KOLOSI 1:15 - DAÜLANGPÜ LAIHING (BSI)

¹⁵ Büpayü müki ne-eepü Kahvang lajei, lingpü peü kü shongpüba.

KOLOSI 1:15 Referans Kwoze

HEBREW 1:3

Büpayü Kahvang müknyinshekhang khanghüpü hatü Kahvang mekei nyu, büpa meimei anpü, hatü douthü peü büpalei ngan shah-i shümei tuhnyeih. Büpai mangthü daühüpheikü büpa vangsholei Jeiyongpalei lakdah philei uoteke;

JOHAN 14:9

Jisui jangei, “Ngei amphong mü hajük hepak lushi nyupheikü nüngi ngei nenyingnyu je? Üpai ngei ee, büpai Opa eeteke. ‘Ham kü Opa hushih’ shei nüngi mekei enya?

JOHAN 1:1

Chongpangpülei Shah nyu, hatü Shah Kahvang mü nyu, hatü Shah-ü Kahvang nyuteke.

2 KORINT 4:4

Jom nang keyü Kahvangei lajei, Khristalei müknyinshekhang shahjangmei vangngai jomi ne-eehühen shingvaishi hapa kahdoknyü kübü kahvangthüi nevaipüthülei mongdang mük phüngtükteke.

JOHAN 1:18

Üpaiyao Kahvang ne-ee, shejao hapayü Kahvang Halom Ha, üpa Pa philei nyu, büpai büpa nyinghüteke.’ ”

JOHAN 1:14

Hapa Shah phai lei hatü jen mü nyu, hatü jeni büpalei müknyinshekhang, Pa leipü Halomei müknyinshekhang keiha phahji hatü shahhingi maei eeteke.

PHILIPPI 2:6

Nyingnyoi-i büpa Kahvang vaijao, wongi leetei Kahvang mü hükkeipü shei büpai nedeih,

2 KORINT 4:6

Mehenangkü Kahvangi, “Vangnyak kü vangngai khanghütuh” shei e, hatü Jisu Khristalei dhe kü Kahvang müknyinshekhang nyingpü vangngai jen kü shuohhen shingvaishi büpai jenei mongdang kü vangngai khangpeih.

MENVIH KESHO 89:27

Ngei büpayü ngelei hashongpa, hatü kahdoknyü ongthü khongkü shaopüba leihühen.

ROM SHAHSHA APPÜ 8:29

Mehenangkü üam büpai yeihshi mebü nyingei nyu, hathü shao büpai laophülei Halei deiaei anshi leihen jelangpeih; shejüang büpa shemong longpü kü hashongpa leihen.

1 TIMOTI 1:17

Shaang dohpü neshiüpü, ongpa, nemahnemenpü, ne-eeaokpü büpa mon Kahvang kü dhüm hatü müknyinshekhang den den kü nyute, Amen.

SHAKEI VAMPÜ 3:14

Laodikea kübü attoi leipü phongshan kü nyangtuh: Hathüyü Amen, hingshangpü hatü shahhing denbü, Kahvangi lingpü kü vanglem lembülei shahthü:

HEBREW 1:6

Hatü shao mechem büpai kahdoknyülei laophülei hashongpa shompa, büpai hei epeih: “Kahvangei vangsho phongshanthü peüi büpa kü khümtuh.”

1 TIMOTI 6:16

büpa monha nemahnemenpü, hatü üpaiyao nenei neheih-aokpü vangngai kü nyunyeih; üpaiyao büpa ne-ee hatü ne-eeaokhen, büpa kü dhüm hatü wong düngei nyute. Amen.

JOHAN 15:24

Üpaiyao mangdükpü dou ngei jomphong touei nedüklangmeyü jomi mang nethahhah shepeih. Shejao shaang jomi ha eeteke, hatü ngei hatü Opa henjiphen kü jiühitnyüke.

JOHAN 3:16

Mehenangkü Kahvangi kahdoknyü kü longi bampü nangkü büpai laophülei Halom shuoh; üami büpa kü hinglem nemahhen, shejao düngeipü yangnyuyem danghen.

KOLOSI 1:13

Mehenangkü büpai jen vangnyaki vanglem lempü kübü jen yangei büpai bampü Halei ongchingei jen müei leiteke.

HEBREW 11:27

Hinglempai büpai ongpai mongshihpü kü nenyemi Ijip tuhphong; mehenangkü büpai müki ne-eepü Kahvang eepheikei munenei nyu.

BHEI-IE 12:8

Büpa meyü ngei dhe dhe gongei lekei eteinyüpeih, shejao dokei, nyieneinyangei nevaijü shahlapei ne-eteinyih, hatü büpai ngei mekei nyu ha eeteke. Ngei chongphobü Mosa khüei ehen anji mehekei nyemei nedeihpa?”

MÜLANGPÜ 24:10

kahshangei aong, hatü jomi Israel amei Kahvang eeteke. Büpalei la phangkü veiheni Sapphir yaongi shaokpükei, hatü phumshang keiha thüngshingi nyuteke.