KAHBHAO 6:7 - DAÜLANGPÜ LAIHING (BSI)

⁷ Hanangkü Shembüpa i, “Kahdok shak kü ngei lingpü hangku, kahdokei kamteipü yemhimakthü hatü shangouthü thitei yaktükhen hih– ngei hathü lingpü nangkü ngei mongshangnyüke” shei e.

KAHBHAO 6:7 Referans Kwoze

ZEPHANIAH 1:3

Ngei shennyak hatü yemhimakthü; shangei piteipü ouhiyühthü, yungmong nyahthü maotükhen. Ngei nemeipüthü huluh shuohhühen. Ngei kahdok shak kübü hangkuli bhang mahtükhen shei Shembüpai enyüke.

MENVIH KESHO 37:20

Shejao nemeipüthü mahdainyeih, hatü Shembüpalei vepathüyü phenha nethe meipü keiha hatü jom awshit kei mahdaihen.

KANDOK 16:4

Shembüpai lemphüli mükhong tuhtü lingpeih; nemeipüthüao shangpongpü nyih shingvaishi lingpeih.

KANDOK 10:27

Shembüpa nyempü kü yangnyu ünyüpeih, shejao nemeipüthüi denshohvanloh pongnyüpeih.

HOSEA 4:3

Hanangkü kahdok vandainyüke, hatü halei nyupüthü peü didainyüke. Yemhimakthü, shangouthü hatü yungching leipü nyahthü peü didainyüke.

KAHBHAO 6:6

Kahdoknyülei büpai hangku lingei tuhpü nangkü Shembüpa mongshang, hatü büpalei mong kü tüngteke.

KAHBHAO 7:4

Nyih nyet mongkü ngei kahdoknyülei nyih pinyi ya pinyi vang keiphahen, hatü ngei lingpü lemphü hapa kahdok shak kübü thittükhen” shei e.

KAHBHAO 7:21

Kahdoknyülei nyupü yemhimak, ouhiyüh hatü hangkuli peü mahkem.

KAHBHAO 8:21

Hapa vong meipü jakpü moila Shembüpa kü büjapü kü büpai büpalei mongei, “Sheyü shinnyih pheikü shennyak hük hashih mebü mongdang kü ten mon deihjao, shennyak tata kü ngei kahdok kü nethaüvaüpih; nevaijü ngei shelei mahtükpükei sheyü yemhimakthü nemahtükpih.

SHAHKÜP 28:63

Shembüpai am dahüshehühen mongongpü keiha büpai am mahtükhenao mongonghen. Amphongi yahhen kahdok kübü am bhitükhen.

SHAHKÜP 29:20

Hapa keipü shennyak khüei nyukahen. Hapa laitap kü nyangei nyupü thaüvaü kemei büpa kü hethen, hatü vangsho phang kübü büpalei men thittükhen.

1 SAMUEL 15:11

“Saul ong vaihüpü nangkü ngei mong bhagei deihnyüke, mehenangkü büpai ngei epükei nedüki ngei toueipü lepdaiteke” shei e. Samuel longi mongshih, hatü vangnyak büpai Shembüpa kü len.

AMOS 7:3

Hahepak kü Shembüpa mong leiteke; “Hapa am kü nevamküpih” shei Shembüpai ephüteke.

AMOS 7:6

Hahepak kü Shembüpa mong leiteke; “Hapa am kü nevamküpih” shei Shembüpa Kahvangi ephüteke.

ZEPHANIAH 1:2

Shembüpai enyüke, kahdok shak kü nyupü lemphüli ngei chemjalak kü maoei yaktükhen.

ZEPHANIAH 1:18

Shembüpa mongshih anpü nyih jomei hon hi ngini jom neyangaokhen; Büpa mongshihpü awlah-i kahdoknyü peü shamtükhen; mehenangkü büpai kahdoknyü kü nyupüthü peü ngangahük kü dohtükkemhen.

ISAIAH 27:11

Mechem hapalei kaohilak dihen, hathüyü bhaglanghen; nyühathü peiyei hathü yah-ei aw kü jaktükhen. Mehenangkü hapa nanglakthü kü danaokpü neshiü. Hanangkü jomei Lingbüi jom kü nephahji hatü neshinshang.”