KOLOSI 1:10 - DAÜLANGPÜ LAIHING (BSI)

¹⁰ Shejüang Shembüpa touei changpü yangnyu nyuei lem peü kü büpa mong hahhühen, doumei peü kü betjük jükei Kahvang nyingpü kü longhen nangkü hami phopnyeih.

KOLOSI 1:10 Referans Kwoze

EPHESIA 4:1

Hanangkü mepa nangkü amphong nyük, ha nyükpü shangshi ammei yangnyu nyuhen ngei, Shembüpa kü khoklatei küpbüi am kü khümnyeih.

HEBREW 13:21

büpai am mei lemphü kü büpai mongpü dükhen changhüshahühen, shejüang Jisu Khrista homei büpai mong hahbenüng büpai jen homei dükhen, büpa kü den den kü müknyinshekhang vaituh. Amen.

1 JOHAN 3:22

hatü jeni mehe yü, jeni büpa leipü dangnyeih; mehenangkü jeni büpalei shahkungthü bangnyeih hatü büpai monghahbenüng düknyeih.

JOHAN 15:16

Ammi ngei neje, shejao ngei amphong jepeih. Am daiyei betjük jükhen, hatü den kü nyuhen betjük jükhen shingvaishi ngei amphong jepeih; shejüang ngelei men kü ammi mehe mehe Opa kü yühenshang büpai ha am kü shuohhen.

1 THESALONIKA 4:1

Dohpülei jeihinaü hatü nyahinaüthü, mekei Kahvang mong hahhühen mü nyuhen, ha hami am kü nyuhphei, hakei-üng am nyunyüke. Shaang hami Shembüpa Jisu kü hapakei nyeinya nyeinya nyuhen hami am kü phenyeih hatü kangnyeih.

HEBREW 13:16

Mei dükhen, hatü nüngi angpü hanteihen tebetük; mehenangkü hapa keipü moilathüyü Kahvang mongongbenüng hih.

JOHAN 15:8

Ammi betjük longi jükpai ngelei nanglomthü khih shei huhen; hapai Opa müknyinshekhanghühen.

TITUS 3:14

Nyihjeih nadang lanaokhen shingvaishi, hatü meheyao nanglei neshiüi nenyuhen shingvaishi doumei kü lanei shuoh-ei dükhen nanglakthü kü nyinghütuh.

2 PETER 3:18

Shejao phahji hatü jenei Shembüpa hatü yemleipü Jisu Khrista nyingpü kü longtuh. Büpa kü shaang hatü nedohnetenpü nyih thahshi düngei müknyinshekhang vaituh! Amen.

KANDOK 16:7

Mechem shennyak hükei lemthüi Shembüpa mongmeihühen, büpai laophülei vepa-ao chingmei kü tuhnyeih.

2 PETER 1:8

Mehenangkü hathü meipü ammei vaihüjema hatü am mü nyeinya dahüjema, hathüi jenei Shembüpa Jisu Khrista nyingpü kü am wong nekoh-i hatü betjük nejüki neleihühen.

KOLOSI 2:6

Hanangkü ammi Khrista Jisu Shembüpa yahpü keiha nedoh-i büpa kü yangnyu nyuei,

MIKA 4:5

Mehenangkü jatphü jomei kahvang men kü kamhen aok, shejao ham payü hüdenhalenshi Shembüpa, hamei Kahvang men kü kamhen.

1 THESALONIKA 2:12

mongnang thongei, nyiushem meihüei, hatü Kahvangi büpalei ongching hatü müknyinshekhang kü am nyükpü shangshi yangnyu nyuhen deipümeipü ha ammi nyingei nyüke.

KOLOSI 4:5

Hepak mei angei haolei nyupüthü touei ammi kon kohshi düktuh.

EPHESIA 5:15

Nüng mekei nyunya lituh– kon nekohpü am kei nevai, kon kohpü am kei nyutuh;

EPHESIA 2:10

Mehenangkü jenphongü büpai mehe ling, ha hih, jeni dükhen shingvaishi Kahvangi yeihshi mebü Khrista kü doumei shingvaishi jen lingpeih.

2 KORINT 2:14

Shejao Khrista kü jen aokpü philei müpü Kahvang kü menvih shuohtuh, hatü jen homei büpa nyingpü kübü vampü vong meipü shing peülei yanei dainyüke.

ROM SHAHSHA APPÜ 6:4

Hanangkü dipü kü baptükpai jen büpa mü mahng vüteke; shejüang Pa müknyinshekhangi Khrista dipü kübü yangei leishihpü keiha jenphongao yangnyu ja kü kamhen.

EPHESIA 5:10

Mepai Shembüpa mong hahhühen ha yemhen khetuh.

EPHESIA 5:2

hatü Khristai jen kü bampü keiha, hatü Kahvang kü vong meipü jakpü büpa laophü nyingi jen shing shuohpü keiha ammi bampü yangnyu nyutuh.

PHILIPPI 1:27

Khristalei shahjangmei-i napükei ammei yangnyu dei-aei nyutuh; ngei peiyei am mü pongjao nevaijü ngei nepeijao am jung danhen, shejüang amphong laangha hük kü mong hük leiyei shahjang meipü kü hinglemei wong kohshi yaongnyüke shei ngei nyinghen,

PHILIPPI 1:11

hatü Kahvang müknyinshekhang hatü menvih shingvaishi Jisu Khrista homei peipü daülangshemshepü betjük maei nyuhen shingvaishi nyüke.

1 JOHAN 5:20

Jeni büpayü shahhing shei nyinghen shingvaishi Kahvang Ha peiyei jen kü danaokpü shuohpeih shei jeni nyingnyüke. Jenphongü üpa shahhing büpa kü nyüke– hapayü büpalei Ha Jisu Khrista. Büpayü hingshangpü Kahvang hatü yangnyuyem.

TITUS 3:1

Nanglakthü kü vanglem lempü hatü wong nopüthü phangkü nyuhen, ven danhen, doumei lemphü tempülempü nyuhen,

KOLOSI 3:20

Hashihthü, lemphü kü amphongi laophülei nyühipalei ven bangtuh; mehenangkü Shembüpai ha kü mong hahnyeih.

EPHESIA 4:13

hatü jen peü vaipü kü mongjemei, hatü Kahvangei Ha nyingpü kü behe leiyei Khristalei shaohi-ang thüei manglei thahshi ha dükhen büpai hathü shuohpeih.

HABAKKUK 2:14

Shejao yungi yungching mapü keiha, kahdoknyü-ü Shembüpalei müknyinshekhang nyingpai maei nyuhen.

HEBREW 11:5

Hinglempai Enokh-ü dipü ne-eehühen shingvaishi yemmü yahlang, hatü üpaiyao büpa nedang; mehenangkü Kahvangi büpa yahlangteke. Mehenangkü büpai Kahvang mong hahhüpeih shei büpa yahlang shekü denpü shuohteke.

2 TIMOTI 2:4

Veshan dousho kü chongphopü hüki büpa dok kübü veshan lakchongbü mong hahhühen nangkü büpai nanglakei shahhidou kü ne-omteinyih.

KOLOSI 2:19

hatü Khrista, üpa büm kempülei shangjing nyüpa, ha kü wongshongi neshoungnyu. Khrista phangkü büm kemei kü wong shuoh-ei vangbaong peü haphüei Kahvangi mongpü lem shenteiyei longhünyüke.

PHILIPPI 4:18

Ngei kü changshi yahphütih, hatü changtü aoei nyüpeih; ngei kü changshi shuohteke, hatü ammi shompü thintho Epaphroditus leipü dangtepih. Hathüyü vong meipü moila Kahvang mongongbenüng jakpü moila khih.

EPHESIA 1:17

Am büpa touei peishingkü kihikon, laangha hatü shakei vampü am kü shuohhen shingvaishi jenei Shembüpa Jisu Khristalei Kahvang, müknyinshekhangpü Pa kü ngei phopnyüpeih.

2 KORINT 9:8

Düngei lemphü changshi nyupai ammi doumei peü kü bhashahshi hanteiaokhen shingvaishi Kahvangi am kü lemphü moihiman bhashahshi shuohhen aokshi nyüpeih.

JOHAN 17:3

Jomi nüng, hingshangpü Kahvang hatü nüngi shompü Jisu Khrista nyinghen hayü yangnyuyem hih.

DANIEL 12:4

Shejao nüng, Daniel, dohpü hepak mangngoi thahshi hapa lai küptüktuh hatü füoshang shingtüktuh. Longshi shingi hamebü hammü shei mehe vamnya ha nyinghüei longteihen.

ISAIAH 53:11

Büpa shangpong pheikü büpai yangnyu vangngai danghen, hatü büpa shangpongpeyü angsha nevai shei nyingei mongonghen. Ngelei hingshangpü chongphobü homei longi dah shakhühen, hatü büpai jomei mangthü kolanghen.

2 KORINT 4:6

Mehenangkü Kahvangi, “Vangnyak kü vangngai khanghütuh” shei e, hatü Jisu Khristalei dhe kü Kahvang müknyinshekhang nyingpü vangngai jen kü shuohhen shingvaishi büpai jenei mongdang kü vangngai khangpeih.

ROM SHAHSHA APPÜ 4:12

hatü hapa leshi japtükpüthülei pa vaihen, üam jappü mon nevai, shejao jenei bühipa Abrahami büpa japshekü nyupü hinglempü nyu, ha lappü phei müpüthü shingvaishi nyüke.

ROM SHAHSHA APPÜ 1:13

Ngei lebü Kung am mü dükpü keiha ngei am khong kübüao hanei lepei leihen nangkü ngei am touei peihen deihteke, (shejao shaang thahshi ha bangtükteke); ha nyingtuh, jeihinaüthü hatü nyahinaüthü.

2 KORINT 5:9

Hanangkü hami hapa büm shem kü nyujao nevaijü yanei daijao büpa mong hahhühenü hamei mükhong.

3 JOHAN 1:6

nüngi bampü jung jomi phopshemei denpü shuohteke. Kahvang mongmeihen mü nüngi jom meishi temei shan jüngte.