KAHBHAO 9:6 - DAÜLANGPÜ LAIHING (BSI)

⁶ Üpai hangkulei iy yenhühen, büpalei iy-ao yenhühen; Mehenangkü Kahvangi shennyakü Kahvang lepü kü lingpeih.

KAHBHAO 9:6 Referans Kwoze

LEVI 24:17

Shennyak hanei-i hangku sho mahtükjema, büpa-ao jütükhen.

MATHI 26:52

Hahepak kü Jisui büpa kü, “Nüngei yan hülangtuh; üami yan mü yaongnya, yani mahhen.

SHAKEI VAMPÜ 13:10

“Am wüpküpei daihen mü nyujema wüpküpei daituh; üam yani mahhen mü nyu, yani mahtuh.” Hapayü daülangpüthüi munenhen hatü hinglemhen nangkü thongpü nyüke.

BHEI-IE 35:33

Am nyupü kahdok tenyettük. Jüteishangteipai kahdok nyettüknyeih; lebü shennyak jüpü mang paütükhen lem neshiüpih.

JAKOB 3:9

Hapai-üng jeni Shembüpa, hatü Pa men vihnyüke, hatü hapai-üng Kahvang leshi lingtükpüthü kü jeni thaüvaünyüke.

KAHBHAO 5:1

Hapayü Adamei hühihathülei men nyangpü: Mechem Kahvangi hangkuli ling, büpai büpayü Kahvang lepü kü ling.

ROM SHAHSHA APPÜ 13:4

Mehenangkü büpayü am meihen shingvaishi Kahvang chongphobü nyüke. Shejao ammi nejiüpü dükjema, ammi nyemtuh; mehenangkü vanglem lempü ami angsha kü yanlu nenonyih. Nejiüpü dükpü am kü mongshih vamei hanghi shuohhen Kahvangei chongphobü nyüke.

KAHBHAO 4:14

Shinnyih nüngi ngei hapa kahdok leipü changtüknyu khih, hatü ngei nüng toueipü daiyei joshi nyuhen; ngeiyü hapa kahdok kü benhayaha shing nelingi longteipü am vaihen khih hatü hanei ami ngei pongjema jütükhen khih” shei e.

MENVIH KESHO 51:4

Nüng khüei, nüng monha khüei ngei mang thahteke, hatü nüng touei mehe ten nyu ha dükteke. Hanangkü nüngi ngei kü shahphenpeyü jiüphei; ngei nyonghüpü kü dah shakteke.

BHEI-IE 35:25

Khongi bhüh yempü shennyak khüambakei nevai, shejao mih jüpü shennyak yanghen khüambakei shahphenhen vongbong, hatü büpa shojo chingei shomtükhen. Hahepak kü nyupü ngongchong mangdi thahshi büpa halei nyuhen.

LEVI 17:4

büpa iythüng anpü nangkü büpa shahkung kü pungteke; hanangkü büpa nanglakthü khong kübü katitükhen.

1 KORINT 11:7

Baha hüki shokuh kuhhen napü neshiü; mehenangkü büpayü Kahvang lajei hatü müknyinshekhang, shejao nyühayü bahalei müknyinshekhang.

KAHBHAO 42:22

Hahepak kü Reubeni jomphong kü, “Jeni naüpeü kü nejiüi nedükshah shei ngei ne-eangpü je? Shejao amphongi ha nebangpeih. Hanangkü shaang büpalei iy nangkü jen ponghahnyeih” shei e.

MÜLANGPÜ 20:13

Nüngi tejü.

SHAHKÜP 5:17

Amphongi tejü.

SHAHPHENBÜTHÜ 9:56

Hapa keiha Abimelekh-i chepa khüei büpalei jeihinaüthü jom pejempüan jüpü nangkü Kahvangi büpa kao ha nyokei shuoh,

1 SAMUEL 15:33

Shejao Samueli, “Nüngei yani nyüthü longi hapeü neshiüpükei leitük, hapakei anyüao hapeü neshiüpü keiha nyemnyu” shei etü büpai Gilgal leipü moidü touei Agag khih mü deh-ei jütük.

2 ONGPATHÜ 11:16

Jomi pinnyü yepei ongshemei müei leiyei Koyei Shadenei pinnyü jütük.

KANDOK 28:17

Shennyak hanei-i mih jüpü mang jotü hanghijema, büpa mangdi thahshi paüeiyonei angtuh; üpaiyao büpa kü tesheüh.

CHONGVENBÜ 3:3

jühen hepak hük, hatü hapa meihühen hepak hük; bentükhen hepak hük, hatü hapa linghen hepak hük;

BHEI-IE 35:16

Shejao shennyak hüki hanei kü nyiami bheitü jütükjema, büpayü shennyak jüpü am nyüke; hapakei büpayao jütükhen.

SHAHKÜP 19:11

Shejao shennyak hüki lebü hük mü vepa vaipü nangkü daüpei jütükjema, hatü ha chingnyüthü hükei daiyei jojema,

2 SAMUEL 4:11

Shejemü nemeipü shennyakthüi pungpü neshiüpü shennyak lüngei nyeanshi jüpeyü meshük nemeipü ten vaihenang! Shaang ngei büpalei iy anji kü neyühen je?” shei e.

1 ONGPATHÜ 2:9

Shejao nüngi büpa kü mang neshiüpükei tedeih. Nüngü kon kohpü shennyak; büpa kü mehe dükhen ha nüngi nyinghahte, hatü nüngi büpalei shosho pungdaipü shangjingü iy homei mahngchongei vühütuh” shei e.

2 ONGPATHÜ 11:1

Mechem Ahaziah ongpalei chenyü Athaliah-i cheha jütükpü danpa, pinnyüi ongpalei shem am peü li hümtükhen ngeükhüam shuoh.

2 ONGPATHÜ 11:20

Hapakei nanglakthü peü mongong, hatü ongshemei Athaliah jüpü nangkü chingnyüyü vüngmaki nyuteke.

2 SHÜPPÜKENGPÜ 33:24

Amonei lakchongbüthüi büpa khüei phaüshah show hatü büpa laophülei ongshemei jütük.