KOLOSI 1:12 - DAÜLANGPÜ LAIHING (BSI)

¹² amphong vangngai ongching kü daülangpüthü mü mükjüp hanteihen mü amphong mükjüp yahpü am leihüpü Pa kü menvih shuohtuh.

KOLOSI 1:12 Referans Kwoze

PHONGSHANTHÜ DOU 20:32

hatü shaang ngei amphong Kahvang kü hatü büpalei phahji shahjangmei am lingei leiaokhen hatü daütükpüthü khongkü am kü mükjüp shuohhen shahjangmei kü lanei shuohnyeih.

EPHESIA 1:11

Büpalei shahnying hatü mongpü aimü douthü peü jiühüei büpalei mükhong aimü jenphong jeyei yahpai Khrista kü jenphong mükjüp yahpü am leihüteke.

EPHESIA 1:18

Shejüang ammei mongdang mük apei mepa monglem shingvaishi büpai am nyük, daülangpüthü khongkü büpalei müknyinshekhang mükjüp mop mepa nyu,

PHONGSHANTHÜ DOU 26:18

jomei mük aphühen hatü vangnyak kübü vangngai lemei lephühen, hatü kahshihlei ngan kübü Kahvang touei lephühen, shejüang jomi mang tükpü danghen hatü ngei kü hinglempü homei daütükpü khongkü shing danghühen shingvaishi ngei nüng shomnyeih” shei ephopeih.

EPHESIA 3:6

ha lappai, Kung amao aihük mü mükjüp yahpü am, büm hük kü aihük phaihan, hatü shahjangmei homei Khrista Jisu kü lahpü kü hean yahpü am leipeih.

2 KORINT 5:5

Shaang hapa mükhong shingvaishi jen temhüpeyü Kahvang, hatü mehe peikahen nyu, hapa vangpü vaishi jen kü Laangha shuohteke.

ROM SHAHSHA APPÜ 8:17

hatü hapeüthü vaijema, shejema mükjüp yahpü am, Kahvangei mükjüp hatü Khrista mü chemi mükjüp yahpü am leinyüke– ha vaipü nangkü jenao büpa mü müknyinshekhanghen shingvaishi jeni büpa mü hanghinyüke.

HEBREW 3:14

Jen kü shongei nyupü monglem kü dohpü ngoishi wongshongi shongjema jen Khristalei phaihan leinyüke.

JOHAN 14:6

Jisui jangei, “Ngeiyü lemnyü, shahhing hatü yangnyu; ngei nehompheikü üpaiyao Opa touei nepeiaokpih.

SHAKEI VAMPÜ 21:23

hatü hapa chingnyülei vanghenyü nevaijü lennyü nyahen napü neshiü; mehenangkü Kahvang müknyinshekhangü hapalei vangngai, hatü hapalei awdükü Mi Cheha.

HEBREW 12:23

hatü vangsholei men nyanglangpü hashongthü thaipü, hatü peüei shahphenpü Kahvang, hatü daülangpüthülei laanghathü changhüshahüpü touei,

KOLOSI 2:2

Ngei ha dükpü mükhongü jom mongkü mongnang thongteihen hatü bampü kü mongjemhen nangkü nyüpeih, shejüang hingshangpü danteipai koei peipü lekhingpü mop hatü Kahvangei shahjo lappai, Khrista nyinghen.

EPHESIA 5:20

Düngei Pa Kahvang kü hatü lemphü shing jenei Shembüpa Jisu Khristalei men kü menvih shuohtuh.

1 KORINT 8:6

shejao jen shingvaishiyü Pa Kahvang hük, üpa leipü douthü peü vam, hatü üpa shingvaishi jen nyunya, hatü Shembüpa hük, Jisu Khrista, üpa homei douthü peü vam, hatü üpa homei jen nyunya, büpa nyüke.

ROM SHAHSHA APPÜ 15:27

Jomi ha dükhen mongong, hatü jomi hathü kü ha dükhenü hang nyüke; mehenangkü Kung ami Jehoda amei laangha moihimanthü hanteijema, Kung amiyao Jehoda am kü jomei mophimo hanteihen jiüpeih.

KANDOK 16:1

Hangkui mongei küpjan temnyüpeih, shejao hapa kü jangpeyü SHEMBÜPAleipü peinyüpeih.

KANDOK 4:18

Shejao daülangpülei lemü nepnüng dhom vanghela helushoei nyapüba khangpükei nyüke.

JAKOB 3:9

Hapai-üng jeni Shembüpa, hatü Pa men vihnyüke, hatü hapai-üng Kahvang leshi lingtükpüthü kü jeni thaüvaünyüke.

HEBREW 3:1

Hanangkü jeihinaü hatü nyahinaüthü, vangsho ami nyükpü kü daülangpü hean yahpüthü, jeni lahpü Jisu, phongshan hatü ngongchong deih-ei dangtuh.

KOLOSI 3:17

Ammi mehe dükhen, shah kü vaijao dou kü vaijao, lemphüli Shembüpa Jisulei men kü büpa homei Pa Kahvang kü menvih shuoh-ei düktuh.

KOLOSI 3:15

Khristalei chingmei-i ammei mongkü vanglem lemhütuh; ha shingvaishi büm hük kü phaihan hük leiyei chingmei nyuhen am nyükpeih. Ha kü am men vihtuh.

EPHESIA 5:4

Nevaijü mih huluh shuohhen shah, ngashah, veüshah chemjalak kü ammi tenotei shejao ha nangjeiyei menvih shuohtuh.

EPHESIA 4:6

Kahvang hük, hatü büpayü peü shak kü nyüke, hatü peü homei hatü lemphülei Pa nyüke.

1 KORINT 9:23

Ngei hapalei moihiman hanteihen shingvaishi ngei ha peü shahjangmei men kü düknyeih.

ROM SHAHSHA APPÜ 11:17

Shejao olive pükao hanei bhagei yaktüktü nüng, olive nganyü kao dakei hapa olive pü tünglang kübü aongpü hahying hahhen hapteke.

ROM SHAHSHA APPÜ 9:23

Müknyinshekhang shingvaishi büpai yeihshi mebü phahji huhen shei lingpüthü kü büpalei müknyinshekhang mop nyinghühen nangkü büpai ha dükjao meheang?

JOHAN 20:17

Jisui pinnyü kü, “Nüngi ngei kü laki tedükpha; mehenangkü ngei Opa touei mangaongpih. Shejao ngelei jeihinaüthü touei daiyei jomphong kü, ‘Ngei ngelei Opa hatü ammei Pa, hatü ngelei Kahvang hatü ammei Kahvang touei aongdainyuja’ shei etuh” shei eteke.

JOHAN 4:23

Shejao mechem hingshangi khümpüthüi Opa kü laangha hatü shahhingi khümhen, ha hepak ngoikünyüke hatü hayü shaang khih; mehenangkü Opai hapakei büpa kü khümpüthü yemnyüpeih.

MATHI 25:34

Hahepak kü ongpai büpalei lakdah philei nyupüthü kü, “Peikei, amphong Opai moihimanpüthü, kahdoknyü chongnyiam lingshingkü am shing tempü ongching mükjüp yahtuh;

DANIEL 2:23

Ngei nüng kü vihnyeih, hatü dhüm shuohnyüpeih, Oh hamei bühipa amei Kahvang: Nüngi ngei kü kon hatü ngan shuohnyüpeih, hatü hami nüng kü mehe yüpa, ha nüngi shakei vamei huphüteke, Nüngi ham kü ongpalei mangh shakei vamphüteke.”

MENVIH KESHO 116:7

Leptuh, ngelei laangha, nüng nyiushemmei kü nyukei; mehenangkü Shembüpai nüng kü meishi dükteke.

MENVIH KESHO 97:11

Daülangpüthü shing vanghe ja aongnyeih, hatü mongdang kangshangi nyupüthü kü mongong vamnyeih.

MENVIH KESHO 79:13

Shejüang ham, nüngei nanglakthü, nüngi haümpü mithüi den kü nüng men vihhen; hüdenhalenshi hami nüngei men den kü longhen.

MENVIH KESHO 36:9

Mehenangkü nüng mü yangnyu yunglok nyüke; nüngei vangngai kü hami vangngai eenyeih.

1 SHÜPPÜKENGPÜ 29:20

Hapheikü Davidi thaipü nanglakthü kü, “Shembüpa, ammei Kahvangei men longtuh” shei e. Hanangkü jom peüi Shembüpa, jomei bühipa Kahvang kü menvih; jomi Shembüpa hatü ongpa touei kahdok kü aümei shateke.

1 ONGPATHÜ 6:7

Phopshem veshingkü yaong bhaokshingei shangtükpü yaong mon yah, hatü kaoklak peikha nevaijü lebü hadir yah-ei yaong bappü ngeü nedanhü.

SHAKEI VAMPÜ 22:14

Laophülei bhagthuh dhotüktü nyupüthü moihiman; mehenangkü jomphongü yangnyu pü kübü betjük hahhen jiüpü nyüpeih, hatü peshaden homei chingnyülei shüaokhen.

SHAKEI VAMPÜ 22:5

Halei vangnyak lanshei neshiü; jomi awdük vangngai nevaijü vanghe vangngai napü neshiü; mehenangkü Shembüpa Kahvangü jomei vangngai, hatü jom den den kü vanglem lemhen.

1 JOHAN 1:3

Amao ham mü mongjempü nyuhen shingvaishi mehe hami ee hatü dan, ha hami am kü baongnyeih; hatü hingmei ham mongjempeyü Pa hatü Ha Jisu Khrista mü nyüpeih.

1 PETER 5:1

Shaang ngei behe hük hatü Khrista shangpongpü kü denbü hük keiha hatü shakei vamkahen müknyinshekhang kü hean yahbü hük keiha, ngei am khong kübü behethü kü mongnang thongnyeih.

TITUS 2:14

Büpai jen mang peü kübü angei leihen, hatü büpai laophü shing lompü vaihen nangkü doumei dükhüpü nanglakthü daühühen shingvaishi büpai jen shing laophülei yangnyu shuoh.

2 KORINT 11:14

Tethama! Kahshih-i dangkao vangngailei phongshan shei laophü nyingi yeiyaei hunyeih.

EPHESIA 2:18

Hanangkü jen khong nyiphen Laangha hük kü Pa touei peiaoknyeih.

EPHESIA 5:8

Mehenangkü chem am shangmang nyuhampeih, shejao shaang Shembüpa kü amphongü vangngai. Vangngai hathü kei nyutuh;

EPHESIA 5:11

Betjük nejükpü shangmang douthü kü hean teyah, shejao hathüyü shakei ngaihütuh.