KOLOSI 1:16 - DAÜLANGPÜ LAIHING (BSI)

¹⁶ Mehenangkü büpa kü vangsho hatü kahdoknyü kübü müki eepü, hatü müki ne-eepü dou peü ling: Ong uoshing vaijao, vanglem lempü vaijao nevaijü vanglem lempüthü nevaijü yemya yapüthü vaijao dou peü büpa homei ling, hatü büpa shing ling.

KOLOSI 1:16 Referans Kwoze

ROM SHAHSHA APPÜ 11:36

Mehenangkü douthü peü büpa leipü hatü büpa homei hatü büpa kü nyüpeih. Büpa kü düngei müknyinshekhang vaituh. Amen.

JOHAN 1:3

Douthü peü büpa homei vam; lingei nyupü douthü peü büpa ne-omi hükao neling.

1 KORINT 8:6

shejao jen shingvaishiyü Pa Kahvang hük, üpa leipü douthü peü vam, hatü üpa shingvaishi jen nyunya, hatü Shembüpa hük, Jisu Khrista, üpa homei douthü peü vam, hatü üpa homei jen nyunya, büpa nyüke.

HEBREW 2:10

Kahvang, üpa shing hatü üpa homei kahdoknyü nyunya, hapeüthü longi müknyinshekhang touei mühen shingvaishi jomei yemleipüba shangpong homei changhüshahühen jiüpü nyuteke.

1 SHÜPPÜKENGPÜ 29:11

Oh Shembüpa, lupülongpü, ngan, müknyinshekhang, aokpü hatü dhemeilaüma vangsholei hatü kahdoknyülei nyupü kemei nüngei. Oh Shembüpa, ongchingao nüngei, hatü nüngü lemphü shak kü shangjing.

HEBREW 1:2

shejao hapa dohpü nyihthü kü büpai jen kü laophülei Ha üpa büpai douthü lemphülei mükjüp vaihen je, hatü üpa homei büpai kahdoknyüthü ling, büpai büpa homei jen kü enyüke.

EPHESIA 1:10

Hapa küpjanü mechem ha vamhen hepak ngoihenshang, Khrista shangjing vaitepü büpa kübü douthü, vangsho hatü kahdoknyü kübü douthü kemei thailanghen.

ISAIAH 44:24

Ngeiyü Shembüpa, am Yangbü, Wom mongei am Lingbü, Ngeiyü Shembüpa, lemphüli Lingbü, Ngei moni vangshothü paanei lingpeih, ngei lomjai kahdoknyü laiyei lingpeih.

KANDOK 16:4

Shembüpai lemphüli mükhong tuhtü lingpeih; nemeipüthüao shangpongpü nyih shingvaishi lingpeih.

KOLOSI 1:15

Büpayü müki ne-eepü Kahvang lajei, lingpü peü kü shongpüba.

KOLOSI 2:10

hatü vanglem lempü hatü yemya yapü peüei shangjing kü am changpüshapü leihüei nyüke.

ISAIAH 43:21

Hathü nanglakthüyü ngei laophü shingvaishi linghahpeih; Hanangkü jomi ngei kü menvih loknyüpeih.

SHAHKÜP 4:39

Kahdok hatü vangsho kü Shembüpayü Kahvang; büpa kei lebü neshiü shei shinnyih ammei mongkü nebetüki tuhtuh, hatü nyingtuh.

PHILIPPI 2:10

Hanangkü Jisulei men kü vangsho, hatü kahdok shak kü hatü kahmongei nyupü peüi lashüh shüngei aümei khümhen,

KOLOSI 1:20

hatü büpa homei monha Kahvangi dou peü kahdoknyülei vaituh, nevaijü vangsholei vaituh büpa touei mongjemhühen, hatü büpalei shophang iy homei chingmei linghen mong hahpeih.

1 PETER 3:22

Büpa vangsholei aongei Kahvangei lakdah philei vangsho phongshanthü, wongthü mü uo, hatü nganthü peü büpa phangkü tuh.

KOLOSI 2:15

Büpai vanglem lempü hatü yemya yapü laanghathü peü büpai shophang homei jom aoktüktü büpai hathü shakei vamei huteke.

EPHESIA 6:12

Mehenangkü jenei vehokü iy hatü phai vepathü khüei nevai, shejao vanglem lembüthü khüei, yemya yapüthü khüei, hapa shangmang den kübü kahdoknyü nganthü khüei hatü vangsho shangeipü nemeipü laangha wongthü khüei hoknyüpeih.

ROM SHAHSHA APPÜ 8:38

Mehenangkü dipai vaijao, yangnyu vaijao, vangsho phongshan vaijao, vanglem lembüthü vaijao, shaang nyupü douthü vaijao, ngoikahen douthü vaijao, nganthü vaijao,

NEHEMIAH 9:6

Nüng monha Shembüpa, nüngi vangshothü hatü vangsho lithilenthü, kahdoknyü hatü ha shak kü nyupü peü, yungching hatü halei nyupü peü lingpeih. Nüngi hathü peü kü yangnyu shuoh, hatü vangshothüi nüng kü khümnyüke.

JOHAN 1:10

Büpa kahdoknyülei nyu, hatü kahdoknyü-ü büpa homei ling, shejao kahdoknyüi büpa nenying.

ROM SHAHSHA APPÜ 9:5

Hebrew am pathüyü jomei, phai keyü peü shak kübü Messiah-ü jom kübü, Kahvang den kü moihimantuh, Amen.