KOLOSI 1:13 - DAÜLANGPÜ LAIHING (BSI)

¹³ Mehenangkü büpai jen vangnyaki vanglem lempü kübü jen yangei büpai bampü Halei ongchingei jen müei leiteke.

KOLOSI 1:13 Referans Kwoze

PHONGSHANTHÜ DOU 26:18

jomei mük aphühen hatü vangnyak kübü vangngai lemei lephühen, hatü kahshihlei ngan kübü Kahvang touei lephühen, shejüang jomi mang tükpü danghen hatü ngei kü hinglempü homei daütükpü khongkü shing danghühen shingvaishi ngei nüng shomnyeih” shei ephopeih.

EPHESIA 5:8

Mehenangkü chem am shangmang nyuhampeih, shejao shaang Shembüpa kü amphongü vangngai. Vangngai hathü kei nyutuh;

1 PETER 2:9

Shejao amphongü vangnyak kübü thamapü vangngai touei am nyüklangpü büpalei yashanpü douthü jung baonghen nyükei jelangpü li, ongpalei ngongli, daülangpü jat hatü Kahvangei nanglakthü nyüke.

EPHESIA 6:12

Mehenangkü jenei vehokü iy hatü phai vepathü khüei nevai, shejao vanglem lembüthü khüei, yemya yapüthü khüei, hapa shangmang den kübü kahdoknyü nganthü khüei hatü vangsho shangeipü nemeipü laangha wongthü khüei hoknyüpeih.

1 THESALONIKA 2:12

mongnang thongei, nyiushem meihüei, hatü Kahvangi büpalei ongching hatü müknyinshekhang kü am nyükpü shangshi yangnyu nyuhen deipümeipü ha ammi nyingei nyüke.

EPHESIA 4:18

Jomei danaokpü kon shangmang leidai, jom nelinehapü hatü mongdang vaanpü homei Kahvangi shuohpü yangnyu kübü yandaiteke.

ROM SHAHSHA APPÜ 14:17

Mehenangkü vangsho ongchingü hahbenüng hatü yingbenüng nevai, shejao daülangshemshepü, chingmei hatü Laangha Daülangpü kü mongongpü nyüke;

1 JOHAN 3:14

Jen hüki hük mü bamteipü nangkü jen dipü kübü yangnyuyem touei daiteke shei jeni nyingnyüke. Üpai nebamnya, dipü kü nyunyüke.

2 KORINT 4:4

Jom nang keyü Kahvangei lajei, Khristalei müknyinshekhang shahjangmei vangngai jomi ne-eehühen shingvaishi hapa kahdoknyü kübü kahvangthüi nevaipüthülei mongdang mük phüngtükteke.

1 JOHAN 3:8

Mang thahpü peü kahshihlei hapeüthü; mehenangkü chongpanghinüng kahshih-i mang thahhampeih. Kahshihlei dou mangtükhen mükhong kü Kahvang Ha shakei vampeih.

JOHAN 5:24

“Hingmei mü ngei am kü enyeih, üpai ngelei shah banghen hatü ngei shompüba kü hinglemhen yangnyuyem nyüpeih, hatü shahphenpülei nepeihen, shejao dipü kübü yangnyuyem touei lüdaiteke.

1 JOHAN 2:8

Shejao ngei am kü shahkung ja hük nyangnyeih; hapa shahhingü büpa kü hatü am kü eenyüke; mehenangkü vangnyak peihdaiteke hatü hingshangpü vangngai khangteke.

2 PETER 1:11

Mehenangkü hapa lem kü jenei Shembüpa hatü Yemleipü Jisu Khristalei nedohnetenpü ongching kü shühen am shing changshi yahphahen.

LUK SHAHSHA APPÜ 13:24

“Shaden shawshippülei shühen nyakeikentuh; mehenangkü longshi shing, ngei am kü enyeih, shününg khehen shejao ne-aokpih.

ISAIAH 42:1

Ngei wong kohhüpü ngelei chongphobü hamü nyüke, Ngei monghahpü ngei jepü hük; Ngei ngelei laangha büpa kü shihpeih, hatü büpai jatthü peü kü shahhing koei peikahen.

HEBREW 2:14

Hanangkü hashihthüi iy hatü phai kü hean yahpükei büpai laophü nyingi jom kei hangku nyingnyoi yah. Büpai hapayü büpa dipü homei dipü shak kü wong nyupü Kahshih mahtükhen nangkü dükpeih,

JOHAN 17:24

Opa, nüngi ngei kü shuohpüthü ngei melei nyu, halei jomao nyuhen, hatü nüngi ngei kü shuohpü ngelei müknyinshekhang jomi eehen ngei nanyüpeih; mehenangkü nüngi ngei kü kahdoknyü chongnyiam lingshekü ngei kü bampeih.

LUK SHAHSHA APPÜ 22:53

Mechem ngei nyihjeih am mü phopshemei nyupa, ammi ngei kü lak neshih. Shejao hayü ammi dou dükhen hepak hatü shangmangei wong” shei eteke.

MATHI 3:17

hatü vangsho leipü ngeü hük vamei, “Hapayü ngei mong hahpü ngei bampü Hapeü” shei e.

MATHI 25:34

Hahepak kü ongpai büpalei lakdah philei nyupüthü kü, “Peikei, amphong Opai moihimanpüthü, kahdoknyü chongnyiam lingshingkü am shing tempü ongching mükjüp yahtuh;

ZEKHARIAH 9:9

Longi mongongtuh, Oh Zion nela! Wongmü lentuh, Jerusalem yiükha! Veituh, ammei ongpa am touei, daülangshemshepü kü, hatü yemleipü kotü nenteiaokpai gadu chebaongha dok shangkü uotü am touei peikünyüke.

ISAIAH 53:12

Hanangkü ngei büpa kü longpüthü mü büpalei phaihan shuohhen, hatü büpai wong kohpüthü mü hean hanteihen; Mehenangkü büpai laophülei yangnyu dihen shuoh, hatü mangthü mü bhei-ie kü shih; Shejao büpai mangthü peüei mang kolang, hatü mangthü shingvaishi phop.

EPHESIA 1:6

Büpalei müknyinshekhang phahji hatü büpai bampü Ha kü jen kü ang kübü thintho shuohpü shingvaishi Kahvang men longshah.

MATHI 17:5

Büpa shah eyei nyushingkü phum shola peiyei dhüm, hatü phum leipü ngeü hük vamei, “Hapayü ngei bampü Ha, ngei büpa kü mong hahnyeih; büpai epü bangtuh!” shei e.

JOHAN 3:35

Pa-i Ha kü bampü nangkü lemphüli büpalei lak kü shuohteke.

ISAIAH 60:2

Veituh, kahdok kü shangmangi jümshi nyüke, hatü nanglakthü kü phumnyaki jümshi nyüke; Shejao Shembüpa am mü yaongnyüke, hatü büpalei müknyinshekhangi am kü khangnyüke.

2 KORINT 11:14

Tethama! Kahshih-i dangkao vangngailei phongshan shei laophü nyingi yeiyaei hunyeih.

EPHESIA 5:5

Iyjeiphailei, nedaünelangpü shennyak nevaijü hahnempü (hayü lajei kü khümpü hük) üpayao Khrista hatü Kahvang ongching kü mükjüp neshiüpih shei ha nyingtuh.