KAHBHAO 6:9 - DAÜLANGPÜ LAIHING (BSI)

⁹ Hathüyü Noahlei hühihathü: Noah-ü daülangshemshepü shennyak nyu, hatü büpa hepak kü hangku khongkü eela neshiüpü yangnyu, hatü büpa Kahvang mü kam.

KAHBHAO 6:9 Referans Kwoze

LUK SHAHSHA APPÜ 1:6

Jijinyiphen Kahvang touei daülangi nyu, hatü Shembüpalei shahkung hatü vanglemthü aimü eela neshiüi nyu.

HEBREW 11:7

Hinglempai Noah-i ne-eejao peikahen vongshüh nang Kahvangi shahvüng shuohpü nangkü hapa shahvüng kü dhüm shuoh-ei jom shem yanghen jahas hük ling; ha homei büpai kahdoknyü nyonghü hatü hinglempai daülangshemshepülei mükjüp leiteke.

2 PETER 2:5

hatü Kahvang nenyingpü kahdoknyü kü bünghiyang yah-ei peishingkü daülangshemshepü shahjang kobü Noah mü jom nyet mon yangtü büpai aivang kahdoknyü dangkao yangei netuhjema;

KAHBHAO 7:1

Hapheikü Shembüpai Noah kü, “Jahas mongei shütuh, nüng hatü am shem kemei, mehenangkü hapa den kü ngei touei nüng mon daülangi nyüke shei veiaoknyüke.

KAHBHAO 5:24

Enokh Kahvang mü kam, hatü büpa nenyu; mehenangkü Kahvangi büpa yahlang.

GALATIA 3:11

Shahkung dükpai üpaiyao Kahvang touei dahshakei neaokpih shei shaang lekei eenyüke; mehenangkü, “Daülangpü shennyak hinglempai mon nyuhen.”

KAHBHAO 17:1

Mechem Abram bong 99 nyupa, Shembüpa büpa touei peiyei, “Ngeiyü Jeiyong Kahvang; ngei touei eela nekoh-i kamtuh.

KAHBHAO 5:22

Büpai Methuselah bühpheikü Kahvang mü bong 300 kam, hatü lebü yiükha yeshangthü büh.

EZEKIEL 14:14

halei Noah, Daniel hatü Job hathü paoh nyupü vailangmao jom hinglempai jom mon yanghen, shei Shembüpa Kahvangi enyüke.

JOB SHAHSHA APPÜ 1:1

Chem hepak kü Uz kahdokei shennyak hük Job shei mentü nyu. Hapa shennyakü eela neshiü hatü kangshangi nyu, hatü büpai Kahvang nyem hatü mang nedükhen kenhingpü shennyak nyuteke.

KAHBHAO 2:4

Vangshothü hatü kahdok lingshingkü nyupü jung: Shembüpa Kahvangi kahdok hatü vangshothü lingpü nyih kü,

1 PETER 2:5

amphongao yangnyuyem yaong keiha daülangpü ngongli vaihen hatü Jisu Khrista homei Kahvangi yah-aokbenüng laangha moila shuohhen nangkü am nyingi laangha shem vepü kü noteihütuh.

CHONGVENBÜ 7:20

Kahdoknyü kü mang nethah-i jiüpü mon dükpü daülangpü shennyak üpayao neshiü.

PHONGSHANTHÜ DOU 10:22

“Veshan kho hük shak kü mübü Kornelius-i hamphong shompeih. Büpayü daülangpü hatü Kahvang nyempü shennyak hih. Jehoda am peüi büpa kü longi dhüm shuohnyeih. Nüngi mehe e büpai ha banghen shingvaishi daülangpü vangsho phongshani nüng jomei shemei nyükhen eshuohpüja” shei jomphongi jangei e.

EZEKIEL 14:20

Noah, Daniel hatü Job hathü halei nyupü paoh vailangmao, jom daülangshemshepai jom mon yangpü mü lenei jomei hapeüthüao neyangaokhen shei Shembüpa Kahvangi enyüke.

JOB SHAHSHA APPÜ 1:8

Shembüpai Satan kü, “Nüngi ngei chongphopü Job kü mük shahnyu je? Kahdoknyü kü büpa kei eelashing neshiüpü, kangshangpü shennyak, Kahvang nyempü hatü mang nedükhen kenhingpü neshiüpih” shei e.

ROM SHAHSHA APPÜ 1:17

Mehenangkü shahjang meipü kü Kahvang daülangshemshepü shakei vamteke; hapayü pangpü kübü dohpü ngoishi hinglempü homei daülangshemshepü; hapakei nyangei nyüke: “Daülangpüthü hinglempai mon nyuhen.”

LUK SHAHSHA APPÜ 23:50

Shaang meipü hatü daülangpü shennyak hük Joseph shei menpü nyu. Büpa shahtap kü nanglak hük vaijao,

LUK SHAHSHA APPÜ 2:25

Shaang Jerusalemei shennyak hük meni Simeon shei mentü nyu; hapa shennyakü daülangpü hatü Kahvang nyempü shennyak, Israel am nyiushem meihühen omdanei nyu, hatü büpa kü Laangha Daülangpü bak.

HABAKKUK 2:4

Changmeipüthü kü veihümao! Jomphongei laang nemeiang, shejao daülangpüthüyü jomphong hinglempai nyuhen.

KANDOK 4:18

Shejao daülangpülei lemü nepnüng dhom vanghela helushoei nyapüba khangpükei nyüke.

MENVIH KESHO 37:37

Eela neshiüpü shennyak kü veishi nyutuh, kangshangpü am kü veihümao; Chingmei kohpü shennyakei hüshompheinaü nyüpeih.

2 SHÜPPÜKENGPÜ 15:17

Büpai Israel leipü vaümchongthü nemangtükkemjao, Asa-i büpalei den kemei Shembüpa kü lanei shuoh.

KAHBHAO 48:15

Joseph kü moihimanei hapakei e: “Kahvang üpa kü ngelei bühipai chongphopa, Kahvang üpai shinnyih thahshi ngelei yangnyu müpa,

JOB SHAHSHA APPÜ 12:4

Ngeiyü küphüthü toumü mihnyi pü leidaiteke; Ngei Kahvang kü nyükjü büpai janglangmao; ngei kü eela neshiüjao ngeiyü mihnyi pü leidaiteke.

1 ONGPATHÜ 3:6

Solomoni jangei, “Nüngi nüng chongphobü opa David kü yahyang shinshang longi hupeih; mehenangkü büpai nüng kü hinglem, hatü mongdang daülangi hatü laülüki nyu. Nüngi nedoh-i büpa kü bam, hatü shinnyih thahshi hapa ong uoshing kü uohen büpa kü hapeü hük shuoh.

2 SHÜPPÜKENGPÜ 25:2

Büpai Shembüpa touei mehe jiü, ha dük, shejao hingshangpü mongdangi nevai.

KAHBHAO 10:1

Hapayü Shem, Ham, Japheth hathülei hühihathü nyüke: Bünghiyang lenpheikü hathüi hapeüthü bühteke.

KAHBHAO 5:1

Hapayü Adamei hühihathülei men nyangpü: Mechem Kahvangi hangkuli ling, büpai büpayü Kahvang lepü kü ling.

KAHBHAO 6:10

Noahlei hapeüthü jem nyu: Shem, Ham hatü Japheth.

SHAHKÜP 18:13

Shembüpa, ammei Kahvang touei am eela nekoh-i nyutuh.

2 SAMUEL 22:24

Büpa touei ngei eela neshiüi nyupeih, hatü ngei mang nethah-i nyupeih.

MENVIH KESHO 37:39

Daülangpü am yanghenü SHEMBÜPAleipü peinyeih; Jom shanghahpü hepak kü büpayü jomei penyüsha.