KAHBHAO 9:26 - DAÜLANGPÜ LAIHING (BSI)

²⁶ Büpai shao Shembüpa, Shemei Kahvang moihimantuh! Kanan amü Shemei aa vaihütuh.

KAHBHAO 9:26 Referans Kwoze

MENVIH KESHO 144:15

Hapa keipü moihiman dangpü nanglakthü moihiman; Shembüpayü üamei Kahvang vaihenshang moihiman.

HEBREW 11:16

Shejao jomi meipü kahmük ongyang, lappai, vangsho amei kahmük. Hanangkü Kahvangü jomei Kahvang shei nyükhen kü veüei nedeih; mehenangkü büpai jom shing chingnyü hük temshuohteke.

ROM SHAHSHA APPÜ 9:5

Hebrew am pathüyü jomei, phai keyü peü shak kübü Messiah-ü jom kübü, Kahvang den kü moihimantuh, Amen.

SHAHKÜP 33:26

Ammei Kahvang kei üpayao neshiü, Oh Jeshurun. Am kü sheühhen büpai vangshothü kü hatü büpalei wongi phumthü shingkü longteinyüke.

KAHBHAO 27:37

Isaki Esau kü, “Ngei büpa nüngei shembü leihütüktih, hatü ngei büpa kü büpalei jeihinaüthü peüi büpa chongphohen, hatü hahying, yiü lemphü shuohtüktih. Hapeü, ngei nüng kü mehe dükphahenang?” shei e.

KAHBHAO 27:40

Nüngü nüngei yannah-i chingchinghen, nüngi anaü chongphohen, Shejao mechem nüng khüei yaonghen, nüngei bhagchong leipü büpalei pang ngühtükaokhen.”

KAHBHAO 14:20

Nüngei lak kü vepathü shuohpü Jaipüba Kahvangei men longtuh.” Hahepak kü Abrami büpa kü lemphü kübü ankhong shuohteke.

KAHBHAO 24:27

hatü, “Shembüpa, ngelei shembü Abrahamei Kahvang men longtuh. Büpai ngelei shembü kü bampü lakshing hatü lahtükpü jiüshi dükteke. Shembüpai shinnyih ngelei yendaiyü ngelei shembü amei jeihinaü shemei ngoihüteke” shei e.

KAHBHAO 27:29

Nanglakthüi nüng chongnyempho, hatü jatthüi nüng kü aümei nyemkhüm. Nüngi nüngei jeihinaüthü shak kü shembü vaituh, hatü anyüi bühpü hapeüthüi nüng kü aümei nyemkhüm. Nüng kü thaüvaüpüthü kü thaüvaü hettuh, hatü nüng kü moihimanpüthü kü moihiman nyutuh.”

1 ONGPATHÜ 9:21

jomei hühihathü shinnyih thahshi hapa kahdokei nyupüthü Solomoni aa vaishi ngaüngei dou dükhüteke.

JOSHUA 9:23

Ammi hapakei dükpü nangkü Kahvangi am thaüvaüteke. Am ngelei Kahvangei shemei aa kei den kü pü kakpü hatü yung shopü nedohpih” shei e.

SHAHPHENBÜTHÜ 1:28

Mechem Israel am wong koh-ei leipa, jomi Kanan am kü ngaüngei douwong dükhü shejao kahdok kübü payü nechangtük.