KANDOK 4:7 - DAÜLANGPÜ LAIHING (BSI)

⁷ Kihikonü peü mü longpüba; hanangkü hapa yahhahtuh, hatü nüngi dangpü lemphüli kü yao-aokpü kon yahtuh.

KANDOK 4:7 Referans Kwoze

CHONGVENBÜ 7:12

Lop kü keiha kihikon kao loishing nyüke, shejao kihikon nyupü nangleiyü ha hih: Kihikon nyupü shennyakei yangnyu-ü yangei tuhnyeih.

KANDOK 23:23

Shahhing shaklangtuh, hatü hapa teyutük; Kihikon, nyingpühingpü, hatü danaokpü kon shaklangtuh.

KANDOK 16:16

Hon mao kihikon danghen-üng mekei meipa! Ngin mao nyingpühingpü yahhen mekei meipa!

PHILIPPI 3:8

Ha mü nyeishi Khrista Jisu ngelei Shembüpa nyingpü peü mü longpü nanglei mü shetteijü lemphüli lomoh khih shei ngei ieyeilemnyeih. Büpalei men kü ngei lemphüli lomohtükpeih, hatü ngei hathü kü nyüphinya shei enyeih, shejüang ngei Khrista danghen,

LUK SHAHSHA APPÜ 12:20

Shejao Kahvangi büpa kü, “Nüng ngapa! sheya-üng nüngei yangnyu nüng kübü yülanghen. Hahepak kü nüngi laophü tempü üpa shing vaihen?

MENVIH KESHO 119:104

Nüngei shahkungthü homei ngei kihikon dangnyeih; hanangkü ngei shahshem lem peü kü jiühitnyeih.

LUK SHAHSHA APPÜ 10:42

shejao dou hük mon nanyüke. Mary-i meipüba hean jehahteke, hatü ha pinnyü leipü neyahlanghen.”

KANDOK 21:6

Shahshem eshi dangpü mopü ngü laodaipükei nyüke, hatü dihen aethitai.

CHONGVENBÜ 4:8

Hepak hük kü shennyak hük büpa monha, hapeü hatü jeihinaü neshiüi nyu. Büpai mechemao nedoh-i dou mon dük, shejao büpai büpa angpü mop kü mükmong nema. “Üpa kü ühnüng ngei hajükjük dou düknya, ngei mongongshi nyuhen neaoki mehekei ngei nyunya?” shei büpai phehahteke. Hapayao angsha hatü mongmangbenüng dousho khih.

KANDOK 4:5

Kihikon hatü danaokpü kon yahhahtuh; nüngi hathü tebetük, hatü ha kübü teyan.

KANDOK 8:23

Chongpangei kahdoknyü lingshekü peü mü shongeingei lingpeih.

2 SHÜPPÜKENGPÜ 1:10

Ngei hathü nanglak shak kü vanglem lemhen kihikon hatü nyingpühingpü yahshih; hei nevaijema mekei etü hajükpü nüngei nanglakthü kü vanglem lemaokhenang?” shei e.

KANDOK 2:4

Nüngi hapa ngin keiha, hatü joshi nyupü mophimo keiha yemjema,