiyü Alpha hatü Omega” shei Shembüpa Kahvangi enyüke.

KOLOSI 1:24

Shaang ngei ammei men kü shangpongpü kü mongongnyeih, hatü Khristai büpalei büm lappai, attoi shingvaishi shangpongpü kü mepa taoei nyu, ha ngelei phai kü changhünyeih.

EPHESIA 1:10

Hapa küpjanü mechem ha vamhen hepak ngoihenshang, Khrista shangjing vaitepü büpa kübü douthü, vangsho hatü kahdoknyü kübü douthü kemei thailanghen.

JOHAN 1:27

ngei pheikü üpa peikünya, ngei büpalei lathuhvü dangkao laihen neshangangpih” shei e.

JOHAN 1:16

Büpalei phahji mapü kübü jen peü moihiman hük pheikü hük dangteke.

JOHAN 1:1

Chongpangpülei Shah nyu, hatü Shah Kahvang mü nyu, hatü Shah-ü Kahvang nyuteke.

SHAKEI VAMPÜ 3:14

Laodikea kübü attoi leipü phongshan kü nyangtuh: Hathüyü Amen, hingshangpü hatü shahhing denbü, Kahvangi lingpü kü vanglem lembülei shahthü:

1 JOHAN 1:1

Yangnyu shah nang mehe chongpangpülei nyu, mehe hami dan, mehe hamei müki ee, mehe kü hami vei, hatü mehe kü hamei laki dük, ha jung hami am kü baongnyeih.

ROM SHAHSHA APPÜ 8:29

Mehenangkü üam büpai yeihshi mebü nyingei nyu, hathü shao büpai laophülei Halei deiaei anshi leihen jelangpeih; shejüang büpa shemong longpü kü hashongpa leihen.

MATHI 23:8

Shejao amphong kü, “Nyuhbü” shei nenyükhen; mehenangkü amphongei nyuhbü hük nyüpeih, hatü amphong peü nyinghahpü am.

ISAIAH 52:13

Veituh, ngelei chongphobüi kon kohshi dükkahen; Büpayü longei shangei anshihhen, hatü dhüm longi shuohhen.

SOLOMONEI KESHO 5:10

Ngei bampüba nethe meishi, hatü wong kohshi, haja an khong kao hayaoha nyüpeih.

1 KORINT 12:27

Shaang amphongü Khristalei büm, hatü pabüm ieyei hapalei phaihan.

KOLOSI 2:19

hatü Khrista, üpa büm kempülei shangjing nyüpa, ha kü wongshongi neshoungnyu. Khrista phangkü büm kemei kü wong shuoh-ei vangbaong peü haphüei Kahvangi mongpü lem shenteiyei longhünyüke.