KANDOK 13:4 - DAÜLANGPÜ LAIHING (BSI)

⁴ Nehetpü shennyaki lemphü kü vaaüei deihnyüpeih, shejoong meheyao nedangnyih, shejao dhaümshi dükpü ami laophüi napü hüshemei dangnyüpeih.

KANDOK 13:4 Referans Kwoze

KANDOK 12:24

Dhaümshi dou dükpü ami vanglem lemhen, nehetpü amü aa leshi dou dükhen.

KANDOK 12:11

Üami shüeinyiükei kah lingnya, hahhen changshi dangnyeih, shejao üami yahlak neshiüpü kü kamteinya, jomphongü ngapathü.

KANDOK 10:4

Neshünenyiükpü laki shennyak hük taopa leitüknyeih, shejao shüeinyiükei dükpai shemmei leinyüpeih.

KANDOK 11:25

Mih kü shuohpü shennyaki changshi anghen; Üpai mih kü yung dangkao shuohnya, büpai ha nyokei danghen.

KANDOK 28:25

Hahnempü shennyaki dehilao vamhünyeih, shejao üpai Shembüpa kü hinglemhen, lemphü anghen.

HEBREW 6:11

Dohpü thahshi ammi monglempü jiühen shingvaishi am peüi aihük nyakpükenpü huhen hami nanyüpeih.

JOHAN 6:27

Shedailaidaihen hahying teyem, shejao vanyangyem nyuhen hahying yemtuh; hayü Shennyak Ha-i am kü shuohhen. Mehenangkü hapayü Pa Kahvangi büpa kü füoshang shingei nyüke” shei e.

KANDOK 8:34

Ngei epü bangei nyihjeih ngelei shadenei ngei daneinyupüthü moihiman!

ISAIAH 58:11

Shembüpai am düngei mühen, hatü nyahpü shaampü kahdokeiyao ngei am napü shuohhen. Amü yung changshi shuohpü pemong, hatü mechemao nejeppü yunglok kei nyuhen.

KANDOK 26:13

Nehetpa hüki, “Lemnyülei mailang nyüke, longi mangpü shahnyü chingshongei longnyüke” shei enyeih.

MENVIH KESHO 92:14

Viüdaijao jom nedoh-i betjük jüknyüke; jom düngei thüngshingi hatü meishi nyuhen.

BHEI-IE 23:10

Yungching bhihhiphang keipü Israel am üpai ieaokhen, nevaijü phaihan ali kü hük dangkao üpai itaokhen? Kahvangei nanglak kü ngei ngelei yangnyu hantet dohhüshah; Daülangpü shennyak kei ngei daülangi dishah.”

KANDOK 6:6

Melaü kü veituh, nehetpüthü; hapalei lemthü kü veituh, hatü kon kohtuh.

KANDOK 12:27

Nehetpü shennyaki laophüi lümpü nedangnyih, shejao dhaümshi dükpü ami laophüi yempü dangnyeih.

KANDOK 13:3

Üami laophülei jubenyeijaang shümaoknya, jomi laophülei yangnyu yangei tuhnyüpeih, üami nelineha-i vapvapnya, mahpü pongnyüpeih.

KANDOK 13:5

Daülangpü ami shahshem kü jiühitnyeih, shejao nemeipü ami neveüi hatü nephahji-i düknyüpeih.

KANDOK 20:4

Nehetpü shennyaki hepak vangpan kü jiüshi kah nelingnyih; hahvet shingkü meheyao yemjü nedangi nyunyeih.

KANDOK 21:5

Mong thenei dhaümshi yempü küpjan kü nanglei nyüke, shejao ngangahük kü tempai taohinang lashüh pongnyeih.

KANDOK 21:25

Nehetpü shennyaki napükenpeyü vongshüh; mehenangkü büpai dou nedükhünyu.

KAHBHAO 26:32

Hapa nyih-üng Isakei chongphobüthü peiyei jomphongi yungkuk kukpü nang büpa kü, “Hamphongi yung dangtepih” shei e.

JOSHUA 7:3

Jomi Joshua touei leiyei büpa kü, “Nanglak peü aonghen napü neshiü; haja nyi nevaijü jem hükshing aongjoong hapa Ai chingü hah-aokhen khih. Jom nanglak maani mon nyüke; hanangkü nanglak peü nyiueinangei te-anshih” shei eteke.

KANDOK 24:30

Nehetpü shennyakei kah, hatü ngapalei nyalingngupai kah peih-ei ngei daishingkü;

KANDOK 24:31

Hüh-i longei daitü, kahdok kemei thüngi lümlangtü, hatü yaongpe bendaitü eeteke.

SOLOMONEI KESHO 5:3

Ngei büm-ow kemei nyiuktüktih; mehekei ngei shao ha owhen? Ngei la phutüktih, mehekei ngei shao kahdok kü shouphenang?