KANDOK 4:4 - DAÜLANGPÜ LAIHING (BSI)

⁴ büpai ngei kü, “Nüngei mong kempai ngelei shahthü jaotuh, ngelei shahkungthü noteituh, hatü nüng yemmü nyuhen” shei ephopeih.

KANDOK 4:4 Referans Kwoze

KANDOK 3:1

Ngelei hapeü, ngei nyuhpüvenpü tebetük; shejao nüngei mongdangei ngelei shahkungthü jaotuh;

JOHAN 12:50

Hapa shahkungi yangnyuyem touei münyeih shei ngei nying. Hanangkü ngei mehe enya hayü Opa-i etuh shei epü enyeih.

KANDOK 7:2

Ngelei shahthü noteituh, hatü nüng yem mü nyuhen; ngei nyuhpüvenpüthü nüngei mük kü jungpükei jungtuh.

1 SHÜPPÜKENGPÜ 28:9

Hapheikü büpai cheha Solomon kü, “Ngelei hapeü, ampalei Pa Kahvang nyingtuh, hatü mong kempai monglempai büpa chongphotuh; mehenangkü Shembüpai peüei mongdang yemnyeih, hatü büpai deihpü küpjan peü nyingnyeih. Nüngi büpa yemjema, nüngi büpa danghen, shejao nüngi büpa tuhphongjema büpai den kü nüng yakphonghen.

2 TIMOTI 3:15

hatü hashih mebü nüngi Daülangpü Laihing, mepai nüng kü Khrista Jisu kü hinglempü homei yemleihen shingvaishi nyuhhen aoknya, ha nüngi nyingei nyüke.

EPHESIA 6:4

Pathü, mongshihpai ammei hapeüthü kü teloh, shejao Shembüpai ungei-aeipü hatü nyuhpüvenpü kü longhütuh.

SHAHKÜP 6:6

Shinnyih ngei am kü shuohpü shahkungnyü ammei mong kü jaotuh.

HEBREW 5:9

hatü büpa changpüshapü leihütü, büpayü büpalei ven danpüthü peü shing nedohnetenpü yemleipü shuohbü lei,

ISAIAH 55:3

Ammei dhaong shaangtuh, hatü ngei touei peikei; Am yemmü nyuhen nangkü ngei epü bangtuh. Ngei am mü nedohnetenpü vangpüshuwpü linghen, hatü ngei David kü lahpü moihiman shuohhen.

2 TIMOTI 1:5

Ambi Lois kü shongei nyupü hatü anyü Eunice kü nyupü hinglempü ha nüng kü shaangao nya-aipih shei deihnyeih, hatü nüng kü nyupü hinglempü lekpü ha ngei deih-ei dangnyüke.

KANDOK 22:6

Hashih hük kü büpa longhen lem nyuh-ei ventuh; mechem büpa behe leihen, büpai ha kübü neyandaipih.

MENVIH KESHO 119:11

Ngei nüng khüei mang nethahhen shingvaishi nüngei shah ngelei mong kü jaoei tuhnyeih.

SHAHKÜP 4:9

Am kenhingtuh, hatü ammei müki lekei mehe eetepa, ha nebetükhen, nevaijü am yemmü nyupü thahshi ammei mongdang kübü hapa nemahtükhen kentuh. Ammei hühihathü kü ha nyuhtuh.

KAHBHAO 18:19

Mehenangkü mehe jiüpü hatü shahhing ha dükei Shembüpalei lem kü kamhen shingvaishi büpai laophülei hapeüthü hatü shem am kü nyuhhen venhen ngei Abraham jepeih; shejüang Shembüpai Abraham kü mehe lahpa, ha koei peihen” shei e.

MENVIH KESHO 119:168

Ngei nüngei shahkungthü düknyeih; mehenangkü ngelei lemthü peü nüng touei nyüke.

KANDOK 23:26

Ngelei hapeü, nüngei mongdang ngei kü yahshih, hatü nüngei müki ngelei lemthü kü veituh.

SHAHPHENBÜTHÜ 13:12

Hanangkü Manoah-i büpa kü, “Nüngi epü shahthü mechem dhaümkahen, hapa naü-ü mekeipü yangnyu nyuhen hatü mehe dou dükkahen?” shei phe.

MENVIH KESHO 119:144

Nüngei shahkungü den kü daülangpü; ngei yemmü nyuhen shing ngei kü kon yahshih.

KANDOK 3:2

Mehenangkü hathüi vangbong longi nüngei yangnyu shoshoei tuhhen; hatü nüng touei dapüshepü koei peikahen.

JEREMIAH 38:20

“Jomi nüng hapakei neshuohtükpih” shei Jeremiah-i e. Ngei mehe enya ha dükei Shembüpalei shah bangtuh. Shejüang nüng meishi nyuhen hatü nüng yanghen.