KANDOK 3:1 - DAÜLANGPÜ LAIHING (BSI)

¹ Ngelei hapeü, ngei nyuhpüvenpü tebetük; shejao nüngei mongdangei ngelei shahkungthü jaotuh;

KANDOK 3:1 Referans Kwoze

KANDOK 4:5

Kihikon hatü danaokpü kon yahhahtuh; nüngi hathü tebetük, hatü ha kübü teyan.

MENVIH KESHO 119:16

Ngei nüngei shahkungthü kü mongongnyeih, ngei nüngei shahthü nebepih.

KANDOK 1:8

Ngelei hapeü, ampai nyuhpü bangtuh; anyüi venpü teyakphong.

MENVIH KESHO 119:93

Ngei nüngei shahkungthü nebehen; mehenangkü hathü homei nüngi ngei kü yangnyu shuohpeih.

MENVIH KESHO 119:34

Ngelei mong kempai nüngei shahkungnyü bangei dükhen ngei kü danaokpü kon yahshihma.

JEREMIAH 31:33

“Hapa hepak pheikü ngei jom mü linghen vangpüshuwpeyü hapa hih” shei Shembüpai enyüke. “Ngei ngelei shahkung jomei sholi kü hatü jomei mongdang kü nyangei tuhhen. Ngei jomei Kahvang vaihen, hatü jomü ngelei nanglak vaihen.

MENVIH KESHO 119:11

Ngei nüng khüei mang nethahhen shingvaishi nüngei shah ngelei mong kü jaoei tuhnyeih.

SHAHKÜP 8:1

Am nyuaokhen, daeisheyei nyuhen hatü ammei bühipa kü Shembüpai lahpü kahdok thahei yah-aokhen shingvaishi shinnyih ngei am kü shuohpü shahkungnyüthü peü düktuh.

MENVIH KESHO 119:153

Ngelei shanghah kü veituh, hatü ngei yangtuh; mehenangkü ngei nüngei shahkung nebenyih.

HOSEA 4:6

Kihikon taopü nangkü ngelei nanglakthü mahdainyüke; Mehenangkü ammi kihikon yaktükpü nangkü ngeiyao am ngelei ngongpa vaihen kübü yaktükpeih. Ammi ammei Kahvangei shahkung betükpü nangkü ngeiyao ammei hapeüthü betükhen.

SHAHKÜP 4:9

Am kenhingtuh, hatü ammei müki lekei mehe eetepa, ha nebetükhen, nevaijü am yemmü nyupü thahshi ammei mongdang kübü hapa nemahtükhen kentuh. Ammei hühihathü kü ha nyuhtuh.

MENVIH KESHO 119:176

Ngeiyü mahdaipü mi keiha lembien kü daipeih; nüngei chongphobü yemtuh; mehenangkü ngei nüngei shahkungthü nebetüknyih.

SHAHKÜP 4:23

Shembüpa, ammei Kahvangi am mü vangeishuwpü nebetükhen kentuh; Shembüpa, ammei Kahvangi nemongpü kü am nyingi lajei mepa keiyao teling.

KANDOK 31:5

Hei nevaijema jomphongi yiü yinghen, hatü shahkungnyü betükhen, hatü hanghipü nanglakthü kü jiüpü nedükaokhen.

ISAIAH 51:17

Thaeimatuh, thaeimatuh, paotuh, Oh Jerusalem, Am Shembüpalei lak leipü mongshih yungshong yingpüthü; Ammi ha hienei yingteke, hatü tüngtüngmüngi kamnyüke.

MÜLANGPÜ 20:6

shejao ngei kü bampü hatü ngelei shahkungnyü ven bangpüthü kü denshem haja haja ngei bampü hunyüpeih.

MENVIH KESHO 91:16

Yangnyu shoshoei angpai ngei jom hüshemhühen, hatü ngelei yemleipü jom kü huhen.

MENVIH KESHO 119:61

Nemeipüthülei vü-i ngei kü ngeihjao ngei nüngei shahkungthü nebenyih.

KANDOK 2:1

Ngelei hapeü, nüngi ngelei shahthü yahjema, hatü ngelei shahkungthü nüngei mongei jaojema;

KANDOK 4:2

Mehenangkü ngei nüng kü nyingpü meipü shuohnyüpeih; hanangkü ngei nyuhpü teyaktük.

KANDOK 16:31

Shosho pungshi yangnyu nyupeyü müknyinshekhang athen; hapayü hingshangpü yangnyui dangnyüpeih.

KANDOK 23:26

Ngelei hapeü, nüngei mongdang ngei kü yahshih, hatü nüngei müki ngelei lemthü kü veituh.

SHAHKÜP 5:16

Shembüpa, ammei Kahvangi am kü shuohpü kahdok kü yüluei nyuhen hatü am meishi nyuhen shingvaishi Shembüpa, ammei Kahvangi epükei anyü hatü ampa kü dhüm shuohtuh.

SHAHKÜP 5:33

Amphong nyuhen shingvaishi shuohpü kahdokei yangnyu shoshoei daeisheyei yüluei nyuhen shingvaishi Shembüpa, ammei Kahvangi epü lem kü kamtuh.”

KANDOK 4:21

Hathü nüngei mük khangshing kübü tebientük; hathü nüngei mong kü jaotuh.

KANDOK 8:1

Kihikoni nenyüknyu je? Danaokpü koni ngeüwong neannyu je?

KANDOK 9:1

Kihikoni pinnyülei shem veteke, hatü ha kü shemnyü nyet haongteke.